حادث غريب عجيب في مغسلة محطة السويس ( دة عنوانها علي اليوتيوب )

**Abo_Lina** · 24-08-2010 09:15 PM

يخرب بيت كده
هو مش طبيعي و لو عنده إدراك كان إكتفى بحادثة واحدة ..و كان مور بعد أول حادثة و نزل ..

لأ ده دخل في الناس و بعدين عشق و رجع خبط في الناس و بعدين عشق و طلع ع الرصيف و دخل في الناس !!

كون عنده صرع أو غيره دي مش مشكلة الناس على الطريق دي مشكلته هو و مفروض يحلها قبل ما يتولى قيادة سيارة

**mr_sameh** · 24-08-2010 09:49 PM

اعتقد فعلا ان في حاجه غلط في العربيه والسواق مايقصدش لانه كان واقف عادي في الانتظار

**rompo6** · 24-08-2010 10:04 PM

حادثه غريبه جدا

**hemalotfy** · 25-08-2010 03:36 AM

لا حول ولا قوة الا بالله

اكيد في حاجة حصلت في العربية

ربنا يسترها علينا

**Eng_Mostafa_89** · 25-08-2010 04:23 AM

لا حول ولا فوة الا بالله

الواحد يبقى واقف فى امان الله ويجى واحد زى كدة يدمرلو العربية

**Ralliart** · 25-08-2010 04:44 AM

حصلت لابويا في الكويت كان في باركينج مركز سلطان (شبه باركينج هايبر1 بس على كبير) وفوجئ بعربيه تويوتا برادو طلعت فوق الرصيف وخبطت في عربيتين واقفين والراجل مكمل على البنزين وفضل ينط بين الارصفه ويخبط في العربيات وبعدين طلع على الطريق ومشي عادي خالص!!

**h_shahin** · 25-08-2010 04:46 AM

المشاركة الأصلية كتبت بواسطة medo007

ياجماعة ان بعض الظن اثم للناس اللى قالوا كان شارب

انا كنت على كورنيش اتجاه المعادي وحصل موقف زي ده

فيه جيب صيني جنبي والراجل جاى من ورايا بيزنق وانا كنت عايز ادخل شمال واديت اشارة لقيته جاى جنبي وقفل عليا وكنت مدايق جدا من الحركة لان الطريق زحمة مش هتفرق لو دخلني حارته لاني كنت ورا عربية الشرطة الكبيرة اللى بتنقل المساجين المهم وقف جنبي وكانت قدامه عربية فولكس خنفسة القديمة مرة واحدة لقيت الراجل بتاع الجيب ده ضغط بنزين جامد ولزق في الخنفسة من ورا والكوتش بتاعه قعد يفرك من ورا لانه دفع خلفى واول ما الخنفسة طلع قدام شوية وهو وراه مشلش رجله من عالبنزين لقيت طلع فوق الخنفسة عالشنطة بعربيته مكنتش مصدق المنظر وبعدين نزل من عليها ببص عليه لقيت راسه جايى عالدركسيون اما راسه جت عالدركسيون العربية حدفت منه يمين بكل اندفاع لعربية الشرطة
لزق في الكوتش الكبير بتاعها من ورا ورجله فضلت عالبنزين لغاية ما الناس راحوا له بسرعة

وطلع ياعيني عنده صرع وساعتها جت له الحالة دي

الحمدلله انه موسعليش عشان اجي قدامه

فالحمدلله انها جت له في وقت زي ده ولزق في عربية شرطة عشان مكنش بوظ الدنيا او كان ماشى بسرعة مثلا والطريق وقف او اي حاجة مشابهة
وربنا يستر طريقنا كلنا

الحمد لله على نعمة الصحة
و ربنا يشفى كل مريض

**Ahmed Nasser** · 25-08-2010 09:16 AM

ياجماعة لو حصلت حاجة فى العربية كان هايروح شمال ويمين دة يا اما شارب او مجنون

**rasim** · 25-08-2010 11:40 AM

الحمد لله
قدر الله
ربنا يحفظنا

**tutankhamoun** · 25-08-2010 11:55 AM

وطلع ياعيني عنده صرع وساعتها جت له الحالة دي

الحمدلله انه موسعليش عشان اجي قدامه

فالحمدلله انها جت له في وقت زي ده ولزق في عربية شرطة عشان مكنش بوظ الدنيا او كان ماشى بسرعة مثلا والطريق وقف او اي حاجة مشابهة
وربنا يستر طريقنا كلنا

صرع و معاه رخصة ............... تحيا ج ع ع ......... و يحيا البزرميط ......... و كله سمك لبن تمر هندي

بلد تفرح ...... تفرج الصراحة

الموضوع: حادث غريب عجيب في مغسلة محطة السويس ( دة عنوانها علي اليوتيوب )

LinkBack

أدوات الموضوع

عرض

-

-

-

-

-

المواضيع المتشابهه

محطة الجراج - جسر السويس

حادث غريب عجيب في مغسلة محطة السويس

حادث غريب عجيب في مغسلة محطة السويس

شىء غريب عجيب فعلا

تعديل رقم (2) بشارع جسر السويس عند محطة قسم عين شمس

الكلمات الدلالية لهذا الموضوع

المفضلات

المفضلات

ضوابط المشاركة