الموضوع: عملت حادثه و الحمد لله

الحمد لله امبارح وانا راجع من الجيم عملت حادثه مش بسيطه بس الحمد لله علي كل شئ يعني نتيجه للكمية التوهان اللي الناس بقيت فيه تاكسي وقف لزبون فضلنا نقف ورا بعض بس متطرفين شمال شويه لحد ماجهه نصيبي في عربيه بيجو 504 تاكسي دخلت فيها علي سرعه جنب العربيه اليمين حاولت افادي التاكسي لكن للاسف مالحقتش و مع ان الطريق كان فاضي وانا كنت باصص علي التقاطع عادي يعني مالطريق فاضي رجعت راسي لاقيت البيجو دا في وشي ياودبك فاديته علي اد ماقدرت و الحمد لله بقي
الخسائر كبوت و رفرف يمين و فانوس و قربة ردياتير كانت بتنزل ميه و




و دا بعد الفك



و دا بعد ماتقفلت و الفينيش النهائي للعربيه و الحمد لله اتكلفت 500 جنيه و 3 ساعات شغل و اتنين شغالين فيها اسطي و الصبي بتاعه






السمكري دا كويس اوي ممكن لو حد عايزه في حاجه يروحلوا و شاطر وانا اضمنه يعني


الظريف بقي ان انهارده لاقيت واحد معاه نيسان صني روحتلوا اشوف عنده حاجه في الكابوت فبيسالني علي العربيه قرفاك ولا ايه و بيشتكي من مركز مودرن موتورز قعدت اتكلم معاه شويه و بيقولي انا اصلا من دمياط و بتاع و قاعد في المعادي قولتلوا بس عليك و علي السبع جربهم و شوف كده ايه الكلام و بتاع و اديته نمرة المهندس كريم و قعدة احكي معاه شويه علي المنتدي و وريتوا الاستيكر بقي عامل قمع انا بالاستيكر دا في الشارع عندنا بركاتك ياعم كرييييييييييييم يامظبطتنا

التكاليف بقي 250 مصنعية السمكري
50 مصنعية الراجل بتاع الفيبر لحامات في الاكصدام و قربة الردياتير فيها لحام اد طول الصوباع كده
210 فانوس يمين ديبو بس شكله مش عاطفي مش عارف لييييه
و الحمد لله يوم في الحرفييين من الساعه 11 لحد الساعه 2:30 و كله تمام

اي استفسار انا في الخدمه