طبعا وكعادة توكيل بروتون عز العرب عدم إحترام مالكى السيارات وعدم تحمل المسئوليه
الموضوع بإختصار إنى كنت عامل حادثه بعربيتى الجين 2 2009 من شهر أغسطس 2009(يعنى العربيه لسه جديده) وتم تغيير الكابوت والأكصدام الأمامى والفوانيس الأماميه وطبعا كالعاده لم تتوافر الفوانيس الأماميه لموديل 2009 ولا الأكصدام ولا الكابوت وفضلت العربيه مركونه فى التوكيل لمدة شهر ونص إلى أن تم تركيب قطع الغيار المطلوبه ما عدا الفوانيس الأماميه وبالإتفاق مع الأستاذ آمر مدير خدمة ما بعد البيع تم تركيب فوانيس أماميه (بدون موتور) مع وعد بتركيب الفوانيس الأصليه (بموتور) فور وصولها الفرع،وطبعا كان مطلوب منى إنى أنا اللى أتابع الموضوع ده وأتصل بيهم كل شويه عشان أعرف الفوانيس جت ولا لسه وبالفعل وبعد حوالى 10 شهور وصلت الفوانيس ولكن للأسف فانوس يمين فقط والشمال لم يأتى فى هذه الطلبيه (كلام فارغ طبعا)
روحت التوكيل وتم تغيير الفانوس الأمامى يمين وبقى كده عندى واحد بموتور والتانى من غير موتور وفضلت أسأل على الفانوس الشمال وكل مره يقولو كمان أسبوعين مع الطلبيه الجديده وطبعا مفيش حاجه بتيجى لحد ما عرفت أنه وصل فى بداية أغسطس 2010 وذهبت التوكيل لتغييره وكانت المفاجأه!!!!مش حينفع نغيرلك الفانوس عشان فى خربوش فى الطرف يعنى الفانوس مش جديد!! طب ما هو طبعا مش جديد لأنى كنت واخده أصلا مش جديد و بعدين عربيه بتتحرك فى الشوارع لمدة سنه المطلوب ان الفانوس بتاعها يبقى بحالته طب أزاى يعنى؟؟؟؟؟؟؟؟؟؟ده كويس انه متكسرش لا قدر الله.هما طلبوا إنى أرجع الفانوس سليم وأنا رجعته سليم بقضل الله ولا يوجد به شرخ واحد.
طبعا لاموضوع ده فى سرقه لأنهم طلعوا فاتوره بفانوس جديد بموتور لشركة التأمين واللى أتركب عندى فانوس مش جديد ومن غير موتور.
ايه ذنبى أنا أن التوكيل معندوش قطع غيار؟ولا هما بيبيعوا العربيه وخلاص ومعندهومش حاجه أسمها حدمات ما بعد البيع؟
ليه أمشى بفانوس شغال بالموتور وفانوس تانى من غير موتور (مع العلم ان العربيه نازله أصلا بفانوس أمامى بموتور).
وفى النهايه لا أملك إلا أن أقول حسبى الله ونعم الوكيل ولا حول ولا قوة إلا بالله
المفضلات