شباب افيدونى معروض على لانسر بوما 2008 كاملة فتحة سقف مرآيات كهرباء سى دى جنوط سبور ولونها اسود .
عاملها 90الف كيلو اكصدام ورفرف متغير .
معروضه على بـ 85000
ايه رأيكم انا محتار
عرض للطباعة
شباب افيدونى معروض على لانسر بوما 2008 كاملة فتحة سقف مرآيات كهرباء سى دى جنوط سبور ولونها اسود .
عاملها 90الف كيلو اكصدام ورفرف متغير .
معروضه على بـ 85000
ايه رأيكم انا محتار
السيارة glx
متهيالي تنزل شوية عشان مغير اكصدام ورفرف. واكشف عالريداتير والمكنة لان مادام مغيرهم يبقي كانت خبطة والاكصدام القديم اتعجن( بفكر معاك بس بصوت عالي) وتقبل مروري
السلام عليكم فى الاول ثانيا اكشف على شاسيه السياره وكمان العداد بتاعه كتير اوى 90 الف:majd(4):
+11111111111111111111111111111اقتباس:
المشاركة الأصلية كتبت بواسطة eldell
العداد كده كتير جدااااااااااااااااااااااا ااااااااااااااااااااااااا ا
مانيول ولا اوتوماتيك وبعدين الرفرف مسمع ولا مش مسمع في الداخل (شوف سمكري ) لو متغير نظافة وكاملة سبورت يبقي 82000
اشكركم على المتابعة الكريمة
وانا سألته اليوم
قالى الرفرف كان واخد خبطه ظبطه ورشه فقط يعنى مش متغير
والاكصدام برده واخد رشه
والعربية سوقتها ناعمه جدا مافيهاش اى صوت خبط
فوانيس زينون - مرآيات كهرباء سقف كهرباء - دريكسون ميديا-اتوماتيك-2 ايرباج - اتوماتيك وتحت ال D مكتوب 1-2-3-4
لا اسمع اى صوت وانا بداخل السيارة بس باين ان ازرار الزجاج ممسوح جزء من الرسم وكذلك عند الكاسيت عند بكر التعليه الدائرة الفضية من كتر احتكاك اليد فى الدوارن للتعلية والتوطيه ظهر الون الاصلى لوجه الكاسيت وهو الاسود
glx sport
بصراحه انا معنديش خبره فى السيارة
اسف على الاطاله
وكمان معروض على مرسيدس c180 موديل 99 استخدام خواجه فى سفاره طبعا انتوا عارفين استخدام سفاره وخواجه
طبعا كاملة اتوماتيك ( بيقولى حالة الزيرو ) انا لم اشاهدها سعرها حوالى 93000ج
فهل اختار المرسيدس موديل 99 ( 93000ج) ام متسوبيشى موديل 2008 ( 90000ج)
http://www.car100100.com/car_images/34/5/11759/hood.jpg
http://www.car100100.com/car_images/34/5/11759/rear.jpg
http://www.car100100.com/car_images/...9/interior.jpg
طبعا دى كانت صور متسوبيشى لانشر البوما 2008 بس طبعا من النت
ودى صور مرسيدس C180 موديل 99
http://www.car100100.com/car_images/6/18/11705/hood.jpg
http://www.car100100.com/car_images/6/18/11705/rear.jpg
http://www.car100100.com/car_images/...5/interior.jpg
اولا صور اللانسر اللي انتا حاططها ده مش بومة ده شارك. كدة عايزين نتاكد هي بومة ولا شارك ( مع ان علي حسب كلامك ان الدريكسيون مالتي ميديا تبقي شارك). والاختيار انا ارجح اللنسر عشان قطع الغيار وعربية جديدة. وده طبعا ميقللش من المرسيدس لانها ركوبة عالية اوي بس اركب حاجة جديدة احسن واتمتع بالكماليات الجديدة وكمان قطع غيار المرسيدس ناااااااااااار وحرق بنزين عالي.
شكرا يا غالى على ردك
معك حق وانا اسف انا فعلا عندى اميه ثقافيه فى السيارات والله مش عارف ولكن الدريكسون فيه تعلية وخفض صوت الكاسيت وزرين اخرين وكلهم موجودين فى جنب واحد فى الديريكسون
يا ريت لو تحط صور الاثنين يبقى افضل
ولكن الصورة اللى انا حاططها للتابلوه هى نفس تابلوه العربية اللى شوفتها
وايهما افضل البوما ام القرش ( شارك )
بصراحة انا معنديش صور للاسف. بس هو كدة خلاص مادام نفس التابلوه اللي فالصور ده وكمان دريكسيون مالتي ميديا وهتلاقي زرار مكتوب عليه set و + و - ده عشان تثبيت السرعة وتزود وتخفض السرعة من الدريكسيون ومتستخدمش رجلك خالص غير فالفرامل. ومن ناحية ايهما افضل الشارك او البومة بصراحة بالمواصفات اللي بتتكلم عنها ده انا ارجح الشارك وخصوصا ان في شباب كتير هنا بيشكر فيها اوي ( انا مجربتهاش لان انا معايا مكوة اللي هي نفس البومة تقريبا في الشكل والكماليات) انكا الشارك اختلاف كلي وجزئي في الشكل والمضمون. فراي شخصي اكشف عليها كويس في اي مركز خدمة وسمكرة وموتور وعفشة وكل حاجة ولو تمام يبقي عالبركة. وتبقي تعرفنا وصلت لايه عشان نباركلك
فعلا طلعت الـ شارك ( القرش )
فهل السعر مناسب
والزجاج الامامى به شرخ من اعلى بعرض الزجاج
متهيالي السعر ممكن ينزل شوية لان عدادها عالي بالنسبة لموديل 2008 ده فيه عربيات موديل 2000 لسة عدادها مكسرش ال100 عموما هو مش مقياس لو بيتعملها صيانة في مواعيدها. وبالنسبة للزجاج قول للبايع هتغيرلي الزجاج او نخصم سعر زجاج جديد من السعر لان المفروض بيبيعلك عربية عالركوب علي طول.
السعر مناسب جدا لو 90 الف و الحالة زي ما بتقول بس انت كاتب في اول مشاركة انها معروضة عليك ب 85 و المرسيدس بردة سعرها مناسب جدا فلو مش فارقة معاك الموديل و غلو اسعار الصيانة خليك في المرسيدس.اقتباس:
المشاركة الأصلية كتبت بواسطة new2002
شكرا على تعاونكم معى
85 الف لو دفعت كاش
انا حادفع 60 الف والباقى على 5 شهور
مبروك مقدما عالعربية وربنا يكفيك شرها ويديك خيرها. وتبقي تصورها بقي كام صورة من جوا ومن برا عشان نتفرج ونباركلك ان شاء اللهاقتباس:
المشاركة الأصلية كتبت بواسطة new2002