مشكلة صغيرة في الدهان

**ahmed.mohy** · 24-08-2010 01:07 PM

ازيكم يا رجالة "كل عام وانتم بخير"
طبعا انا عارف اد اية الاحساس الرائع لما تنزل تلاقي حد ماضي علي عربيتك بمسمار او موس او دبوس او ... الخ
والاروع لما تجيب السايس بتاع الجراچ ويفتي ويقولك "انا هاحلهالك"
وتتفاجئ بانه جايب قطعة قماش ملطخها برمل وطين الطريق ويعمل الجزء المجرح الرفيع جدا
واتحولت الامضاء او الخربوش الرفيع الطويل الى شخبطه مجرحة عريضة .في دهان العربية الجديدة السوداء
الطريف اني كنت واقف معاه وللاسف ملحقتش امنعه غير بعد فوات الاوان

صراحة شكلها بقي اسوء بكتير بعد التجريح الرفيع الطويل بقى تجريح عريض كبير وده كان شكلي وقتها

المهم صراحة نفسي اعرف هل في حل ولا كدة تمام "الحمد لله على كل حال"
بس هل الشمع او غيره يفيد في حاجة زى كده وايه نوعه يعنى لو حد عنده وقت وشكرا

**mony10** · 24-08-2010 02:03 PM

لو في ملمع كويس ممكن يداري الخدوش الموجوده في العربيه على حسب عمقها في الصاج بس على اي حال هتكون احسن من الوضع الحالي

**Opelvectra** · 24-08-2010 02:20 PM

للأسف صعب الموضوع انو يداري بس انا كنت سامع ان في اقلام دوكو نفس لون البوية ممكن تعمل بيها علي الاقل هتداري اللون المختلف

**Ahmed.TV** · 24-08-2010 04:43 PM

اى اقلام او اى كومابوند او بولش ولا حيعملوا حاجة مع الخرابيش اذا كانت واضحة وباينة ,منهم لله الناس الاذى اللى بيمشوا يجرحوا فى عربيات الناس

انا فى عربيتى البولو القديمة واحمد بموس كاتب على الكابوت اسمه احمد مجدى

والعربية الجديدة التيدا بردوا نزلت لقيت واحد عامل اكس بالمفتاح وعليها دايرة كمان , وحاولت جاهدا بالبولش ومفيش فايدة

روحت جبت معطر عندى فى العربية ورشيت خفيف فى قطنه وفضلت امسح بالعقل لغاية ما خفت شوية عن الاول , بس طبعا الموضوع ده غلط عشان بوية العربية حتطلع

فالموضوع ده صعب بجد

ومالوش حل ان الواحد ياخد العربية معاه وهو طالع الببيت

**HISHO** · 25-08-2010 12:45 PM

طيب مافى حل يا جماعه انتو ناسيينه
ليه ماتجيبوش غطا للعربيه ولما تركنوها تغطوها بيه زى ما الناس كانت بتعمل زمان
=)

**karaktar** · 25-08-2010 01:33 PM

جالى مع العربية زجاجة صغيرة بالفرشة بتاعتها باللون الاصلى للعربية للخدوش طبعاً بتستخدم للخدوش الخفيفة هيه الزجاجه بلون العربية اسود لو عربية حضرتك نفس اللون والخدش بسيط مش كبير للدرجة ممكن نتقابل واظبطلك الخدش ده بإذن الله هايعمل فرق انا استخدمته مره واحده قبل كده عمل فرق طبعاً واختفى الخدش وكمان مع البولش الدنيا هاتبقى تمام

**Ahmed.TV** · 25-08-2010 03:05 PM

وانا كمان يا كيمو معايا صوباع كدا للخدوش وفيه لون للعربية بس معرفتش استخدمه فكرنى اورهولك لما نتقابل عشان لو بتعرف تستخدمه تقولى ازاى
ولون العربية عندى موف عشان لو التجربة نجحت نحاول نساعد

**WalidAdel** · 25-08-2010 06:32 PM

انا كان نفسي اجرب البوليش اللي هو بلون العربيه دا بيقولوا عليه كويس و بيداري و كان في عضو عامل موضوع كامل عنه مش فاكر فين بالظبط بس كمان جايب جهاز بلاك اند ديكر بتاع البوليش انا المشكله بالنسبالي اني مش لاقي المنتج اللي كان مستخدمه SimoniZ light blue واضح انه مش بينزل اصلا فهاجيب حاجه تانيه بس لما الاقي الاول البلاك اند ديكر دي في شارع الجمهوريه ممكن حد بقي يجرب كده بايده هو مش غالي 45 جنيه و موجود في كل بنزينات وطنيه

-

-

الموضوع: مشكلة صغيرة في الدهان

LinkBack

أدوات الموضوع

عرض

مشكلة صغيرة في الدهان - انشر الموضوع فى :

-

-

-

-

المواضيع المتشابهه

مشكلة صغيرة

مشكلة صغيرة عندي ......................................

مشكلة صغيرة في الانسر؟!

مشكلة صغيرة

مشكلة صغيرة فى التابلوة

الكلمات الدلالية لهذا الموضوع

المفضلات

المفضلات

ضوابط المشاركة