يووه أنا اتظبط كتيير, ومن أيام اللادا وانا أي عربية بتعلم عليَّ. قمت قلت مابدهاش وجبت الIbiza. اتعلم عليَّ من الالتي
برافو ( غالبا سابني اطلع من مرتين ياما هو ملوش فيها وبعدين خد كام غرزة كده علي الدائري اختفي من أدامي ولما جبته كان نازل نازلة كارفور )
فيات 500 سايقها بنت ومن يومها وانا نفسي اجيبها
Mini Cooper S عمل عقله بعقلي (اعتقد ده 1.6 بس متربن)
لقيت مرة بانميرا علي الدائري وقعدت استفز فيه بس معبرنييش ومش عارف ليه
وأجمد مرة كنت في الساحل مع واحد صاحبي من 6 سنين وكان معاه جوليت وحش في الجري ايامها, ولقينا بورش 911 تيربو بياخد مطب من بتوع مارينا على اربعة ( وما ادراك بالمطبات الصناعية بتاعت مارينا ) فأنا قلتله يابني ده ناوي يطول رعاشله. الواد قاللي إنت اهبل, قلتله راعشله ميهمكش. صاحبي سمع كلامي ( متستغربوش احنا صحاب من زمان ) الراجل برده مكمل عادي بالراحة. قلتله راعشله تاني, قام مراعش تاني. وخير الله ماجعله خير سمعنا صوت رعد وعفرة ورمل وبعدين مالقنهوش لما انقشعت العفرة. ده كان قدامنا من ثانيا واحدة بس. أنا قلت لصاحبي ديه حاجة من اتنين يا إما هو شرخ ل آخر الشارع واحنا نظرنا مش جايبه ياما هو اتغبا على البنزين وشكمان بتاعه جاب هوا نطرنا لآخر الشارع وهو لسة في مكانه.
المفضلات