الموضوع: دعوة لعمل بيزنس بين رومانيا و مصر. دعوة للمشاركة.

المشاركة الأصلية كتبت بواسطة dr.amr

انا ليا 2 قرايبي شغالين في قرية البضائع

واحد مصدر
والتاني مصدر ومستورد

كل واحد ليه شركته منفصله هما اغلب شغلهم في السمك والخضار وفي حدود السعوديه ولبنان

لو تحب انا ممكن اوصلكوا ببعض بس انا مش عارف حضرتك هتشتغل في ايه ممكن تشرحلي لعل الموضوع يكون خير

Hello,

(1) Wheat
(2) Cow and Sheep Meat fresh slaughtered
(3) Natural Pure Honey 100% Supported with all certificates
(4) Auto spare parts new and second hand and parts of cars
(5) Nut عين جمل مقشر


Greetings

المشاركة الأصلية كتبت بواسطة mostafabakry

+1


رينو لوجان او كما تسمي في رومانيا داتشيا لوجان

العربية بدأت بالإنتشار في مصر و طبعا افضل مكان لإستيراد قطع غيار لها هو مصدرها و هو مصانع رينو - داتشيا في رومانيا

Thank you for your clarification!

السلام عليكم
بص يا باشا انا فكرت في الموضوع ده من فتره كبيره وفعلا ليا قريب في اوروبا ممكن يبعتلي العربيات اللي انا عاوزها بس المشكله في كذا حاجه وده اللي وقفني الموضوع لو هاتعمله على مستوي انك تجيب العربيات وتبيعها بنفسك قطع للمستهلك هايجتاج رأس مال كبير لأن المشروع ده دورة رأس المال فيه بطيئة نوعا ما بس مربح جدا بس هاتحتاج رأس مال كويس عشان تحس بالمكسب وهاتحتاج كمان مخزن كبير عشان تقدر تخزن فيه حاجتك لأن قطع غيار السيارات حجمها مش قليل
طيب لو فكرت تجيب وتدي لتجار قطع غيار الاستيراد ودول يا إما حيتان وليهم سككهم في اوروبا وخبرات بقالها عشرات السنين واكيد هايجيبوا اسعار اقل منك
او تجار صغيرين ودول للاسف ممكن تربط معاهم على شراء بضاعه ولما تيجي هنا يخسفولك بتمنها الارض او اشربها الموضوع عايز انك تتعاون مع حد ثقة ويكون ايده في السوق يعني شغال بالفعل لكن لو ما لكش حد في السوق وداخل كده بطولك احتمال الخسارة كبيييييير جدا
انا اسف انا مش بحبطك بس انا بقولك على خلاصة تجربتي

المشاركة الأصلية كتبت بواسطة zalabany

السلام عليكم
بص يا باشا انا فكرت في الموضوع ده من فتره كبيره وفعلا ليا قريب في اوروبا ممكن يبعتلي العربيات اللي انا عاوزها بس المشكله في كذا حاجه وده اللي وقفني الموضوع لو هاتعمله على مستوي انك تجيب العربيات وتبيعها بنفسك قطع للمستهلك هايجتاج رأس مال كبير لأن المشروع ده دورة رأس المال فيه بطيئة نوعا ما بس مربح جدا بس هاتحتاج رأس مال كويس عشان تحس بالمكسب وهاتحتاج كمان مخزن كبير عشان تقدر تخزن فيه حاجتك لأن قطع غيار السيارات حجمها مش قليل
طيب لو فكرت تجيب وتدي لتجار قطع غيار الاستيراد ودول يا إما حيتان وليهم سككهم في اوروبا وخبرات بقالها عشرات السنين واكيد هايجيبوا اسعار اقل منك
او تجار صغيرين ودول للاسف ممكن تربط معاهم على شراء بضاعه ولما تيجي هنا يخسفولك بتمنها الارض او اشربها الموضوع عايز انك تتعاون مع حد ثقة ويكون ايده في السوق يعني شغال بالفعل لكن لو ما لكش حد في السوق وداخل كده بطولك احتمال الخسارة كبيييييير جدا
انا اسف انا مش بحبطك بس انا بقولك على خلاصة تجربتي

السلام عليكم ورحمة الله وبركاته.
أولاً: أحب أشكرك جداً على مشاركتك و رأيك.
ثانياً: الحقيقة كلامك سليم بس على المرء أن يسعى و ليس عليه ادراك النجاح
أهو الواحد بيحاول و التوفيق من عند الله.
برده أحب أقول اني مش ناوي أشتغل اطلاقاً سواء تجار كبار أو صغيرين بدون توقيع عقود و شروط جزائية.
شغل البركة و الكلام اللي لا يودي و لايجيب اللي شغال في مصر مرفوض رفض باتاً حتى لو اضررت أن ماعملش بيزنس خالص في مصر.
في ملحوظة تانية من شروط البيزنس مع شركتي هي في الحقيقة مش شروطي لوحدي لاني معاية شريك روماني عشان ماعندناش وقت كبير و الوقت اللي عندنا بنحاول نستغله في رومانيا عشان نقدر نحصل على اجود المنتجات بارخص الاسعار بالاضافة لعملي كمهندس اني مسئول عن الشحنة فقط حتى ظهر المركب نظام fob
الشحن و تخليص الجمارك هي مسئولية المستورد في مصر و اللي عنده البضاعة المطلوبة في السوق بسعر كويس و جودة عالية بمقاييس اتحاد اوروبي هو اللي يقدر يفرض شروطه و اللي مش موافق مافيش مشاكل. في كام شركة استيراد في مصر ??!!
دي كانت رؤيتي للموضوع و في النهاية أتمنى التوفيق للجميع ان شاء الله.

تحياتي

طيب حضرتك رومانيا مشهورة بالأخشاب جدا

و الأخشاب الرومانية خصوصا الزان ليها سمعتها في مصر

لو ليك سكة فيها بلغني

المشاركة الأصلية كتبت بواسطة ahmed anwer

طيب حضرتك رومانيا مشهورة بالأخشاب جدا

و الأخشاب الرومانية خصوصا الزان ليها سمعتها في مصر

لو ليك سكة فيها بلغني

السلام عليكم ورحمة الله وبركاته.
شكراً لمشاركتك.
بس الحقيقة و بكل صراحة الخشب مش على قائمة اهتمامات شركتي في الوقت الحالي و لكن اعدك بمناقشة الموضوع مع شريكي الروماني.
للعلم يوجد مصنع و مكتب لتقطيع الخشب من الغابات و تجهيزه للتصدير لمصر و المصنع ده هنا في رومانيا و برأس مال و ادارة مصرية.
تحياتي