ان استطعتم مساعدتى بعمل حقيقى فلا تبخلوا به علي جزاكم الله خيرا

**m_a9022** · 24-08-2010 06:08 AM

أنا محاسب من مصرالاسكندرية خريج جامعة الأسكندرية دور مايو 1990 بتقدير جيد لم يسعدنى الحظ بفرصة عمل حقيقية لكن كلها كانت أعمال مؤقتة يبحث أصحابها عن شخص ميس ( برفان ) يستغلونه لفترة قصيرة تهرب من الضرائب أو لغرض آخر دون أن يكون منهم أى حقوق لهذا الشخص لا مرتب ولا تأمينات ولا أى شيء على الاطلاق وساعدهم على ذلك أقارب لى وجيران فى مساكن أرض الأمريكان لم يكونوا أقل استغلالا لى من أصحاب هذه الأعمال ووالدى توفى وأنا فى سن صغيرة كنت فى السادسة عشرا من عمرى ووالدتى فى ذيل هؤلاء الأقارب مطيعة لهم وخادمة لهم لذلك لا أزال على حالى يوم تخرجت من كلية التجارة جامعة الأسكندرية شعبة المحاسبة بتقدير عام جيد دور مايو 1990 وكانت تقديراتى فى خمس محاسبات هى بين جيد جدا وجيد وكذلك كان تقديرى فى الادارة المالية جيد
لكن قضى أقاربى على نجاحى وعلى طموحى وجعلوه كأن لم يكن وكأنى لم أتعلم ولم أحصل على مؤهل عالى وأصبحت الى الآن عالة على والدتى أتسول منها بالذل والعذاب مصروفى لأشترى به دخان وهذا ما أرادوه لى أقاربى وما نجحوا فيه أن أظل طوال حياتى أتسول طعامى وشرابى من الآخرين ولا أحقق أى شيء على الاطلاق لا عمل ولاسكن ولا مال ولازواج ولا انجاب أما شهادتى أبلها وأشرب ميتها كما قالت لى شقيقة والدتى التى حطمت حياتى وساعدت شقيقاتى وشقيقى على التطاول علي وأنا شقيقهم الأكبر لكن زالت منهم الهيبة والاحترام تجاهى بتشجيع من شقيقة والدتى هذه ومعها شقيقاتها الآخروات وكذلك أشقائها هذا بالاشتراك مع شقيقات وأشقاء والدى
هذا فعلا ماحدث منهم تجاهى كل حقد وكل كراهية وكل انتقام لن أطيل عليكم أكثر من ذلك لكن ان استطعتم مساعدتى بعمل حقيقى بمرتب مناسب وفى ظروف عمل مرضية محاسب أو موظف حسابات ومدخل بيانات فى الاسكندرية
فلا تبخلوا به علي وشكرا
محمد أحمد عبد السلام عبد الفتاح
موبيل 0107257187

**shooter123** · 24-08-2010 06:33 AM

والله يا استاذ محمد انا مش عارف ااقولك ايه بس بجد انا متعاطف معاك جدا
وصدقني الناس دي انا اسف اني حقولك الكلام ده بس ده اللي لازم تعمله معاهم انت لازم تتخانق مع اي حد فيهم ومعلش حتبات يوم في الحجز لانك لازم تعور حد فيهم صدقني بس حتطلع شخص تاني خالص في نظرهم ونظر نفسك
انا بنفسي جربت الموضوع ده بس في ظروف مختلفة
ربنا يوفقك وتلاقي شغل يا رب لان قبل كل ده لازم يكون لك شأن اقتصادي مستقل عشان يبقي لك هيبة علي الاقل في نظر نفسك
ربنا يوفقك يا رب

**Abdo_Eldesokey** · 24-08-2010 07:05 AM

لا حول ولا قوة إلا بالله .. هيا الدنيا جرا فيها إيه

الله يكون في عونك يا أستاذ محمد ، قلبي معاك

وأدعو الله إنه يوفقك لشغلانة مناسبة في أقرب وقت

**montela** · 24-08-2010 02:53 PM

ربنا يكرمك ان شاء الله بس يارات تبطل سجاير منها ان هي حرام ومنها تحافظ علي صحتك ومنها توفر فلوس

**opelawy** · 24-08-2010 04:57 PM

ملاحظة غربية
الاخ كاتب المقال
لا توجد عدد مشاركات له و لا يجود عضوجديد ولا اي حاجة !!!!
انامستغرب بس ربنا معاه لو صادق

**مراقب المنتدى** · 24-08-2010 05:07 PM

المشاركة الأصلية كتبت بواسطة opelawy

ملاحظة غربية
الاخ كاتب المقال
لا توجد عدد مشاركات له و لا يجود عضوجديد ولا اي حاجة !!!!
انامستغرب بس ربنا معاه لو صادق

لأن هذه هى مشاركته الأولى
والمشاركات فى الاجتماعى لا تحتسب
ولابد ان يكون له عدد من المشاركات حتى يحصل على لقب عضو جديد
التوفيق للسيد العضو

**medo_2060** · 24-08-2010 07:25 PM

هنا فى موضوعين مثبتين فى المنتدى ابعت السي فى بتاعك لكل الايميلات الخاصه بشغلك ومش هتخسر حاجه انت كدا كدا قاعد عالنت مكانك وبتبعت ويمكن ربنا يكرمك بحاجه
وكل سنه وانت طيب