كلاكيت تاني مره - فيلم العلامه فيين هيه راحت فيين

**AlmAhAtmA** · 26-05-2007 11:37 PM

انا في البدايه باعتذر عن اسم الموضوع
بس من غلبي مش اكتر

الموضوع ببساطه ان واحد من هواه جمع العلامات
اعجب بكلمه سيتي اللي في ظهر العربيه
فقرر انه يقتنيها دون الرجوع الي و باستعمال المفك

المشكله ان انا ما عنديش وقت لمحضر في القسم و اتصل بالتامين و الكلام ده

يا تري ممكن حد يفيدني الاقي العلامات دي فيين
لان في التوكيل قالوا لي ان تمنها 280 جنيه و انا لسه من حوالي شهرين دافع 180 جنيه في حرف H اللي في النص

شكرا لتعاونكم
ان لله و ان اليه راجعون

**جندى مجند** · 27-05-2007 01:04 AM

لا حول و لا قوة الا بالله ... ربنا ينتقم من العالم دى .. أنا برضة لسة مسروق منى حرف الـ H الخلفى دة يا هانى من حوالى اسبوعين ... و سألت عليه عند المأمون قاللى موجود فى معرض السلطان حسين بـ 135 ... بينى وبينك قلت لو جيبته ايه اللى يضمنلى انه ما يتسرقش تانى ... فقلت خلاص بقى ... خليها كدة ... بس كمان كلمة city فيها الطمع؟؟؟ حسبى الله و نعم الوكيل.

**hazem_khidr** · 27-05-2007 01:31 AM

حتلاقيها في شارع دمشق او لو تلاقي محل قطع غيار استعمال ممكن تجيبها ارخص بس مش عارف ماهي ممكن تيجي و تنسرق تاني و في حل بس بيبقي شكله مش ظريف و هو انك بتخرمها خرم بسيط و تثبتها ببرشام بس بيبقي شكلها مش حلو من قريب

**sokasoon** · 27-05-2007 01:33 AM

انا مش عارف هما ليه بيعملوو كده

هيستفادووة ايه بيها

لا حول ولا قوة لا بالله

**h_hezzah** · 27-05-2007 01:50 AM

انا مش عارف هما ليه بيعملوو كده

هيستفادووة ايه بيها

لا حول ولا قوة لا بالله

بسيطه هايبيعوها لواحد مسروقة منه (وممكن يكون صاحبها نفسه)
وبنص التمن او اقل

**Abdallah** · 27-05-2007 03:08 AM

طيب انا اتسرقت منى علامة التويوتا حوالى 27 مرة وفى الاخر بعتها من غيرها ههههههههههههه
الحل الوحيد انك تغطى العربية كل ما تركنها فى حتة وطبعا دة حل غير عملى اة انك تثبتها بمسامير وهيبقا شكلها وحش والحمدلله فى الانوس مفيش علامات بارزة غير علامى الدايو وربنا يستر علبها.

**أبو عبدالله** · 27-05-2007 03:23 AM

ربنا يعوض عليك انا برضه والله واحد ابن حلال حب كلمة GLX 1.3
راح شايلها ويظهر انها كانت صعبه معاه راح شايلها بحديده وخد الدهان معاه

**fahd_628** · 27-05-2007 03:32 AM

يا ساتر يا رب و احنا بقى واحد كانت عجباة علامة تويوتا الى فى ظهر العربية ام واخدها برضة

مش عارف انا اية الحكاية

**Abdallah** · 27-05-2007 03:45 AM

المشاركة الأصلية كتبت بواسطة أبو عبدالله

ربنا يعوض عليك انا برضه والله واحد ابن حلال حب كلمة GLX 1.3
راح شايلها ويظهر انها كانت صعبه معاه راح شايلها بحديده وخد الدهان معاه

ههههههههههههههههههههههه والله ضحكتنى جامد يا محمد , لا حول الله يا رب هيا وصلت لحد حديدة, طيب يبقا بلاش نعمل موضوع المسامير دة لحسن ياخد باب الشنطة كله هههههههههههههههههه