أمثالي من من يقلون عن ال 1000 cc المفروض يمتنعون عن مثل هذه الموضوعات ... لكن بما اني غبي بما يكفي اني اخوض في هذا الموضوع قلت اضحكم معايا او عليا شوية
انا جوه البلد باشد كويس و غرز لان حجم العربية صغير وسحبها لحد 80 معقول
بس مش موضوعنا
موضوعي الاساسي بيتمحور حول رحلة لمرسي مطروح وحنا علي الوصلة بتاعة وادي النطرون ... كنت ماشي انا بالالتو العظيمة ال 800 :) "حبيبة قلبي زئ زئ" و تجاوزت حدود السرعة القصوي للعاقلين من مالكي الالتو .. ووصلت ل 155 كم/س , ماشي بقي شعوري اني هاطير في اخر المدرج ... والطريق زي ما انتوا عارفين ضلمة كحل .. وفجأة لمحت في مراية الصالون في الافق البعيد نور ابيض لامع كأنه برق بيضوي علي بعد ما لا يقل عن كيلو ونص .. ومش عارف ليه شعور إلهي قالي يا واد خد الحارة اللي علي اليمين، المهم انا اخدت اليمين ، و قبل ما استقر في الحارة لاقيت الطريق كله قدامي منور علي مدد الشوف ، و زوووووووووووووووووووووو حاجه معدية من جنبي و ما استمرتش لاكتر من 4 ثواني في نطاق بصري "أيام ما كان عندي نظر".... المهم لان الساعة كانت 4 الفجر ، ولان مافيش عربيات كتير علي الطريق ... قبل بوابات مارينا لاقيت الاخت واقفة علي جنب واللي سايق كان واقف يريح يعني "علي اساس انه تعب من الطريق :)))"
العروسة كانت 740 bmw :))
المفضلات