السلام عليكم
بما انى ساكن فى اكتوبر وعندنا احلى شمس طول السنه وبما ان - زى ماهو منشور فالمصرى اليوم - كهربتنا هتخلص فى 2012 :-)
حد ياشباب عنده فكره عن الواح توليد الكهرباء بالطاقه الشمسيه
عاوز اعرف تكلفتها وبتتجاب منين
شكرا
عرض للطباعة
السلام عليكم
بما انى ساكن فى اكتوبر وعندنا احلى شمس طول السنه وبما ان - زى ماهو منشور فالمصرى اليوم - كهربتنا هتخلص فى 2012 :-)
حد ياشباب عنده فكره عن الواح توليد الكهرباء بالطاقه الشمسيه
عاوز اعرف تكلفتها وبتتجاب منين
شكرا
بأيدك في التفكير
مهما اتكلفت فتخيل ان مصر كلها بتستخدم الالواح دي في الكهربا
فيه حد الكهربا حتقطع عنده
ماحنا طول النهار شمس
ويبقي فيه نفس النظام القديم
بفرض ان الطاقه الشمسيه خلصت
او ضعفت
يشتغل النظام القديم
انما ازاي ياصاحبي
ماهو كده بيريحك ويشيل من عليك فاتوره الكهرباء ورسوم النظافه ومش حيعرف يسرقك
وبالتالي انتا حتبتدي تفوق وتدور علي حل لمشاكلك التانيه
وده مش حينفع
عشان جيمي
ههههههههههههههههههههههههه
وانا صغير كنت قريت عن مهندس مصري صمم نظام لمدينه كامله في بلد اوروبيه لتعمل شوارعها بالطاقه الشمسيه
وكنت بسأل نفسي هوا ايه المانع ان اسطح البيوت والازاز بتاع البيوت يتعمل كله من الماده دي
وبيوتنا تنور ببلاش
ويبقي عندنا فائض طاقه كمان
بس موصلتش لاجابه لحد دلوقتي
ياباشا المعلومه اللى تحزن فعلا ان اسرائيل الاولى عالميا فى استخدام الطاقه الشمسيه وبتصدرفائض كمان
ماعلينا
واضح انى سألت سؤال غريب اوى داخلين على عشره قروا التوبيك وانت بس اللى رديت :-)))
شكرا لمرورك
الألواح موجودة فى مصر بس المشكلة انو تكلفتها عالية أوى مقارنة بالكهربا اللى هتاخدها منها و عشان الموضوع مش موضوع الواح بس موضوع انو هتغير سيستم البيت كله عشان مثلاً لو الدنيا غيمت فى وسط التهار متلقيش النور قطع.
ممكن لو حضرتك بتبنى بيت تعمل الموضوع ده من الأول و فعلاً هيكون فكره كويسة اوى و هتوفر عليك كتير ، هتدفع مبلغ محترم فى الاول بس هتوفر فى المستقبل.
الخلايا الشمسية بتتباع بالمتر المربع و متهيألى تمنه بيوصل لـ250 جنيه على ما أذكر بس هتاكدلك.
انا كنت ابتديت مشروع فى الجامعة لتصميم تكييف يشتغل بالطاقة الشمسية و كل ما الدنيا تحرر أكتر السقوعية تزيد بس السبب الرئيسى لرفض الموضوع اننا كان المفروض نستخدم كميات من غاز الامونيا و ده من المواد الممنوع تداولها.
برده من كام سنة ألمانيا كانت عايزة تعمل مشروع فى مصر فى الصحرا الغربية عشان تبنى اكبر محطة كهربا تعمل بالطاقة الشمسية فى مصر و كانت هتجيب الخبرا و المعدات و على ما أذكر الكهربا اللى طالعة تتقسم بين مصر و ألمانيا بالتساوى.
و مصر فيها محطتين كهربا بالطاقة الشمسية واحدة فى الكريمات و المفروض انها شغالة دلوقتى و بصراحة مش فاكر التانية فيين.
انا صدعت دماغك و خرجت بره التوبيك خالص بس موضوع الطاقة الشمسية ده دخل دماغى جداً بس للأسف مقدرتش اكمل فيه
مفيش صداع ولاحاجه
انا عرفت انو غالى اينعم بس مش للدرجه اللى تعجز ومهما كان غالى فأنت هتسترد التكاليف على فتره لاحقه للتركيب فى صورة وفر
انا جوجلت الموضوع ولئيت فيه شركتين فى مصر شغالين فالموضوع هبعتلهم ايميلات واستنى الرد وهكللمهم فالتليفون بس المشكله انى مش فى مصرحاليا وادى الرابط :
Egyptian Solar Energy Companies, Installers, Distributors
على فكره انا فاكر فى 6 اكتوبر زمان كانت كل عماره منالاحياء الاولى فالمدينه عليهاوحده طاقه شمسيه بس مش عارفايه اللى حصل بعد كده
يا جماعة والله الطاقة الشمسية دي مش الحل السحري للي احنا فيه خالص زي ماكل الناس فاكرة ...ليه بقي؟؟
1- مكلفة جدا في انشائها مقارنة بالمحطات التقليدية اللي هتديك نفس الناتج من الكهرباء
2- المشكلة في الكهرباء عندنا هيا الفترة من بعد المغرب لحد الساعة 10 11 اللي هيا الفترة اللي بتقطع فيها الكهربا وطبعا كلنا عارفين ان الفترة دي مفيهاش شمس يبقي المحطات دي مفدتناش بحاجة وكده كده المحطات دي بتشتغل بالغاز بليل .
3- يكفي اني اقولكم ان نسبة انتاج الولايات المتحدة من الكهرباء من المصادر غير المتجددة يعني رياح وشمس كله ع بعضه لا يتعدي 7 % من انتاجها الكلي !! وهي اسمها امريكا ..
بعد كل الرغي ده باختصار الحل دلوقتي هو ترشيد الاستهلاك و انشاء محطات تقليدية ونووية تغطي استهلاكنا لكن لا شمسية ولا رياح هتحللنا مشكلتنا ..اسف للاطالة
انا هرد على اول نقطتين لانى ماليش فى تالت نقطه :-)
انا مبدورش على حل سحرى يحل كل مشاكلى انا بدور على backup solution بحيث انى مفضلش تحت رحمة كهربة الحكومه اللى فيها عجز واضح وفى نفس الوقت الحل دا ما يضرنيش ماديا
الواح توليد الطاقه الشمسيه هى مكللفه - بس مش للدرجه اللى ممكن تعجز الواحد عن شراءها - هى بس محتاجه تركيبات اخرى غير لوح السيليكون المعرض للشمس
والدليل انها مش مكللفه انا منشوره على اسطح المنازل فى دول متقدمه كتير
تانى حاجه الطاقه الشمسيه بتتخزن فى وحده اسمها battery bank بتستخدمها لما بتحتاجلها انما مش هتستخدمها على طول ودا برضه بيوضح انها حل بجانب المصادر التقليديه للكهرباء
عموما انا كان غرضى الاستفسار ولو طلعت مش مجديه ادينى اتعللمت حاجه جديده :-)
لا يا استاذ هشام انا بتكلم في مشكلة الكهربا في مصر ككل مش بتكلم ع حلول فردية ..طبعا لو انت عايز تعمل ع سطح بيتك مش هتبقي مكلفة جامد وحل البطاريات ده هيبقي كويس بليل ..انما لو محطة طاقة شمسية بتنتج 200 ميجاوات مثلا هيبقي صعب جدا تخزين انتاجها في بطاريات لبليل عشان كده بيشغلوها بالغاز بليل ..
بس مفهمتش يعني ليه ملكش في نقطة رقم 3 :):)
هاتلك مولد و ريح دماغك علشان هيبقى ارخص من توليد الطاقة بالشمس
التوليد بالطاقة الشمسية من اغلى انواع التوليد عالميا و التخزين بيتم فى بطاريات فعلا فبالتالى بيبقى ليها عمر افتراضى و طالما ان التخزين بيتم فى البطاريات فطبعا هتحتاج وحدة تحويل من التيار المستمر d.c. الى التيار المتردد a.c. و اللى بيتنا بستغل عليه
و طبعا لا يغفل على حضرتك ان البطاريات هتاخد وقت للشحن و طاقة التفريغ هيكون ليها قدرة ( امبير على الساعة ) يعنى تقدر تديك تيار قد ايه لكام ساعة
بجانب ان الالواح الشمسية بتحتاج نظافة باستمرار علشان تاخد منها كفاءة عالية و طبعا فيه عامل متقدرش تتحكم فيه و هو كثافة ضوء الشمس يعنى ممكن النور يقطع فى الشتاء لسبب او لاخر فبالتالى ممكن متلقيش البطاريات شحنة كويس بجانب ان البطاريات كفاءتها بتقل مع الوقت و الركن
فبالتالى المولد ارخص و اريح و تشغله وقت ما تحتاجه بس
و تحت امرك فى اى استفسار
هو مش صعب بل مكلف جدا جدا فيه انواع بطاريات بتقدر تحتفظ بشحنتها لفترة كبيرة بس مقابل ذلك باهظة التكاليف
المشكله الاساسيه فى الواح الطاقه الشمسيه
التراب
محتاجه نظافه يوميا وده شئ صعب جدا
احنا كنا اشتغلنا عليها فترة وفشلت تماما بسبب التراب