السلام عليكم
واضح من مشاركتكم فى القسم ان قسم متعاون و محترم فحبيت اسال كام سؤال
عايزين نجيب عربية صغيرة تحت الخمسين طبعا انا ليا تجربة مريرة مع الصينى تحديدا الاسبرانزا a113 (عربيتى انا اللى وحشة عشان محدش يقول انى بسوء سمعة العربية)
و الصراحة كلامكم عن ال f3 شجعنى اسال عن ال f0 و بقارن بينها و مابين الباندا
العربية مواصفتها ايه و سعرها نظامه ايه وتوكيل الامل زى ابو الفتوح ولا احسن
المشكلة ان البيت متعقد من الصينى لدرجة ممكن يجيبوا ماروتى و ما يجيبوش صينى
انا مش كاره الصناعة الصينى بس عايز عربية تريحنى و متوجعش دماغى و احنا عيلة عشرية مابنبعش حاجة يعنى اعادة البيع مش فارق معايا لو العربية كويسة
ملحوظة العربية دى هتبقى عربية تانية فى البيت و اخويا هو اللى هيركبها و هو لسة جديد فى السواقة
فياريت لو فى حد من ملاكها يدينا تقرير او رايه
سؤال تانى هى نزلت فعلا اصلى مشفتهاش غير فى الصور