البطاريه فى العربيه 128

**aboomar2010** · 24-08-2010 11:59 AM

[overline]
السلام عليكم اهل المنتدى الكرام ورحمة الله وبركاته وكل عام وحضراتكم بخير بمناسبة شهر رمضان المبارك
ارجو مساعدتى فى مشكلة عربيتى 128 موديل 84 كل ما اطلع بيها مشوار سواء بعيد او قريب وتبطل منى لاى سبب حاكم انا لسه جديد فى السواقه المهم اجى ادورها ماتدورش ويبدا صوت المارش يضعف مع العلم انى لسه مغير لها مارش استيراد ولسه مزود مياة البطاريه وفى الحاله دى لازم استنى وقت لحد ما العربيه تدور او اطلب مساعدة ناس يزقوها وادورها زق وطبعا ده شئ محرج
انا سالت قالوا لى العربيه بتشرق طب ايه السبب وهل فعلا الكلام ده صحيح ولا الكربراتير محتاج تنضيف ولا ايه بالظبط ارجو مساعدتكم فى هذه المشكله لانى بضطر انى ادور العربيه كل يوم 5 دقايق عشان اضمن انه لما احتاجها تدور معايا خصوصا ان مشاويرى قليله

معلش فى حاجه كمان لما قست الزيت بتاع الموتور لقيته بين العلامتين ولونه اسود فهل ده معناه انى اغيره ولا استنى شويه
معلش طولت عليكم ولكن اعذرونى ماليش حد غيركم
[/overline]

**mohamed9999** · 24-08-2010 01:36 PM

متابععععععععععععععع

**ahmedsamir79** · 24-08-2010 01:58 PM

البطاريه محتاجه تتغير غالبا
أكشف عليها

**Khaled_Nowaihy** · 24-08-2010 02:15 PM

تأخير الدوارة فى ال 128 ممكن يكون له كذا سبب
لكن عامةً أول اليوم لاااااااااااااااااااااااا اااااااازم تسخن العربية كويس 5 دقائق على الأقل والا حاتقرفك طول النهار
انا مش خبير قوى برضه لكن لو مكانك اول حاجة اروح لكهربائى يكشف على البطارية ويشوف شحن الدينامو ويكشف على الكتاوت
وبعدين روح للميكانيكى يشوفها بعد كده لو كانت البطارية وكل حاجة سليمة
وخليه يشوف طقم الكهرباء (البوجيهات-الابلاتين-الكوندنسر) اذا كان محتاج تغيير
بالنسبة للزيت مفروض تغيره كل 2000-3000 كم على الأكثر و تقيسه باستمرار خلال هذه الفترة وتشوف بينقص وللا لأ.
وحاول تشوف العربية بتطلع دخان من الشكمان و لونه ايه
وان شاء الله تكون بسيطة

**aboomar2010** · 24-08-2010 02:19 PM

بالنسبه للزيت اخر مره الزيت نقص ولمبة الزيت كانت منوره روحت مزود زيت بالنسبه للدخان مره واحده طلعت دخان ابيض كثيف انما على طول لون الدخان شفاف

**Khaled_Nowaihy** · 24-08-2010 03:27 PM

المشاركة الأصلية كتبت بواسطة aboomar2010

اكشف عليها ازاى معلش اصل انا جديد فى موضوع العربيات والبطاريه الجديده تعمل كام والقديمه هتروح فين

الكهربائى عنده جهاز بيقيس شحن العربية وعنده مقياس بيحطه فى عيون البطارية ويشوف كثافة حامض البطارية وفى النهاية بيقدر يعرف حالة البطارية ايه، البطارية الجديدة تقريبا 250 جنيه (اخر مرة اشتريتها من سنة) والسعر ده شامل انه ياخد منك القديمة

المشاركة الأصلية كتبت بواسطة aboomar2010

بالنسبه للزيت اخر مره الزيت نقص ولمبة الزيت كانت منوره روحت مزود زيت بالنسبه للدخان مره واحده طلعت دخان ابيض كثيف انما على طول لون الدخان شفاف

راقب الزيت وشوف حاينقص تانى وللا لأ .... مهم جداً اكتشاف سبب نقصان الزيت هل بسبب تسريب مثلاً أو الموتور خفيف بياكل زيت ؟؟؟
لون الدخان شفاف تقصد ابيض مائل للزرقة ؟؟

**aboomar2010** · 25-08-2010 10:21 AM

الف شكر ياجماعه على الاهتمام بالنسبه للزيت ازاى اقدر اعرف انه بينقص يعنى ايه هو مقدار النقصان الى عنده يبقى فى حاجه مش تمات اخر مره قولت انه نقص كان وقتها ميعاد تغيير الزيت والمره دى المقاس بين العلامتين ومايل لونه للسواد شويه وبرضه ده تقريبا ميعاد تغييره بالنسبه للون الدخان هو بلا لون تقريبا لكن اول مابدور بيدى دفعه دخان واشم ريحة بنزين وشويه وتروح
وياريت اعرف ايه افضل زيت يمشى مع المواتير القديمه ويحافظ عليها انا كنت بحط التعاون وتانى مره مصر للبترول
وشكرا ليكم ياجماعه وربنا يجازيكم عنى خير الجزاء

**aboomar2010** · 26-08-2010 10:09 AM

ياريت حد يرد عليه فى الموضوع لانى قلقان جدا

الموضوع: البطاريه فى العربيه 128

LinkBack

أدوات الموضوع

عرض

-

-

-

المواضيع المتشابهه

العربيه هتتركن شهر ايه الي بيتعمل عشان البطاريه ماتنامش

البطاريه بتنام لو في يوم العربيه مدارتش

هرفع العربيه سنه اعمل ايه فى البطاريه ؟؟؟؟؟؟

عايز اشتري منفاخ لكاوتش العربيه اللي معاه وصله بطاريه تقوم العربيه لو البطاريه نامت

للى معاة لانوس ياترى العربيه لواتسابت اسبوع البطاريه تنام ؟

الكلمات الدلالية لهذا الموضوع

المفضلات

المفضلات

ضوابط المشاركة