بماذا تنصحونى بتعديلة فى نظامى الصوتى المصغر ؟

**nicegypt** · 24-08-2010 08:30 PM

هو نظام صوتى صغير .. هدفى سماع نقاء صوت داخل السيارة والاهم سماع بيز لعدم وجودة حاليا
الموجود عندى كالتالى :
2 سماعة صينى 250 وات للواحدة
سماعة صب ووفر صينى بالعلبة الخشب "عمولة" 400 وات
صب ووفر تايجر معدل بسماعة بايونير صب ببوردة مصغرة RMS 4 بالنسبة للوات 250 وات " صب كمبيوتر قمت بتعديلة ليعمل فى السيارة الصب فقط وقمت بتغيير السماعة الداخلية بسماعة صب بايونير بدلا من السماعة الصيني اللى جاية مع الصب التايجر "

جى ام 250 وات " اللى هو بـ 100 ج " سيئ للغاية فى صوتة مخرجين فقط " تو شانيل "
" تم توصيل سماعتين صيني فقط علية والصوت جيد ولكنة دون بيز ! ولا يمكن اعلاء الصوت اكتر من ربع الفوليم ! "

افكر بشراء جي ام سيمفونى 4 شانيل ألف وات ... وسوف اقوم بتوصيل الجى ام الاول حتى يكون مدخل صوتى لة
حيث لا يوجد بة مدخل للفلاش ميموري .. وتفاجأت بعدم وجود تحكم صوتى volume فى الصوت . هل يوجد جي ام سيمفونى بة تحكم فوليم ؟

الجى ام اللى عندى لا يمكن رفع صوتة اكثر من الربع والا يصدر دوشة
ثم فكرت فى شراء بايونير سى دى .. او بايونير بة مدخل فلاش ميموري فور شانيل. ولكنى مازلت افضل الجى ام السيمفونى .. ولكن يعيبة مشكلة الفوليم لا يمكننى تعلية الصوت اكثر من الربع فى الجيم ام القديم

فبماذا تنصحونى ؟ الجى ام ام كاسيت بايونير او ماركة معروفة ؟ علما اننى لا اريد صوت عالى جدا خارج السيارة .. اريد فقط ان استمع لصوت جيد داخل السيارة وبيز معقول وصوت نقى لا اكثر .. ولا اريد مشاركة غيري بالخارج .
وما هو التعديل المناسب ايضا فى السماعات من وجهة نظركم ؟

الميزانية المادية حاليا ف حدود 500 ج يمكن الزيادة ان استدعى الامر ذلك قليلا . فالسيارة دائما اولى من النظام الصوتى

**beetleMOSH** · 24-08-2010 09:12 PM

بصراحه و من وجهه نظرى
هاتلك كاسيت بايونيير محترم و معاه سماعتين كينوود او بايونيير
و هاتسمع كلام تانى خلص
و ممكن تجيب كاسيت دلوتى و توصل عليه السماعتين الصينى و ادام شويه هاتلك سماعتين نضاف بايونيير او كينوود
وممكن تجبلهم جى ام 300 مثلا لو عايز تظبط الصوت اكتر
غير كده سيبك من الكلام ده

تحياتى

**m7mda7md** · 24-08-2010 09:43 PM

كلام جميل و رأيي طبعا تبدأ بكاسيت بايونيير

**nicegypt** · 25-08-2010 02:41 AM

المشاركة الأصلية كتبت بواسطة m7mda7md

كلام جميل و رأيي طبعا تبدأ بكاسيت بايونيير

اشكركم على الردود .. بالنسبة للبايونير هل هناك نوع معين تنصحنى بة ؟ وكم تكلفتة على ما تعتقد ؟
هل اقم بتوصيل الجى ام القديم عن طريق " input " فى البايونير والسبب انى استخدم الفلاش ميموري ف الجي ام
لعدم وجودة فى البايونير .. مخارج السماعات هتكون من البايونير .. يعنى الجى ام ما هو الا وحدة ادخال فقط بدلاَ من استخدام السى دى

هل هناك جي ام سينفونى فى حدود 500ج يستطيع ان يقم.بالامر المطلوب ؟ ما نوعة ؟ وهل فية تحكم فى الفوليم ام لا volume

**m7mda7md** · 25-08-2010 03:11 AM

طب في حاجه مهمه يا باشا
ناوي بعد كده تصرف شويه ع الصوت تاني و لا هتشتري الكاسيت و السماعتين و الجي ام و خلاص؟
لو مش ناوي تصرف كتير هات كاسيت 2250 او 3250 و سعر الاول حوالي 650 او اقل و التاني سمعت انه ب 850
ال 2250 سي دي AUX & USB ال 3250 قيه بردو و شويه امكانيات بسيطه اعلي
ال جي ام سيبك من السيمفوني طالما لسه ع البر لأن السيمفوني ذباله
خلي بالك بردو المبلغ بيزيد بيزيد بيزيد هههههههههه و بالتوفيق ان شاء الله

**nicegypt** · 02-09-2010 09:19 AM

المشاركة الأصلية كتبت بواسطة m7mda7md

طب في حاجه مهمه يا باشا
ناوي بعد كده تصرف شويه ع الصوت تاني و لا هتشتري الكاسيت و السماعتين و الجي ام و خلاص؟
لو مش ناوي تصرف كتير هات كاسيت 2250 او 3250 و سعر الاول حوالي 650 او اقل و التاني سمعت انه ب 850
ال 2250 سي دي aux & usb ال 3250 قيه بردو و شويه امكانيات بسيطه اعلي
ال جي ام سيبك من السيمفوني طالما لسه ع البر لأن السيمفوني ذباله:b4_237:
خلي بالك بردو المبلغ بيزيد بيزيد بيزيد هههههههههه و بالتوفيق ان شاء الله

اشكرك على ردك اخى العزيز .. بس اية السبب ان الجي ام السيمفونى وحش ؟ هل قابلتك مشكلات معينة فية ؟

**peposupervisor** · 02-09-2010 01:32 PM

كل المقالة دي ومصغر امال لو كبير هتكتب قد ايه

**peposupervisor** · 02-09-2010 01:33 PM

خلي بالك امكانياتك ضعيفة جدا لتعديل عدتك

**m7mda7md** · 02-09-2010 07:36 PM

بص يا باشا السيمفوني ده مصري و ده جي ام مش فوطه ولا شراب و بيسخن و بيفصل و صوته معفن و سعره غالي ع الفاضي يعني هتزود حاجه بسيطه و تجيب جي ام نضيف تنساه ولا يسخن ولا يفصل ولا الحوارات دي