سمير وعيسوي..... حوار من قلب توكيل كيا ..عليه العوض خلاص

**All_New_Cerato** · 25-08-2010 01:45 AM

توكيل زي الزفت .
انا مش عارف من غير المهندس خالد كنا عملنا ايه

**Deshahcoka** · 25-08-2010 04:58 AM

انا مش عراف ايه الحل معاهم ده ابورواش القاهرة كمان ! انا قلت اسكندريا بس هما الي بقوا زبالة ! مش عراف اقلك ايه يا باشا بس الحمدلله انهم صلحوها مش زي رايح جي من غير فايدة

**hosamenter** · 25-08-2010 05:01 AM

اظن ان الاوان لتغيير نظرتنا عن الخليجى

**Ahmed Samy** · 25-08-2010 05:07 AM

المشاركة الأصلية كتبت بواسطة hosamenter

اظن ان الاوان لتغيير نظرتنا عن الخليجى

أنا نظرتي هي هي من زمان

يا ما شفت ناس حرقو دمهم في توكيلات و صعبان عليهم الضمان و فرق الفلوس

فقلت مابدهاش ...و كمان التوكيل موجود ...و على رأي سو

فلوسي في جيبي

هههههههههههههههههههههه

قال 4000 عفريت قال ههههههههههههههههههه

**Deshahcoka** · 25-08-2010 05:10 AM

فعلاً يا باشا والله ما كنت مستاهلة ضمان ولا توكيل ولا وجع الدماخ التيت ده الترباتيت :)

الواحد بس صعبان عليه الفلوس الي خسرها و الي بيكعها في الوقت التيت ده الي الواحد مش عارف بكرة مستنيه ايه :(

يارب الحمدلله على كل شيء

**yoko** · 25-08-2010 05:11 AM

المشاركة الأصلية كتبت بواسطة aaet1

عادى ياباشا وتجربتى معاهم فى فرع أبو رواش من شهرين بس والعربية كنت بغير اكصدام وصدر وفانوسين وفانوس ضباب وكارتيرة عجلة شمال، وبرضه ال 15 يوم وبرضه سبتها وسافرت اسبوع ولما رجعت سمعت كلام كتير من نوع خلاص اهه، بكرة ، بعده وبعد اسبوعين رحتلهم وقابلت المهندس خالد فاروق وللمفاجأة كل اللى لقيته ان العربية فاكين منها الاكصدام والفوانيس طب وبعدين لقيت ان المشكلة ان معندهمش صدر، يا حلاوة ... امتى هيوصل ... كام يوم طب عندكوا لغاية آخر الاسبوع وأنا هجيب الصدر من بره .. ماشى،
طبعا مفروس لأنهم ماوضحوش ان عندهم مشكلة فى قطعة غيار من البداية بدل ما كل شوية يمطوحونى.

برضه دورت بره ولقيت مليون صدر عند الجندى وغيره ... المهم صدقوا والصدر وصل واتركب بعديها بيومين طب وبعدين .... يومين تلاتة على الاكصدام الجديد لما يترش حاضر ... المهم وصلنا ل27 يوم وأخيرا هستلمها بكرة ولسه رايح لقيت مكالمة معلش أجلها يوم ... ماشى

رحت لقيت العربية زى ما هى مجرد صدر اتركب والاكصدام مجرد مرشوش.

طبعها وقفتلهم وياباشا فى نص ساعة بالتمام والكمال الاكصدام اتركب والكرتيرة وفانوس الضباب والعربية طلعت اتغسلت وبعدين اتركب الفانوسين ودمتم :_alshmokh08[1]:

يعنى الموضوع لو الواحد عمله برة مايخدش يومين ثلاثة أنا اتذليت جنبيهم 29 يوم بالتمام والكمال

لأ ومحسبينى على مصنعية 1550 جنيه ... على شغل نص ساعة وهقول ساعة كمان تركيب صدر !!!!

ماعلينا .... اهى حرقة دم والسلام

مرة تانية كنت بظبط التكييف ورحت فرع روكسى وطلعت منهم ب 3 خدوش على الكبوت ومع الأسف ما شفتهاش إلا لما روحت

يا نهار إحوس وأنا الناس بتقول على توكيل فيات وحش!!!!
أنا سمكرت شنطة وعتب وإكصدام ورشيتهم ورشيت رفرفين في إسبوع!!!! وعملولي نص الإكصدام الي قدماني جدعنة (بره المقايسه ومن غير ما اطلب منهم) والتكلفة 1800 عشان تأمين لو كانت مش تأمين كانت نزلت عن كده كتير!!!! وكمان الرش بتاع مصنع فيات والدهان والبطانه جيه بكود اللون من إيطاليا!!!

**Samah AbdAllah** · 25-08-2010 06:00 AM

برضه انا عاوزة اعرف العربية حصلها كل ده ازاى
يعنى ازاى تدخل التوكيل بعيب محدد
تروح تلاقيها بالشكل ده
هو صاحب العربية محاولش يعرف هى بقت كده ازاى ؟؟؟؟؟؟؟؟
وياترى التوكيل اللى كان يضرب بيه المثل ايه اللى سوء حاله بالشكل ده ؟