الموضوع: مقابله رمضان

زملائي الكرام
كل سنه وانتم طيبين
الحمد لله رمضان جه السنه ديه واحنا اكثر قربا من بعض والقسم بتاعنا في حيويه ونشاط بين الاعضاء مخليه الواحد مبسوط ولازق في القسم علي طول .
دلوقتي انتم عارفين انه فيه ميعاد لتسليم شماسات بلوجو المنتدي للي طلبوها
وبعدين لقينا في رغبه من اعضاء كتير في انهم يحضروا لمقابله ديه من اجل مزيد من التواصل بينهم وده اكيد حيخلي في اثر ايجابي علي نوعيه المشاركات والمواضيع داخل القسم .
وعليه بناء علي اتصال تليفوني موبايلي امبارح بيني وبين حسام اوبتراوي حبينا اننا ندعوا الي مقابله للجميع في القسم .
المقابله ديه مش عايزنها مقابله تقليديه عايزينها تكون فعاله لجميع المشاركين وتكون مرجع لينا ولبقيه الاعضاء داخل القسم في المواضيع اللي تهمهم .
ده حيحصل اذاي
احنا حنفتح باب الافكار والمشاركات من الاعضاء في نفسهم ايه يكون شكل المقابله وايه المواضيع اللي حتكون مفتوحه للنقاش .
يعني نا مثلا بقترح ان المقابله تكون كالتالي :
1- جلسه تعارف بين الاعضاء اللي اغلبنا حنكون اول مره نتقابل
2- تسليم الشماسات للاعضاء
3- تخصيص وقت للمواضيع اللي تهم الاعضاء والاستعانه بخبرات الاعضاء في مواجهتها
يعني نخصص وقت ان مثلا عضو يتكلم عن المعدلات الطبيعيه لاستهلاك البنزين لكل موديل من خلال خبرته والمشاكل والحلول اللي قابلها ولو حد عند استفسارات تكون مطروحه للنقاش بين المشاركين .
احنا عايزن نعمل حاجه تبسيط لورشه عمل لمالكي الشيفروليه بكل موديلتها طلع بنقط محدده عن بعض المواضيع تكون مرجع لاي واحد مهتم بيها ودليل ليه ياخد ويضيف ليه .
معلش الفكره جت متأخره وعشان كده انا بقترح اقتراحين :
اولا: ان احنا نخلي المقابله ذي ماهيه في معاده الاربعاء في الربوه الساعه 10 مساء ونحاول ان احنا ننفذ اللي نقدر عليه من افكار .
ثانيا: نأجل المقابله شويه مش كتير وانا بقترح احد الايام من السبت الي الاربعاء القادم مما يتيح فرصه احسن لاخراج المقابله بشكل جيد .
ياريت متبخلوش علينا واحنا مستنيين انكم تقرروا اللي انتم تحبوه
وشكرا