المشاركة الأصلية كتبت بواسطة walaa_samra
انا كمان عندى نفس المشكلة بس انا كبرت دماغي عن التوكيل علشان عارف انه هيقول ان كل حاجة تمام وان دة العادى بتاع الصني علشان كدة انا رحت لواحد بتاع تكييف وفحص العربية و وجد ان فلتر التكييف الداخلي اللى ورا درج التابلوه اللى علي اليمين مش موجود فجبت فلتر بتاع عربية اوبل وركبته مكانه لاني ملقتهوش في السوق.
فايدة الفلتر : يزيد احساس الترموستات بدرجة حرارة الجو فيخلى التكييف شغال حتى يتم التبريد.
وكمان قام بقفل ماسورة السخن بتاع التكييف و دة بيقلل الرطوبة في السيارة فيزيد الاحساس بالتبريدعن طريق جعل دورة المياة في التكييف تتجه كلها نحو ماسورة البارد .
و كمان ظبط ضغط الفريون علشان كان مش مظبوط .
واخيرا قمت بتنظيف سربنتينة التكييف في المشحمة بالهواء ثم الماء ثم الهواء بس خلو بالكو ان ضغط الماء ميكونش قريب من السربنتينة علشان دة عوج الريش بتاعتها
وبعد كل دة قمت بتجربة التكييف فكان احسن من الاول كتييييييييييييييييييييييي يييييييييييير .
بس في حالة تكرار المشكلة هيكون الحل في تفريغ شحنة الفريون واعادة شحنه من جديد بنوعية جيدة من الغاز و ده هيتكلف حوالى 300 جنيه غير المصنعية لان المشكلة الاساسية في رداءة الغاز الاصلي للسيارة