أنا نويت اشتري اسبيرانزاa113 بس محتاج مشورتكم

**abodo** · 14-09-2010 01:22 AM

اولا انا مش عندى عربيه يمكن اكون انا العضو القديم لانى كنت بتكلم على موضوع مفتوح للفيرنا لانى معجب جدا بالفيرنا و ماتور الفيرنا بس ادعيلى يا مسهل هانت و قربت اجيب عربيه ... لكن بجد كله بيتكلم عن الصينى اكنه شبح هياخد الفلوس بتاعت العربيه و هيهرب هاتى اى حاجه فى السوق مش صينى و هاتى عربيه مهما كانت نوعها مفهاش خامات من الصين و بعدين ماتور الاسبرانز المانى بس فى خامات فى العربيه ضعيفه دى حقيقه بس على قد سعرها معقوله بالنسبه انها 1300cc و الابشن بتاعها مش قليل برضو يعنى بوص لسعرها و امكانياتها ياما بنفس السعر هتجيب عربيه نوع تانى بس اكنها شقه على الطوب الاحمر مفهاش حتى تكيف و الله اعلم ...

**egypt0777** · 14-09-2010 05:10 PM

انا متفق معاك ان اوبش العربية ممتاز جدا و امكانيتها خيالية جدا و سعرها كمان رائع جدا و انتشار قطع غيارها و اكسسوارتها الى ابعد الحدود

بس للاسف كل الحجات ده ما بتكملش خالص فى العربية ( الاوبش مش بتاعت شغل و الكماليات غير معمرة) ايه رائيك انى غيرت كالون الباب الداخلى للعربية مرتين فى اقل من سنة بلى العجل بالصرة اتغير مرتين فى اقل من سنة تيل الفرامل كبيره فى العربية 10 كيلوا عشان ما يكلش الطنابير -- تم خرط الطنابير على 30000 كيلو - الاكر الداخلية رخيصة جدا ب 20 جنيه بس ما بستحملش خالص ممكن تركبها و وتتكسر و انت بتركبها قواعد الماتور كبرها سنة المساعدين بايظين - بتوع الزيرو- ودول مهما التوكيل غيرهم برده بيظين عشان هو اصل جايبهم بايظين - مقصات العربية بايظة و ده بيسب الحدفة اليمين اللى المشهورة و اللى ما بتروحش مع ظبط الزوايا - نقر علبة الدريكسين الناتج عن القطمة و اللى التوكيل لما بيغيرها بترجع تانى عشان تصميم العربية كده -- سير الكتينة اللى لما تيجى تغيره يقعد معاك فى العربية 15000و يضرب وياخد معاه طقم الصبابت

الحجات ده كلها مش عيب عربية خالص( لان كل العربيات و كل المركات معرضة لكده -- بس بنسب معقولة) ( انا ابو الفتوح عنده مشكله فى جودة قطع غيار و مكونات تجميع العربية و اللى بتكون بالعبيط فى كل العربيات)

مقارنة بعربيات تانية -- انا مش عاوز الاوبشن و المكونات التعبانه ده اللى فى معظم عربياته -- وادينى عربية زيرو امشى بيها مهما كانت بلد منشائها و ابتدى افكر فى الحجات ده بعد خمس سنين استعمال مش بعد سنة استعمال

**abodo** · 17-09-2010 03:08 PM

بصراحه مش عارف ارد عليك بس كل ده فى العربيه يا نهار ابيض ده انا اشترى فيسبا على كده و انا الى كسبان انت هتخلينى اغير رأى فيها طب زى ما قولتيلى على عيوبها يا ريت توقى على مميزتها و مستنى منك الرد..

**yahyazidan** · 17-09-2010 03:50 PM

لو ماشترتش وعايز عربية حمارة شغل الكيا سايبا الايرانى حمارة شغل وقطع غيارها موجودة من ايام البرايد

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
مشرف 12 أ

**egypt0777** · 18-09-2010 12:11 AM

المشاركة الأصلية كتبت بواسطة abodo

بصراحه مش عارف ارد عليك بس كل ده فى العربيه يا نهار ابيض ده انا اشترى فيسبا على كده و انا الى كسبان انت هتخلينى اغير رأى فيها طب زى ما قولتيلى على عيوبها يا ريت توقى على مميزتها و مستنى منك الرد..

حق ربنا
زى ما قلت العيوب ده ليها طبعا مميزات و ممكن حصرها فى التالى:

ثبات بدرجة جيد جدا على الطريق
الوسع الداخلى الملحوظ سواء بين الكرسى الامامى و الكنبة الخلفيه و اتساع الكنبة اللى ممكن تشيل اربعة مزنقين
الشنطة الواسعة جدا
قوه الصاج بالمقارنة بالعربيات الحديثة
تسارع بتعها ممتاز لو قرصت جامد على الماتور -- انا لو ماشى عادى التسارع بتعها بدرجة جيد
ممكن تجيب بيها سرعات عاليه ل 180

فعلا بدون مبالغة العربية ده لو استوردتها مباشرا من الصين و بمواصفات درجة اولى -- العربيه ده تبقى مرسيدس بس للاسف كل اللى موجود فى مصر لا تحصل الفسبا من اللى عملوا ابو الفتوح فيها الله لا يباركله