الموضوع: تفاصيل عملية خراطة شميز موتوسيكل بالصور

المشاركة الأصلية كتبت بواسطة yascro

و بكده تكون السعه بتاعه المتوسيكل زادت بقدر زياده البستم الجديد وبالتالى القدره والعزم
تمام

بص... هو من ناحية السعة بتزيد... فهي بتزيد... بس مش للدرجة اللي أنتا متخيلها...
بتبقا أجزاء من الملليمتر... و مبتكونش مؤثرة أوي كقوة... خاصة أن الحبك بتاع الفابريكة مفيش أحسن منه...
مهما كانت العمرة نمرة واحد... عمر الحبك و الحكم بتاعها ما هيكون زي الفابريكة...

و عادة ... أي موتور في الدنيا بيكون ليه عدد مرات خراطة معينة... بعد كدا بأة هتضطر تدخل في شغل العك و تشحط فيه شميز و تركبله البستم الستاندارد بتاعه مرة تانية...

و فيه بعض المواتير... بيكون الشميز الفابريكة بتاعها removable ... بتفتح الموتور.. تفكه و تركب واحد تاني أصلي... ولا خرط بأة ولا حاجة... (زي مواتير بعض الجرارات الزراعية - الماركات الروسي)

و الخرط بيكون حسب البساتم المتاحة في السوق...

ممكن أول خرطة تبقا 0.10 أو 0.20

أنتا محكوم بالبستم المتاح...تاني خرطة 0.40 (لو كان فيه بستم 0.40 متاح)

بعد كدا مبينفعش خرط تاني... و هنا بنضطر لموضوع الشميز اللي قلنا عليه....

أهم حاجة... بعد أهمية الخرط طبعا و نضافته.... أن طقم الشمبر اللي يركب يكون أصلي... عشان ميفوتش أي زيت لغرفة الإحتراق... أو العكس ( أي حريق للزيت )...
و مهم جدا كمان عملية التليين... و ديه تعتبر 40% من العمرة...

في انتظار الصور يا دكتور محمود... :-)