الموضوع: تجربتي لجهاز Matsobishi MC81 مواصفات بالصور و الفيديو

اشتريته من أكثر من شهر و (عاجبني) مع أنه صيني


[youtube]http://www.youtube.com/watch?v=fM5LsevbFZ8[/youtube]

================







طبعا الصوت مش واضح لأن الموبايل اللي صورت بيه بيسجل صوت AMR، و الصورة من شاشة التلفزيون العادي زي ما انتم شايفين فاعذروني

[youtube]http://www.youtube.com/watch?v=8eR5pM7qmA8[/youtube]



جربته على تلفزيون 14 بوصة :)







بعض القوائم و وظيفة الزووم

دي مشاركة كتبتها قبل كده فيها إمكانياته

المشاركة الأصلية كتبت بواسطة abo_hosni

مش أنا كان عندي كاسيت سوني؟ ما كنتش باشغله إلا بوصلة AUX كنت عاملها للموبايل. الكاسيت دلوقتي مش عملي و حتى السيديهات
بالنسبة لإمكانياته يا سيدي هو matsobishi موديل MC81 و فيه مدخل USB و مدخل Memory card و مدخل AUX و يتم التبديل بينهم بمزاجك أو أوتوماتيك يعني لو الراديو شغال أو أغاني شغالة من على الميموري كارد و انت دلوقتي حطيت USB هيقوم من نفسه قارئ اللي على ال USB و لو وصلت الموبايل هيقوم ناقل على مود AUX و هكذا
طبعاً فيه راديو FM و الموجة المتوسطة و بيحفظ 18 محطة FM و 12 محطة متوسطة
بالنسبة للتحكم في الصوت فهو بيخرج أربع سماعات 4×45 (مكتوب كده) و تعلي و توطي الصوت (أكيد طبعاً) و تواز الصوت بين اليمين و الشمال من ناحية و بين قدام و ورا من ناحية (يعني ممكن تشغل سماعة واحدة من الأربعة لو عايز) و فيه 5 مود إكوالايزر جاهزين و ممكن تعمل mute و انت ماشي
و فيه وظيفة scan بيشغل لك 10 ثواني من كل أغنية أو 10 ثواني من أول أغنية في كل فولدر لحد ما تستقر انت عايز إيه. لو على الراديو بيشغل لك 10 ثواني من كل محطة
و ينفع تقلب بين الأغاني و المحطات و الفولدرات يدوي طبعاً، و ممكن تعمل jump لأغنية أو محطة لو عارف رقمها من على الريموت
بالحديث عن الريموت فهو جاي معاه ريموت زي التهمة كده كبير بصراحة و مليان زراير بشكل مبالغ فيه و كل زرار في وظيفتين press/hold
الملفات اللي بيشغلها بقى بالنسبة للصوت MP3, WMA
و بيحفظ آخر إعدادات انت شغال عليها يعني لو طفيته و شغلته هيشتغل على نفس المحطة أو نفس الأغنية بنفس الإعدادات لأن في ناس كانت بتقول غير كده
بالنسبة للفيديو MP4 و قرأت في الكتالوج AVI, DIVX و بيعرض subtitles لكن ماينفعش عربي (لو عايز ممكن تدمج الترجمة في ملف الفيلم نفسه ببرامج التحويل) و بيتحكم في سرعة التشغيل . و طبعاً فيه تقديم و ترجيع سريع
و بيعرض صور كمان و فيه إمكانية عمل slideshow و تدوير و زووم في الصور
ده كله في الكتالوج، هو طالع منه وصلات لأربع سماعات منفصلة + وصلة VIDEO RCA الصفراء و أوديو يمين و شمال أحمرو أبيض و طبعاً حالياً ما عنديش شاشة إلا شاشة التلفزيون لكن أوعدك أني في يوم أكون فاضي هانزل التلفزيون في العربية و أجرب
و الشاشة بتسهل التحكم في تشغيل الMP3 لأنها بتعرض قوائم الملفات و الفولدرات و بيانات تانية طول ما ال(كاسيت) شغال
و حاجة اتمنيتها و ماخذلنيش فيها أنه لما أوصله بالموبايل على ال AUX ممكن أتكلم hands free من غير ما يزن و الموبايل على الحامل و الصوت يخرج من ال4 سماعات و الميكروفون هو ميكروفون الموبايل
و لو عندك إريال كهرباء بيشغله مع الراديو عادي بس أنا عندي أريال سقف
و طبعاً و ده يهمني جداً فيه ساعة ديجيتال ممكن تشوفها و هو شغال و بتفضل شغالة لما تطفيه
طبعاً صوته عاجبني جداً، عندي سماعتين سوني أماميتين بتوع الكاسيت القديم و سماعتين رودستار 3-way خلفيتين. جربت سماعات Sony Hi-Fi اللي عندي في البيت عليه و الصوت كان أكثر من ممتاز كمان


ده كان بـ 240 جنيه من البلد هنا، أعتقد في التوفيقية أرخص كمان و فيه أنواع بتبدأ من 90 (يو اس بي و ميموري و راديو بشاشة) و فيه وحدات صغيرة كده 10×10سم بتشغل يو اس بي و ميموري و راديو كمان. الصين و عمايلها

طيب ايه اللي مش عاجبني شخصياً فيه:
1- أول كل ملف في ثانية صامتة و بعدين الصوت يشتغل تصاعدياً (تقريباً ثانيتين من كل ملف مش هتسمعهم)
2- مافيش تقسيم للملفات حسب المطرب أو الألبوم
3- ممكن عدم دعم العربي، بس كده

الف ميروك و الجهاز شكله لذيذ
و الاوبشن حلو كمان
ربنا يباركلك فيه