مأساة فى شركة الطارق موتورز فرع العجوزة

**mstfysn** · 23-08-2010 07:20 PM

فى يوم ما تم الاتصال بالبنك العربى الافريقى لمعرفة معلومات عن قروض السيارات و بالمتابعة مع الموظف المسؤول تم الافادة بانه يوجد عرض خاص بشركة الطارق موتورز بفائدة 6.5% و بالفعل ذهبت الى فرع الشركة الموجود فى العنوان 16 شارع محمد رشدى-خلف معهد القلب- العجوزة و رقم تليفونهم 19850 و تم حجز سيارة رينو لوجان و دفع مبلغ لجدية الحجز و اخذ ايصال بالمبلغ لحين موافقة البنك العربى الافريقى على تمويل القرض و تم الانتظار لمدة شهر لحين معرفة نتيجة القرض و للاسف تم رفض البنك لتمويل القرض و بالتالى كان يجب على شركة الطارق من اعادة مبلغ جدية الحجز و لكن للاسف لم يتم حصولى على المبلغ و ذلك بسبب مماطلة الشركة فى الدفع.

فبالتالى قمت بعمل شكوى فى جهاز حماية المستهلك للحصول على المبلغ و لكن للاسف لم يتم حصولى على المبلغ حتى الان و لكن لا زالت متابع مع الجهاز

يرجى العلم ان المأساه دى بقالها اكتر من شهر و نص

و لكم جزيل الشكر

**Mah_Badawy** · 23-08-2010 09:12 PM

دي سرقة رسمي ربنا معاك

**fox198626** · 23-08-2010 11:09 PM

حاول متسبش حقك....عشان لو كل واحد عملوا فيه كده ساب حقه...حتستمر السرقة وحيستمر مسلسل جشع التجار...
وربنا معاك إن شاء الله وتسترد فلوسك

**ada7** · 23-08-2010 11:20 PM

روح قسم الشرطه واعمل محضر اتهمهم بالنصب

**ashouhdy** · 23-08-2010 11:31 PM

اية دة ياباشا ؟!! خد اربعة صحابك وروح فرتك المعرض ع اللى فية ! وانت الحق معاك واحد سرقك وانت بدافع عن نفسك ؟!!!

**karimnet** · 24-08-2010 12:20 AM

المشاركة الأصلية كتبت بواسطة DViPER

يا فندم مش انت معاك ايصال استلام نقدية ؟؟

لو اه

يبقي علي القسم وبعدين حماية المستهلك

القسم يجيبلك فلوسك وحماية المستهلك ممكن يجيبلك تعويض

+1

**haitham83** · 24-08-2010 02:04 AM

تاااااااااااانى الطارق خد دة موضوعى عن الطارق بس اسكندرية
http://www.nilemotors.net/Nile/93598-a.html

**jericho** · 24-08-2010 04:35 AM

روحلوهم واعملهم مهرجان وقولوهم لو ما اخدتش فلوسي هعملكو محضر في القسم لو مدزكش فلوسك اطلع علي القسم طوالي اعمل محضر ومتستناش دول حرامية والطارق ده اصلا ناس كتير بتشتم فيه عندك محمد زكي محدش اشتكي منه وسمير ريان انا جربته تدفع الفلوس تستلم العربية وانت واقف والعربية زي الفل وناس في قمة الاحترام وتعاملهم محترم جدا