معلش يا رجاله, أنا بس شايف فيه تحامل جامد على أصحاب الفيديو مع إنهم مكانوش بيحاولوا يثبتوا لحد أي حاجة.
هما بس جابو عربيات معظمها اوتوماتيك ( الموضوع مش محتاج سواق ) وجربوا يطلعوا بيهم جنب بعد من الثبات وصوروا الكلام ده. لا هم نقاد عربيات محترفين ولا كانوا بيحاولوا ساعتها يثبتوا أي حاجة.
أنا شخصيا احترمت السيراتو أكتر, ديه عربية نافست عربيات اغلي منها أو في نفس سعرها مع اضافة كماليات أكتر كتير وفي نفس الوقت توكيل محترم. يعني عربية منتشرة, شيك, شبابي, كماليات, فخامة, جودة وأداء منافس رغم إنها لا استخدمت موتور بتكنولوجيا جديدة (GDI أو MPI أو تيربو) ولا ناقل حركة dual أو MMT مثلا. العربيات اللي طلعت مسافرتش مثلا ديه كانت بتطلع منها بفرق ثانيه أو اتنين بس مع السرعة بتفرق في مسافة 50 متر بالكتير.
أنا شخصيا شايف إنها صفقة رابحة جدا وناجحة وسط نوعها أو الفئة السعرية بتاعتها. الكمال لله وحده هتاخد كل المميزات ديه وعايزها تطلع كمان من كل العربيات التانية, إيه يا ملاك كايداهم الافترا ده
المفضلات