+1
رينو لوجان او كما تسمي في رومانيا داتشيا لوجان
العربية بدأت بالإنتشار في مصر و طبعا افضل مكان لإستيراد قطع غيار لها هو مصدرها و هو مصانع رينو - داتشيا في رومانيا
السلام عليكم
بص يا باشا انا فكرت في الموضوع ده من فتره كبيره وفعلا ليا قريب في اوروبا ممكن يبعتلي العربيات اللي انا عاوزها بس المشكله في كذا حاجه وده اللي وقفني الموضوع لو هاتعمله على مستوي انك تجيب العربيات وتبيعها بنفسك قطع للمستهلك هايجتاج رأس مال كبير لأن المشروع ده دورة رأس المال فيه بطيئة نوعا ما بس مربح جدا بس هاتحتاج رأس مال كويس عشان تحس بالمكسب وهاتحتاج كمان مخزن كبير عشان تقدر تخزن فيه حاجتك لأن قطع غيار السيارات حجمها مش قليل
طيب لو فكرت تجيب وتدي لتجار قطع غيار الاستيراد ودول يا إما حيتان وليهم سككهم في اوروبا وخبرات بقالها عشرات السنين واكيد هايجيبوا اسعار اقل منك
او تجار صغيرين ودول للاسف ممكن تربط معاهم على شراء بضاعه ولما تيجي هنا يخسفولك بتمنها الارض او اشربها الموضوع عايز انك تتعاون مع حد ثقة ويكون ايده في السوق يعني شغال بالفعل لكن لو ما لكش حد في السوق وداخل كده بطولك احتمال الخسارة كبيييييير جدا
انا اسف انا مش بحبطك بس انا بقولك على خلاصة تجربتي
هنا هيجى دور التسويق الجيد للبضاعه
من خلال حجات كتير
اختيار قطع غيار مطلوبة بشدة
اختيار التجار او التعامل مع الافراد ذات الثقة
او الافضل محل فى الحرفيين ويتخصص فى اللوجان على سبيل المثال
فعلا الموضوع محتاج راس مال كبير جدا علشان الجمارك و ايجار المخازن والنقل والشحن وتحسبا لاى ظروف ممكن تحصل فى السوق
بس ده ميمنعش ان الفكرة جيدة وخصوصا ان الاستيراد هيكون من بلد المنشا رومانيا (بالنسبة للوجان) مش صينى او تركى فاكيد هتكون ذات جوده اعلى
السلام عليكم ورحمة الله وبركاته.
أولاً: أحب أشكرك جداً على مشاركتك و رأيك.
ثانياً: الحقيقة كلامك سليم بس على المرء أن يسعى و ليس عليه ادراك النجاح
أهو الواحد بيحاول و التوفيق من عند الله.
برده أحب أقول اني مش ناوي أشتغل اطلاقاً سواء تجار كبار أو صغيرين بدون توقيع عقود و شروط جزائية.
شغل البركة و الكلام اللي لا يودي و لايجيب اللي شغال في مصر مرفوض رفض باتاً حتى لو اضررت أن ماعملش بيزنس خالص في مصر.
في ملحوظة تانية من شروط البيزنس مع شركتي هي في الحقيقة مش شروطي لوحدي لاني معاية شريك روماني عشان ماعندناش وقت كبير و الوقت اللي عندنا بنحاول نستغله في رومانيا عشان نقدر نحصل على اجود المنتجات بارخص الاسعار بالاضافة لعملي كمهندس اني مسئول عن الشحنة فقط حتى ظهر المركب نظام fob
الشحن و تخليص الجمارك هي مسئولية المستورد في مصر و اللي عنده البضاعة المطلوبة في السوق بسعر كويس و جودة عالية بمقاييس اتحاد اوروبي هو اللي يقدر يفرض شروطه و اللي مش موافق مافيش مشاكل. في كام شركة استيراد في مصر ??!!
دي كانت رؤيتي للموضوع و في النهاية أتمنى التوفيق للجميع ان شاء الله.
تحياتي
طيب حضرتك رومانيا مشهورة بالأخشاب جدا
و الأخشاب الرومانية خصوصا الزان ليها سمعتها في مصر
لو ليك سكة فيها بلغني
انا كنت من فتره بدور علي حد في رومانيا يبعتلي جرارات زراعيه من رومانيا مستعمله ودرست السوق كويس واتعرفت علي ناس شغاله في الموضوع ده وكان فيه سيوله ماديه في الوقت ده لكن كان مفيش حد يبعتلي من رومانيا وراسلت ناس شغاله في المواضيع دي كان ردهم ابعتلنا الفلوس ونبعتلك لان في ناس نصبت عليهم وده طبعا موضوع مخبف وبصراحه الموضوع سخن معايا جدا لكن للاسف حاليا ماديا مش قد الموضوع ده
ياريتك كنت عملت الموضوع ده من زمان لكن ربنا يوفقك
السلام عليكم ورحمة الله وبركاته.
شكراً لمشاركتك.
بس الحقيقة و بكل صراحة الخشب مش على قائمة اهتمامات شركتي في الوقت الحالي و لكن اعدك بمناقشة الموضوع مع شريكي الروماني.
للعلم يوجد مصنع و مكتب لتقطيع الخشب من الغابات و تجهيزه للتصدير لمصر و المصنع ده هنا في رومانيا و برأس مال و ادارة مصرية.
تحياتي
السلام عليكم
م/ محمد انا كنت عايزة الايميل او التليفون لان زوجى لدبه شركة استيراد وتصدير وكان يريد الاستيراد والتصدير مع رومانيا فارجو الافادة وشكرا