قنبلة جديدة لهيونداي

**funy76** · 24-08-2010 12:24 PM

أهلا أصدقاء منتدى هيونداي ... حبيت النهاردة اعمل موضوع عن عربية جديدة شفتها امبارح ماشية في شوارع المحروسة صحيح انا معنديش عربية هيونداي بس حبيت اشارك بموضوعي لأصدقاء هيونداي وكل أصدقاء المنتدى.

نزلت الشغل امبارح بعد الفطار وعلى كوبري 15 مايو لقيت عربية بكشافات زينون جاية ورايا انا قلت أكيد ده مرسيدس أو بي ام المهم العربية عدت من جنبي انا اتوهمت لما شفتها عربية سيدان من الحجم الكبير الفاخر جدا يعني في مرتبات المرسيدس S-CLASS أو بي ام دبليو الفئة السابعة أو ليكزس .

المهم ركزت اشوف العربية ده نوعها ايه والمفاجأة كانت هيونداي بجد كان شكلها تحفة والواقع أحلى كتير من الصور

المهم روحت البيت وفضلت اعمل بحث على العربية لغاية ما عرفت ان اسمها hyundai equus وهي موديل 2011 وفعلا هيونداي نزلت بيها عشان تنافس المرسيدس والبي ام دبليو والليكزس وكل العربيات الفاخرة السيدان

المحرك 8 سلندر ، 4600 سي سي

بس عندي سؤال لو تمن العربية مقارب لتمن المرسيدس او البي ام هتشتريها ولا تشتري المرسيدس او البي ام

المهم اسيبكم مع شوية صور جمعتها للعربية

**funy76** · 24-08-2010 12:25 PM

الجزء الثاني

**zakiali** · 24-08-2010 01:30 PM

هيونداي من نجاح الي اخر

**shaddadfalcon1** · 24-08-2010 01:44 PM

اكيد هشتري البي ام او الميرسيدس

**حماده المصري** · 25-08-2010 12:21 AM

هشتريها وقتي بدون تفكير انا عاشق هيونداي

والعربيه فعلا اخر عربيه توقعت انها تمشي في المحروسه

انا اقوي هيونداي شوفتها في مصر جينيسيس كوبيه وغبور معاه السيدان منها

وشوفت جمرك برضو فيراكروز اكبر جيب هيونداي

وحاليا دي افخم عربيه هيونداي

**Soma_Sooma** · 25-08-2010 04:43 AM

مشكوووووور والله يعطيك الف عافيه

**Deshahcoka** · 25-08-2010 05:07 AM

احنا حنهزر ؟! ديه عمرها ما حتنزل مصر اولا :) مافيه توكيل المرسيدس و البي ام مش حتسيبها انتوا فاكرينها فوضة :)

المهم العربية حلوة بس مرسيدس الماني يا باشا :) لا يقارن بالكوري لوا جاب الوان و اتلكم :)

**funy76** · 25-08-2010 02:07 PM

المشاركة الأصلية كتبت بواسطة حماده المصري

هشتريها وقتي بدون تفكير انا عاشق هيونداي

والعربيه فعلا اخر عربيه توقعت انها تمشي في المحروسه

انا اقوي هيونداي شوفتها في مصر جينيسيس كوبيه وغبور معاه السيدان منها

وشوفت جمرك برضو فيراكروز اكبر جيب هيونداي

وحاليا دي افخم عربيه هيونداي

هي فعلا أفخم عربية هيونداي وأعتقد ان هيونداي هتحذو حذو تويوتا بفرعها الفاخر ليكزس ونيسان بفرعها الفاخر انفينيتي يعني هتعمل العربية ده عشان تنافس بيها سوق السيدان الفاخر

الغريب اني لقيت العربية مترخصة ملاكي مش جمرك الله اعلم ممكن يكون حد من عائلة غبور لأن كمان العربية مترخصة من مرور أكتوبر وده دليل ان ممكن الشركة جايباها تعملها عرض للي عايز يشتري العربية ده

بس أعتقد سعرها هيعدي 800.000 جنيه لأن سعرها في أمريكا بيوازي 60.000 دولار أمريكي .