رجاء المساعدة...تكييف الصني!!!

**Ahmed Hassan** · 09-03-2008 02:19 PM

طيب انتي استنيتي اد ايه اول مره علشان تحكمي انه مش شغال؟؟ عموما اشتغلى بيه عادي و شوفي المشكله هتتكرر و لا لأ.. و غالبا مش هتتكرر.

الحاجه التانيه.. مفيش علاقه بين ان العربيه لمبه البنزين نورت و ان التكييف ميشتغلش.

hh · 09-03-2008 02:29 PM

انا استنيت شوية كتير, و بعدين لما حطيت ايدي قدام مخرج الهوا كان بيطلع هوا سخن.

hh · 09-03-2008 02:33 PM

على فكرة انا جربته بعد كدة اكترمن مرة و كان شغال كويس بس عايزة اراء الناس في نايل موتورز عشان اعرف السبب ممكن يكون ايه

**Ahmed Hassan** · 09-03-2008 02:51 PM

ممكن تكوني كان بقالك فنره مشغلنيش التكييف لإاخد وقت على ما الفريون ياخد دورته في المواسير. المفروض انك تشغلى التكييف حتى في الشتاء مره و يستحسن اتنين في الشهر لمده من 5 الى 10 دقائق للحفاظ على كفاءه التكييف.

**sab3aawy** · 09-03-2008 09:11 PM

اعتقد والله اعلم ان الموضوع ابسط من كدة لكن الصدفة لعبت فيه دور

تكييف الصنى بيشتغل ويفصل على حرارة الفريون وليس على درجة حرارة هواء الصالون فمكن تكونى شغلتية على 1 مثلا والجو مش حر أوى فاشتغل لحظات وفصل وبالتالى اصبح الهواء اللى طالع مقارب لدرجة حرارة الجو لأن الكباس مش شغال

مع الحركة وسخونة العربية بعد التفويل او ممكن تكونى رفعتى سرعة المروحة وبالتالى ساعدتى فى تسخين الفريون فده خلا الكباس اشتغل

عموما هو فيه معلومة هامة بخصوص تكييف الصنى، ان الثرموستات بتاعه لا يسمح بحكاية (التلاجة) ، يعنى بيفصل على درجة حرارة مقاربة لدرجة حرارة الجو شتاء، وده بيخلينا لو شغلنا التكييف فى الشتاء مبنحسش ان فيه اى تبريد لأن الكباس بيشتغل ثوانى بسيطة ويفصل، لكن فى الصيف تكييفها ممتاز وبيوصل الصالون الى درجة حرارة حوالى ال 20 درجة فى وقت قياسى، لكن مش بينزل عن كدة علشان الثرموستات بيفصله

**herher121** · 09-03-2008 10:58 PM

ana 7asly el moshkela dy bardo..........el takif beytl3 hawa so7'n bas!!!!!
mesh fahm lih,bas lama fawlt el nahrda,tal3 hawa bard we kan 3ady
no idea

**Ashraf A.Kader** · 10-03-2008 11:16 AM

بصراحة محصلش معايا قبل كده

hh · 11-03-2008 12:53 PM

على فكرة المشكلة اتكررت معايا تاني. حاوديها التوكيل احسن عشان يكشفوا عليها

**ae224** · 23-04-2008 03:23 AM

نفس المشكلة حصلت معابا و رحت التوكيل و قوقلوا ليا ان ضغط الفرون مش مضبوط و بعد مم مشيت ظهر نفس العيب و رجعلهم تانى و و سخو العربية من جوه بالشحم و برضه التكييف لسه بايظ

**ae224** · 23-04-2008 03:25 AM

غلى فكرة التوكيل كان مودرن موتورز ابو رواش

الموضوع: رجاء المساعدة...تكييف الصني!!!

LinkBack

أدوات الموضوع

عرض

-

-

-

المواضيع المتشابهه

تكييف الصني 2013

تكييف الصني باظ

معايا فلتر تكييف الصني و مش عارف اركبه فين

مشكلة في تكييف الصني 2009

الكلمات الدلالية لهذا الموضوع

المفضلات

المفضلات

ضوابط المشاركة