لسة فيه حد محل ثقة

**ahmad--ezzat** · 25-08-2010 03:36 AM

كان ليا اصدقاء كتير بس كلهم طلعوا اى كلام...وحاليا معرفش غير 2 فقط....صعب اوى فعلا تأمن لاى حد

**Soma_Sooma** · 25-08-2010 03:46 AM

والله من تجاربى السابقة احب اقولك ان مش كل حاجة هينفع حكيها لحد و خصوصا لو حاجات خاصة جدا خليها لنفسك احسن

الى أمنتة على اسرارك انهاردة ممكن يستغلها ضدك الزمن غير النفوس و دلوقتى كلو بيقول نفسى نفسى

بس هقولك حاجة بردة ان اكيد فى ناس لسة كويسة بس الأهم الأختيارالصح و حرص ولا تخون

**ahmedhilmy** · 25-08-2010 03:50 AM

المشاركة الأصلية كتبت بواسطة mahmoudysf

انا في الحقيقة عن تجربة

وجدت ان كل انسان اديته ثقتى كانت غلطة كبيرة
ولا يجب اعطاء اى سر لاي حد
لان هيجي اليوم اللي تندم فية على الثقة دي
ويا ترى لسه بتدي تقتك وسرك لحد

ولو بيحصل مين هو

جرب معاية يا محمود و مش هتندم

بس عايز سر جامد الحقيقة ان كلامك مظبوط بس لسه الدنيا بخير بس الناس كلها بقت بكش من بعض ربنا يهدي الحال.

**mahmoudysf** · 25-08-2010 03:51 AM

المشاركة الأصلية كتبت بواسطة ahmed88hassan

يعني في نهاية كلامك هنوصل لـ انك شخص محل ثقة تؤتمن ع الأسرار
انا مقولتش كدة وده باين في كلامي انى حتى مقدرش احكم على نفسي ودايما النفس امارة بالسوء عشان كدة قلت اني حريص انى معرفش اسرار حد
انت وصلك غير كدة انت حر وبتفهم على مزاجك
طب وايه المشكلة ان يكون في واحد زيك بالظبط ويمكن كمان احسن منك في الحوار ده ... وليه واحد بس اساسا .... مش معني انك عرفت كام واحد طلعوا مش اللي انت عايزه يبقي الناس كلها .. ده فكر قديم اساسا
انت ليه شخصنة الموضوع
ااقرا الرد كويس عشان تعرف ترد صح
ومين قال انى بتكلم على اساس انى واخد خزائن الثقة لوحدي
وطبعا فيه كويس بس اد ايه وعندك استعداد تدي ثقتك لحد لحين يثبت العكس انت حر
ويا ريت تعرفنا في موضوع الثقة ايه الفكر الجديد اه منك نستفيد

وبعدين انت سنك كام عشان تحكم ع علاقاتك مع الأصدقاء فاشلة وانك مش هتلاقي واحد امين ومحل ثقة
وحتي لو سنك كبير برده ده مش سبب لأنك متعرفش انت هتموت امتي ...
شيل الأوهام دي من دماغك واكيد في محترمة وعندها اخلاق كويسة بأكتر من اللي انت طالبة بس كل الفكرة انك لسه معرفتهومش
انا سني اكيد اكبر منك
وبعدين ايه اللي دخل علاقة الاصدقاء الفاشلة فى انك تدى ثقتك واسراك لحد
وايه دخل الموت فى اللي بنتكلم فيه
هو لما الناس اتكلمت وقالت انها اتخدعت فى ناس خانو ثقتهم يبقو عندهم اوهام
يعنى انت نصبت نفسك حكيم وبتحكم على تجارب الناس بالاوهام
اكيد التجارب والزمن هيعلموك كتير

معلش انا رغيت كتير بس انا حست لفترة قصيرة بنفس إحساسك ده .. وشوفت نفسي ساعتها ملاك بين الناس اللي انا عرفتهم .. وبعد كده قابلت ناس غيروا الفكرة دي عندي
بالعكس دنا بقيت ابصلهم و استغرب ازاي ناس بالنقاء ده مستحملانا وقادرة عيش وسطنا

انت متعرفش ايه احساسي عشان تحكم وتقول انا مريت باحساسك ده
وبعدين مين اللي قالك اساسا ان انا شايف نفسي ملاك
متعممش تجربتك الشخصية على حد

**ahmad--ezzat** · 25-08-2010 03:56 AM

المشاركة الأصلية كتبت بواسطة Soma_Sooma

الى أمنتة على اسرارك انهاردة ممكن يستغلها ضدك الزمن غير النفوس و دلوقتى كلو بيقول نفسى نفسى

طب مالازم الواحد يحكى ويتكلم مع حد يفهمه....والا ينفجر....يجيب منين بقا

من التوفيقيه

**A7MED_PHARMA** · 25-08-2010 04:01 AM

من تجارب كام سنة

إنت ممكن تثق في حد معين..وتديله كل أسرارك
بس المشكلة
مع أول خلاف بينك وبينه
هيعتبر أسرارك إلي عنده ...سلاح يضربك بيه
وشيطانه هيصورله إنه لما يفضح أسرارك..كده إنتقام عادل منك

وللأسف
مفيش حد دلوقتي بأخلاق الفرسان
أقصد بأخلاق الفرسان..إنه مايستغلش ضعفك ضدك

**mahmoudysf** · 25-08-2010 04:05 AM

المشاركة الأصلية كتبت بواسطة a7med_pharma

من تجارب كام سنة

إنت ممكن تثق في حد معين..وتديله كل أسرارك
بس المشكلة
مع أول خلاف بينك وبينه
هيعتبر أسرارك إلي عنده ...سلاح يضربك بيه
وشيطانه هيصورله إنه لما يفضح أسرارك..كده إنتقام عادل منك

وللأسف
مفيش حد دلوقتي بأخلاق الفرسان
أقصد بأخلاق الفرسان..إنه مايستغلش ضعفك ضدك

للاسف دى الحيقة المرة

**devilishtigers** · 25-08-2010 04:52 AM

انا الحمد لله ماشي بحكمة ان السر لو طلع ما بين الاتنين (الشفايف) ما يبقاش سر.
بس انا كل اللي اقدر اقول عليه صاحبي او صديقي وليس زميل هما 5 فقط وكل واحد لو عندي مشكلة ممكن اتكلم معاه فيها بس كل واحد وليه مواضيع معينة اتكلم معاه فيها. علشان زي ما قال احمد لازم الواحد يفضفض مع حد ويتكلم. والحمد لله مفيش مره ندمت اني اتكلمت مع حد من صحابي. (بس لازم حاجات بتقع مني بس مش مع صحابي مع ناس تانية)
لكن السر الجامد اوي دا بتكلم فيه مع نفسي وساعات بالكتابة.

**ahmed88hassan** · 25-08-2010 07:47 PM

المشاركة الأصلية كتبت بواسطة mahmoudysf

انت متعرفش ايه احساسي عشان تحكم وتقول انا مريت باحساسك ده
وبعدين مين اللي قالك اساسا ان انا شايف نفسي ملاك
متعممش تجربتك الشخصية على حد

-مفيش مشكلة انك لما تبقي شخص كويس ومحل ثقة انك تتباهي بكده .. دي تعتبر صفة كويسة فيك
"واما بنعمة ربك فحدث"

-وبعدين يا عم انت كبرت الحوار ليه
انا مشخصنتش الموضوع ولا حاجة ..

كل الحكاية انا كنت بحاول اهديك من ناحية الموضوع ده
ونا قصدي الفديم ان الناس تقعد تقول الدنيا مبقاش فيها امان والناس اخلاقها بقيت وحشة والأب بيقتل ابنه والفرخة كلت بيضها ..الكلام ده كله احنا خلاص اتعودنا عليه

وبما انك بدأت كلامك في الفقرة التالتة بـ (اكيد انا اكبر منك)
وبعدها (نصبت نفسك حكيم)
معني كده اننا وصلنا لـ إن حضرتك مش عاجباك كلامي ومستقل بعقلتي .. مع إن انا نيتي كانت اني اهون عليك مش اكتر

لكن انا مش عارف انت قفشت ليه !

وع العموم انا مشاركتي في الموضوع ده انتهت .. لأن انت طريقتك في الكلام هجومية ونا رافض ده

و في النهاية اتمني ان مشكلتك تتحل .. وربنا يوفقك وتلاقي الأشخاص اللي انت بتتمناهم

-

الموضوع: لسة فيه حد محل ثقة

LinkBack

أدوات الموضوع

عرض

-

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة