هنا بيجيبوها فى فى منتصف العربية وفاكرين ان دة الصح قمة الاحتراف والمهارة
عرض للطباعة
هنا بيجيبوها فى فى منتصف العربية وفاكرين ان دة الصح قمة الاحتراف والمهارة
حتى لو عملوها بنضافة في مصر!!
الناس هتمشي تتمرجح من أقصى اليمين لأقصى الشمال علشان الفهلوي يكسر على الكروديا و يعدي قدامه
دا غير النقر و لابلاعات اللي بنمشي نفاديها ..
ربنا يهون علينا
في رعاية الله...
انا اكتر حاجة بحبها الخطوط البيضاء المتقطعة واللى بيكون فى مبينهم عين القط
على طريق العلمين ساعات انا وقريبى بنشوف مين اللى يقدر يعدى الحارة التانية وهو على سرعته من غير ما يدوس على عين القط ... بس طبعا مبيكونش فى حد جمبنا او ورانا :)
وياريتهم بيعملوا الخطوط دي بمعيار ثابت. ده انت تمشي تلاقي العربيه بتاعتك حدودها على الخط اليمين والخط الشمال (الحاره ضيقه) مش واسعه و اوقات تلاقي الحاره بقت واسعه و اوقات ضيقه و ماحدش عارف مين بيزنق على مين !!
مهزله والله الي بيحصل ده.
و ماحدش عارف برضه انه المفروض يدي اشاره يمين او شمال لما يجي ينقل من حاره لحاره. فاكرين انها عيب او هتقلل من رجولته مثلا
iهم الناس اللي بيستهيفوا الاشارات دول هما الفهلوية اللي بتكلم عليهم و اللي بيعتبروا الملتزمين كروديات!!!
في رعاية الله....
تفتكر العربيات اللي بتقود نفسها اعتماداً على خطوط الشوارع دي، لو شغلتها في مصر أكيد هتلبس في شجرة أو عامود. مش كده. أو ممكن يطلع لك إشارة مش كويسة على الشاشة مع أصوات (تحذيرية) من السماعات
فكرتني بيوم ما طلعت الرخصة الراجل سألني على الخطوط دي (واحد متصل و واحد متقطع) بيسألني على الفرق قلت له ببساطة "ده ينفع أعدي اللي قدامي و ده لأ"
اتضايق جداً جداً و قال لي بحزم "غلط!!!!، ده خط متصل ممنوع التخطي، و ده خط متقطع يجوز التخطي"