الموضوع: لـيـه اشـتـريـت نـيـسـان ؟؟

اولا لانها يابانى
تانيا حبيتها من المنتدى و الناس شكرت فيها
تالتا سعرها يساوى قيمته (تجد عربيات اخرى ممتازه و لكم سعرها يفوق قيمتها بعشرات الالاف

انا اشتريت نيسان صني عشان حاجات كتيرة اوي اوي اوي

1- عربية عائلية من الدرجة الاولي و تكفي حاجات سفر عائلة كاملة و نقعد كلنا مستريحين فيها
2- عربية يابانية و لو قولنا تقفيل مصري .. طيب ما المرسيدس و البي ام تقفيل مصري و ناس كتير بتشتكي لكن النقطة اللي جاية هتحل المشكلة ديه ان وجدت و هي ...
3- توكيل فوق فوق فوق المحترم و طبعا مش هقول كل التوكيلات بتاعة نيسان كويسة بس الجميل ان التوكيلات ديه بعد المشاراكات اللي بالالافات في القسم ساعدتنا ان احنا نصنف كل توكيل بيعرف يعمل ايه بالظبط بحيث العضو يروح يركب اكسسوارات في مكان معين و الميكانيكا و الكهربا في مكان تاني يبقي هنا فعلا وكيل محترم و خدمة مابعد البيع مفيش بعد كده
3- عربية خطيرة جدا في المناورات و تحديات الطريق و عمرها ما تكسفك في الطريق و كمان فرامل فوق الوصف
4- الحاجات المصري اللي داخله فيها مش بتعيبها اوي (الضفيرة و مش كلها فيها عيوب و لو في عيب بتتركب غيرها فورا - الكراسي لو حد بيتعب منها ممكن تركب كسوة من جينز كار و تبقي 100% - الزجاج دكتور جريش و جريش معروف انه بيصدر بره مصر و بنلاقي العربيات اللي جاية من بره دكتور جريش)
5- يكفيني ان اساسيات العربية كلها ياباني موتور صاج شاسية سيور كابلات كل حاجه
6- واثق من نفسي و انا سايق العربية
7- عربية سعرها مع الامكانيات اللي فيها ديه كلها فوق الرائع .
8- قطع غيار طبعا متوفرة و معمرة جدا زي اي عربية ياباني.
9- العربية فعلا كمان انتشرت في وقت قصير جدا جدا .

عمري ما ندمت علي شراؤها و كل يوم بشكر ربنا انه قسمها لي

النيسان عربية محترمة"

عربيى يابانى محترمة فيها غلب الكماليات الى احتاج ليها
اسعار قطع غيار معقولة جدا مقارنة بباقى السيارات فى فئتها
سعرها حلو

شكراً لمشاركة الاعضاء الكرام
وفى انتظار مشاركة باقى اعضاء منتدى النيسان العزيز

انا اشتريتها بعد مقارنة بينها وبين الانسر واكتشفت ان ثباتها اعلي عزم ممتاز بس عيبها انها مش بتغير شكلها جوة وبره بس بصراحة ربنا يخليها ويهديها لينا ويكفينا شر طريقنا