:w6266d
:w6266d
هو الموضوع رخم لدرجة محدش عايز يقول اى حاجى خصوصا الناس الجامدة بتاعت المنتدى؟
من غير اوتو ولا حاجة
عن نفسي الاوبترا افضل واوسع واكثر ثبات من النيو اكسنت
اخبار السحب و الثبات اية يا رجالة؟
انا اقدر اتكلم عن الاوبترا لان عربيتى اوبترا اوتو
العربية جيدة جدا من حيث السحب و الثبات و الرحابة
قطع الغيار متوفرة و اسعارها جيدة او معقولة بالنسبة لباقى السيارات و يوجد بدايل لقطع الغيار
عيب العربية الوحيد هو منصور او الوكيل و اظن ان كل الوكلاء عندهم نفس المشكلة
و العربية ينقصها بعض الكماليات
و بالتوفيق فى القرار
و ممكن تقوم بزيارة اقسام العربيتين و تتابع الماضيع اظن انك هاتخرج بقرار سريع
الأوبترا فئة أعلى من الأكسنت فطبعا الإختيار الأوبترا بس توكيل منصور الأسوء على الإطلاق (من واقع تعاملي معاه) بس غبور مش أحسن منه بكتير
فعلا الاوبترا فئة اعلى من حيث حجم العربية و مساحة الصالون و ثباتها احسن من الاكسنت بفارق بسيط نسبيا و عفشتها انعم من الاكسنت و عيبها ان فراملها ضعيفة شوية .. و الصاج - خصوصا السقف - بيبقى ضعيف شوية و اعتمادية اقل من الاكسنت .
الاكسنت موتورها اكثر تطورا و استهلاكها اقل فى البنزين ... عفشتها انشف بس تستحمل اكتر من الاوبترا بكتير .
الاتنين فى الشد و السحب حلوين جدا .. و قطع الغيار رخيصة و متوفرة و سعر اعادة بيعهم حلو .
بس بخصوص قطع الغيار انا صاحبى معاة اوبترا عاملة 60000 الف غيرلها التيل 3 مرات و لسة مغير المساعدين الامامى و شوية حاجات فى العفشة من اسبوع .
و انا معايا الاكسنت عاملة 31000 كم و التيل كشفت علية من 10 ايام لقيت لسة فاضل نصة .
ليا توضيح ارجو تقبلة
طبعا موضوع العفشة بتفرق من اسلوب قيادة شخص الى اخر
انا معاية اوبترا عاملة 73000 و مش مغير حاجة الا علبة دركسيون فى اول ثلاث شهور و بعد كدة مافيش مشاكل
و كمان انا مشارك فى اغلب مواضيع الاوبترا فى قسم شيفورلية و لا اتذكر انى سمعت شكوي قوية او عامة من العافشة
و طبعا المقارنة صعبة بين العربتين لصالح الاوبترا
واضح من الاراء ان الاوبترا افضل كأختيار.