تقريبا ده شارع جامعة الدول في لندن :ma:
واخدينه رايح جاي رايح جاي :36_3_18[1]:
عرض للطباعة
تقريبا ده شارع جامعة الدول في لندن :ma:
واخدينه رايح جاي رايح جاي :36_3_18[1]:
LooooL
اسمه Brompton Road ....بالمناسبة...
و الفايد باعه بمليار و نصف جنيه استرلينى و نصفهم كانت قروض للبنوك تم تسديدها بعد البيع....
بيلفوا مش لاقيين ركنة...؟؟؟
نبقى نبعتلهم 5 مليون سايس كده على الماشي...:s
دى ال YouTube Channel بتاعة صاحب ال Videos
YouTube - Kanal von alexsmolik
انتوا واخدين بالكوا ان فى اول الفيديو الشارع كان وقف و الدنيا زحمة
و بالرغم من كده مفيش ولا صوت كلاكس واحد :toot:
الدنيا كانت هدوووووء
نيجى للجد
انا أتفق معاك يا chato_eg ان المصريين هيعملوا كده برضه
بس إنا شايف ان المشكلة فى الدول دى إنهم مش بيستثمروا الأموال الطائلة دى فى اى شىء
لا مصانع إنتاج وطنى و لا أبحاث علمية ... الناس دى لم تزد الدنيا شيئآ هم مجرد مستهلكين فقط
إنما مصر لما كان فيها فلوس و قيادة محترمة كان عندنا مصانع غزل و نسيج و زراعة قطن و شركات إلكترونيات ده غير النصر السيارات (الله يرحمها) اللى كانت من اوائل شركات السيارات فى الشرق الأوسط
مين قال لك إنهم مستهلكين فقط ؟؟؟
فى حاجات كتير كويسة....
قطر على سبيل المثال حيث إنها موضع الحديث....العائلة الملكية مجتمعين فى هيكل اقتصادى كبير يسمى قطر القابضة هى إللى اشترت هارودز....شوف احنا بقى لما 2 اخوات يشتركوا فى بقالة إيجار بيعملوا إيه فى بعض أول ما يشموا ريحة الفلوس....
قطر فيها فروع لأفضل الجامعات فى مجالات متعددة زى إدارة الأعمال و علوم الحاسب و غيرها و دى جامعات توفير مناخ مستقر من أولوياتها..مش هايهمهم الفلوس يعنى....لإنها مش مؤسسات ربحية فى المقام الأول....
الإمارت مافيش عندها بترول كتير...ناصحين..عملوا منطقة حرة فيها فروع لكل الشركات التى تعمل خارج حدودها الوطنية..و حرية تجارة جمعت الشرق و الغرب...إللى هى فكرة بورسعيد إللى احنا عملناها من عشرات السنين بس طبعا لازم نضيف لمساتنا الخاصة لإفشال أى بادرة نجاح
السعودية .....تصدق إنهم بيزرعوا قمحهم بنفسهم بالرغم من إن مافيش أى مشكلة مالية لتأمين الاستيراد بل و شراء نصف أراضى أستراليا لو لزم الأمر..لكن الأمن الغذائى القومى جعلهم يزرعوا الصحراء بالقمح..بلاش أقول لك أنا احنا بنعمل إيه فى القمح...أكيد كلنا عارفين....
النهاردة أنا بأدور على المنتجات السعودية فى السوبرماركت مش المصرية...أحسن و أرخص من المنتج المحلى....ياللحسرة...
حتى البحرين إللى مافيش فيها لا بشر و لا موارد و لا أى باذنجان....عندها جذب سياحى..و لو إن الجميع معترض أخلاقيا على أسلوب الجذب و المنتجات الجاذبة...و لكن أكيد لم يكونوا ليستمروا لولا وجود زبائن تغذى صناعة السياحة....و فى ال business مافيش وزن كبير للاعتبارات الأخلاقية.....كفاية حلبة ال F1 ....احنا ما عندناش ملعب كورة عدل غير الاستاد و يعنى ماهواش مفخرة و لا حاجة ...!!
بالتأكيد طبعا وجود ثروة مفاجئة و استخراجها لا يتطلب بذل مجهود من أيادى أبناء الأمة لابد و له تأثير أنتيييخ كبير جدا...بس احنا أسوأ منهم حالا...الراجل - و أشدد على كلمة الراجل - مش بيشتغل غير لما مايبقاش معاه فلوس..أول ما تخلص ينزل الشغل...يهلب و يخم و يخادع فى حرفة اتعلمها عن طريق الوقوف بجوار أحد مدعى الاحتراف بس مش أكتر و كمان نتحايل عليه...
يا راجل ده أنا السباك طلع 30 عين أهلى علشان يصلح ال COMBINATION و أتى أكثر من مرة و بالحيال و الزعيق علشان يشرف بسلامته....
لما كان فى القيادة المحترمة..تصدق...ماكنش فيه فلوس أوى بالدرجة و كنا محققين أعلى معدل للنمو الاقتصادى الحقيقى فى العصر الحديث من 1960 ل 1967 ....الشغل هو إللى بيجيب الفلوس..و الأمانة و الصدق و الإخلاص هى إللى تضمن الاستمرارية
بمناسبة شركة النصر و احنا فى نايل موتورز....روح شوف مدخل المصنع فى وادى حوف فى حلوان عامل إزاى...حاطين نصف أمامى لتاكسى شاهين طالع من شباك و طبعا الدهر أكل و شرب على النصف الأمامى لما بقى منظره كإنها قطعة خردة فى ساحة تخريد....يعنى حتى مافيش حد ينظف أم التاكسى الشاهين إللى يعتبر آخر ما توصلت إليه البلد بعد 50 عاما فى حقل صناعة السيارات...مش عارفين نرشه بشوية مياه...
أنا و الله بطلت أبص عليه من كتر الألم إللى بيسببه المشهد المتدنى تكنولوجيا و نظافيا و جماليا و هبابيا...
تصدق بقى إن السعودية بدأت تدخل الحقل ....عبد اللطيف الجميل - توكيل تويوتا فى السعودية - عامل مراكز تدريب مهنى برعاية الدولة و بيعملوا فرش الداخلى و كراسى للعربيات التويوتا دلوقتى....
لو هما مجرد مستهلكين...يبقى احنا أسوأ و أضل أنواع المستهلكين....لإننا على رأى المثل " أقرع و نزهى "
حضرتك معاك حق فى كلامك و لا أظن إننا مختلفين فى أرائنا
و الحقيقة انا كنتش أعرف ان قطر بدأت تهتم بالتعليم .. فدى معلومة جديدة
انا مش بحب أقارن مصردلوقتى بأى دولة من دول الخليج
بس انا كنت أقصد ان المفروض الشعوب و الحكومات دى تنتبه لإن المال لن يبقى للأبد إلا إذا كان فيه كوادر من الشعب تضمن ان الدولة هتفضل قادرة على الإنتاج حتى لو تخلت عنهم دول العالم
السعودية يمكن تكون أقل دول الخليج فى البهرجة و كمان فيها نسب فقر مرتفعة نسبيآ عن يقيت دول الخليج....قد يكون السبب ده هو اللى خلاهم يبتدوا ينتجوا و يفكروا فى المستقبل بإسلوب أكثر جدية
دي مش عربيات دي عسليات :d