-
الحب.. قتلاً
كنت باشوف امبارح برنامج صبايا.. الظاهر انها حلقة معادة جت أيام عيد الحب.. الحلقة كانت عبارة عن نماذج نادرة من المحبين.. من النماذج دي اتنين كانوا بيحبوا بعض اوي من 25 سنة.. لما كون نفسه اتقدم لها.. بس ابوها رفض.. و حاول كذا مرة بس ابوها برضه ما كانش راضي بس الأسباب لم تذكر.. آخر ما زهقوا همه الاتنين قاموا متفقين مع بعض و سهلت له هي مهمة قتل ابوها :eek:
و قد كان.. و اتقبض عليهم و اتحكم عليهم بالمؤبد.. فات منهم 19 سنة.. انما لسه بيحبوا بعض.. من 15 سنة تقريبا قدم هو طلب لإدارة السجن عشان يكتب كتابه عليها.. و الإدارة وافقت و كتبوا الكتاب.. بقالهم 15 سنة مكتوب كتابهم و دلوقتي مستنيين يخرجوا عشان يتموا الزواج.
الملفت بأه للنظر هو ان المذيعة المحترمة جايباهم و بتتكلم معاهم كنموذج للحب اللي مش بتعوقه ظروف رفض أب و لا سجن سنين طويلة و لا حاجة خالص.. و بعد ما الريبورتاج خلص هي بتعلق و بتقول ان هو ده الحب فعلا.. و بتوجه كلمة للشباب انه ما يصدقش البنت لما تتخلى عنه عشان أهلها مش موافقين و بتقول للشاب من دول: تبقى ما بتحبكش.. تبقى بايعاك.. و لما الشاب يتخلى عنك عشان أبوكي رافض يبقى ما بيحبكيش.. لسه دلوقتي شايفين ازاي حد ممكن يضحي بعمره عشان اللي بيحبه.. ممكن يقتل عشان اللي بيحبه.. طبعا مش باقول ان كلنا لازم نعمل زيهم و نقتل.. انما حتى بعد كده الحب بيعيش.
طبعا لا تعليق على الكلام ريهام.. انما سؤالي هو: ايه حمى الحب اللي طافحة على مجتمعنا اوي الأيام دي كده؟ ايه الاحمرار اللي بيصيب مصر يوم 14/2؟ مش شايفين ان الموضوع زايد عن حده حبتين؟ :confused:
-
آه أنا باحس إن الدنيا في اليوم ده بتبقى هايفففففففففففففففففففففف ففففففففففففففففففففففففف فففة، باكره نفسي في اليوم الاسود ده
الذكرى الوحيدة الجميلة في اليوم ده يوم ماخدنا كاس الامم الافريقية 2006.
بالنسبة للنموذج الرائع القدوة ده اكيد نكتة يعني زمان كانت النكتة إن الواحد يقتل ابوه عشان يحلف برحمته دلوقتي تقتل ابوها عشان تطلع في التليفزيون في الفالنطاين، هدف نبيل برضه.
ارحمنا يا رب
-
انا بكره الست دى مووووووووووووووت
طريقتها تقرف
و مواضيعها حمضانة
-
اقتباس:
و مواضيعها حمضانة
اي والله
حمضانة حموضة
و هيا عاملة نفسها ام العريف و انها عاقلة و كاملة و هيا مواضيعها و تعليقاتها تكسف
-
ما هو ده للأسف من ضمن سفاهة الاعلام بتاعنا
ولما احد يتكلم في شئ في الدين
يروح يترد عليه ويتقاله انت سبتم العراق وفلسطين وتحرير القدس وهتتكلم على مش عارف ايه ده لو بنتكلم على الدين
اما هذه السخافة والهيافة يبى عادي مفيش فلسطين ولا تحرير قدس ولا عراق ولا شئ خالص
اللهم ما ارحمنا واهدينا للحق والثواب اين كان
-
هما دول القدوة و لا بلاش:mad:
ربنا يصلح حالنا
-
القتل ابشع جريمة عرفتها الإنسانية كلها
لا شئ فى الدنيا بيرر القتل
الحب لا بيرر القتل
خلاف الرأى مهما بلغت ضراوته لا بيرر القتل
حتى الصراع من اجل الطعام لا يبرر القتل
لا شئ فى الدنيا يبرر القتل
اى قاتل ربما كان صاحب فكر او وجهة نظر او معتقد بممارستة لفعل القتل العمد يتحول الى حيوان همجى لا يستحق حتى محاولة التفكير فى قضيته
القاتل العاقل لا مكان له سوى حبل المشنقة، اما من يخلق منه ضحية ليحقق فرقعة اعلامية فهو ببساطة شخص يدور حول المبادئ ولا احترام له
اما موضوع مصر الحمراء يوم 14 فبراير فهو فى وجهة نظرى-التى قد يختلف معى فيها معظم الناس- فمن يبيع الأشياء الحمراء ومن يشتريها لم يعتدوا على حرية شخص آخر ولم يجرحوا اى شخص آخر بالقول او بالفعل، إدن فمن يشترى دبدوبا احمر او قلب احمر حر فيما يفعل ،والله يرسل للسذج رزقهم من أيدى المجانين
-
ما فعله الاثنين ينم عن انانيه فظيعه تصل او ربما وصلت الى حد الهوس
اين هذا من الحب !!!!!!!!!!!!!
لا يمكن لمن يشعر بالحب ان يصدر عنه هذا التصرف الذى يعود بنا الى ما قبل التاريخ
ناهيك عن انه صدر ضد الاب
الحب الذى يصل بصاحبه الى حد الشفافيه هل يمكن ان يصل به الى القتل؟
الحب الذى يرقق المشاعر والاحاسيس هل يمكن ان يصل بصاحبه الى القتل؟
الحب الذى يصل بصاحبه الى حاله من الهيام والتوحد وانكار الذات هل يمكن ان يصل بصاحبه الى القتل؟
لا اظن ان وصف الحب يمكن باى حال من الاحوال على هذه الحاله.
وكم من الاثام تفعل باسم الحب وهو منها براء
تحياتى للجميع
-
لأ و المصيبة السودا هي الرسالة اللي بتوجهها المذيعة من بين السطور للشباب المحبين.. اللي هو ما تستناش موافقة اهلها.. دوووووووس على طول و اتصرف.. اجوزها بأه عرفي.. اهرب انت و هي و اتجوزوا.. اقتل ابوها مش مشكلة.. المهم ان الحب يبقى.. و لو هي رفضت انك تجوزك من غير رضا اهلها تبقى ما بتحبكش http://www.haridy.com/ib/images/smilies/huh.gif
مين اللي مسك الست دي مايك و قعدها قدام الكاميرا؟؟ :mad:
-
يا جماعة انا مش عارف علي حب تتحدث مذيعة برنامج صبايا
هل قلب البنت الذي يسمح و يسهل قتل الاب لاجل تسهيل مهمة الحبيب يعرف ادني معني للحب
و هل هذا القاتل الساذج واثق من ان من احبها ستظل وفية له طول هذا العمر
انهم الاثنين قتلة و مجرمين و من تسمح باذاعة هذه القصة ايضا قاتلة فهي لم تدرك مع من تتحدث لا تدرك ان من بين مشاهديها شباب صغير مراهق ليس لديه الخبرة الكافية و يتعلق بمثل هذه الموضوعات
ربنا يعفو عنا و عنهم
محمد فهمي
Content Relevant URLs by
vBSEO 3.6.0 PL2