الموضوع: الملل و الزهق و الروتين اليومى

المشاركة الأصلية كتبت بواسطة dr.amr

اوووووووووووووووووووووووو وووووووووف

انا اللي فعلا مش زهقت انا تخنقققققققققققققتتتتتتتتت تتتتتتتتتتتتتتت

بقالي كتيييييييييييييير قوي مش عارف اكسر حاجز الملل والزهق اللي بيني وبين المذاكره

نفسي ارجع اذاكر بمزاج مش كل ربع ساعه احس ان في حاجه بتشكني في الكرسي ولازم اقوم

هل حد عنده فكره انا فعلا زهقت جدا

اه انا فاضلي حوالي اربع شهور واخلص ان شاء الله

بس حاسس كان فاضلي 40 سنه

ياريت حد يفيدني

بكرا تقول فينها الكليه وفين ايامها ,,, بس نصيحه احنا في زمن معادش فيه حاجه طعمها حلو فبلاش تضيع من نفسك فرصه التميز خصوصا وانك لسه مستقبلك بين ايديك متجوزتش ولا جبت اولاد وهتمشي تلف حوالين نفسك علشان تفكر ازاي توفر لهم الأمان في دنيا قليل فيها الأمان

المشاركة الأصلية كتبت بواسطة Soma_Sooma

عايزة اعرف رأيكم ازاى الواحد ممكن يتغلب على الروتين اليومى ازاى نقدر نتغلب على الوقت الفاضى و الزهق و الملل ؟؟؟

الزهق والملل ليهم سببين:
1- ان الانسان يكون زهقان من تكرار الحاجات الي بيعملها فزهق من كتر التكرار وحتى لو كانت الحاجات دي محببه له بس ساعات بنزهق من تكرار الحاجه الي بنحبها كمان ونكررها
2- ان الانسان يكون معندوش حاجه يعملها اصلا فحاسس بالفراغ وزهقان من السكون والفراغ الي في حياته وعنده ملل شديد

في حاله واحده مؤكد ان الزهق مش هيكون موجود فيها وهي اننا يكون عندنا هدف عايزيه نوصل له وفي اي حاجه

ده حتى انا لما بيبوظ الكمبيوتر بتاعي او بتاع اخواتي الصغيرين ببقا مبسوط لاني حاسس اني قدامي شيء رايح اعمله اهو " طبعا انا مش رايح اصلحه ,, انا رايح اوديه للسمكري يشوف ماله "
ولما بيكون في مناسبه عندي فرح حد قريبي او اي مناسبة بشارك فيها دايما علشان احس بالدنيا

وبرده لما بيكون في مشاكل في حياتي بحب دايما اخد وقتي وافكر براحتي جدا لاني بعتبر ده شيء يشغلني
من الآخر بحب اعيش كل حاجه في الدنيا على انها هدف وعايز احققه


وناس كتير كدا ياجماعه مش شرط نقول ده الأهداف دي للعالم الي عندها طموح وكلام التي في الي بيضحكوا علينا بيه ده

يعني مثلا في واحد هدفه يتجوز واحده بيحبها فعمره مهيزهق منها مع انها ممكن تكون زهقت منه وتضربه وهو مسكين مش حاسس بأي ملل او زهق لانه هدفه يكون مع الشخص الي بيحبه

في واحده هدفها رشاقتها برده عمرها مهتزهق من البحث عن اساليب كتير للحفاظ على جمالها وبرامج في التي في ومجلات وكل حاجه بقا

واحد هدفه يكون غني برده هيفضل اوقات كتير بيدور على اساليب للتجاره والبيزنيس

واحده بتحب الاصحاب والرحلات ودايما وقتها خروج وكلام مع اصحابها ومتفقين مع بعض على باقي البنات الي في الكليه


كل دي أمثلة لناس عندها اهداف في حياتها وكل شخص له هدف هيفضل طول عمره بيمشي لهدفه ومش هيحس انه زهقان الا لو كان مش مصر على تحقيق هدفه وانا مجبتش امثله للناس الكبيره الي عايزه تبقا علماء وعايزه تبقا حاجات بعيده لأنكم هتقولوا ياعم فكك من كلام الافلام دي

بس فعلا شيء صحي ان كل واحد فينا يدور ايه الحاجات الي المفروض يعملها من وقت لآخر بدل ميقول انا مش عدي حاجه اعملها ومش عيب تكون هوايتي حاجه بسيطه واقول بطل هيافه ياعم
بالعكس انا قريت في اكتر من مقال انجلش ان الرقص مفيد جدًا لتنشيط دورة التفكير في المخ

ياترى بقا الي زهقان وعنده ملل هدفه ايه؟ او عنده كم هدف في الوقت الحالي يحب يحققهم؟

ومحدش ينسى انه يوم القيامة هيتسأل ياترى عملت ايه في حياتك؟
ونفتكر وقتها قول الله عز وجل : " وما خلقت الإنس والجن إلا ليعبدون"


الحياة عبارة عن رحله ناس تتولد تقضي رحلتها وتموت وكلنا على الحال دي فكله يفكر ازاي يستفيد من رحلته ويعيشها بدون ملل او زهق