لو حضرتك تقصد محل على زيدان اللي واخد ناصيه قبل مخبز الجوهره فأتوقع ان معندهمش الكريستال ده , لاني كنت عندهم من فتره قريبه وهما قطع غيار فقط , وحتى مش كل قطع الغيار
عرض للطباعة
شكراً لك استاذ محمد الشامي وفرت عليا مشوار للسؤال عنهم ولكن طالما الميكانيكي من الدقي فاعتقد ان افضل واحد يدلنا علي وجودهم فين حيكون محمد السيد الكهربائي لانه من المنطقة ومؤكد ركبهم قبل كده لزبون وساله جايبهم منين
انا تحت امرك يا استاذي :-)
بس فعلا كل الناس عندنا في الدقي قطع غيار وبس , وتقريبا مفيش حد بتاع اكسسوارات خالص
يعني اشهر محلات قطع الغيار في الدقي السرساوي و على زيدان و محمد يوسف (فيات) وفي واحد كمان في شارع الدقي تقريبا بس مش فاكر اسمه , وكل دول لبيع قطع الغيار وبس , لكن اكسسوارات للاسف مفيش خالص
التوفيقيه فيها شركه مشهوره (في الشارع اللي جنب سينما ريفولي) كنت شوفت عندهم حاجات كتير جدااااااااااااااا ومن ضمنها فوانيس لأنواع عربيات كتير وشكلها معدل ,, احتمال يكون عندهم حاجه زي كده
لاني فعلا عايز اعمل تغيير في الفوانيس , عايز اجيب فوانيس بعدسات اماميه , وكريستال للفوانيس الخلفيه , وللاسف مش عارف الاقي لا دي ولا دي :-)
عن نفسي وجدت الفوانيس الخلفية اصبح منظرها سيئ للغاية قمت بشراء وجهين لهما مصري طبعاً من عند واحد في اخر شارع المدبح بجزيرة الدهب وفكيت الفوانيس وفوجئت بان عواكس الفوانيس الداخلية اصبح لونها اسود قمت برشها باسبراي فضي وركبت الاوشاش الجديدة وصورت العملية ولكن للاسف الصور طلعت اضائتها وحشة جداً ولم ارفعها ولكن الفوانيس لا يقدر احد ان يميزها عن الراكبة في الشفورليه لانوس موديل 2010
نسيت اقول التكلفة الكلية
وجهان فوانيس خلفي 40 جم للجوز
انبوبة سيلكون ب 10 جم
ومازالت المعلومات تتوافد
كان فيه حد بيقول بيتباعوا فى عين شمس
يا ريت حد يساعدنا فى الموضوع دة
الف شكر يا بشمهندس احمد و باذن الله اكلمك و نتفق على الموضوع دة