وايه الضرر اللي ممكن يحصل لو مشيت بيها كده
عرض للطباعة
وايه الضرر اللي ممكن يحصل لو مشيت بيها كده
الاعراض طقطقة مع الفرامل واحيانا في الملفات الحادة
يعني معني كده أنها ملهاش أي مشاكل في التوجيه بالدركسيون أو التعويم
متاااابع
أعراض تلف جلب المقصات انو العربية هتبتدى تطلع صوت فى الفرملة و المطبات و بالذات لو مطب حاد يعنى طلعته جامدة و بتبان لو حاولت تزق العجل لورا ناحية العربية هتلاقى الكاوتش بيتحرقك لورا.
لو استنيت عليها شوية هتلاقى فو فواصل الكبارى الدركسيون بيتحرك جامد و بالذات لو جلب متاكلة اكتر من اختها.
بصراحة عمرى ما استنيت عليها اكتر من كده عشان أعرف باقى الاعراض بس آخر مره كنت هغيرها لقيت بيض المقصات و بارة الدركسيون برده بيسلموا نمر ، فمركبتش الجلب الجديدة و قلت خلى الليلة كلها مره واحدة
بس نصيحة الجلب لوحدها رخيصة مقارنة ببقية حاجة العفشة يعنى جلب الفابيا ب100 جنبه مثلاً فبلاش تهملها عشان ممكن تبتدى تجيب حاجة تانية
كلام مظبوط الواحد لو كسل و معملش حاجه بتجر معاها حاجات تانيه كتيير
شكرا لهذه المعلومات
وانا فعلا كان عندى جلبة المقص التحتانى يمين كانت مهرية فعلا وغيرتها وظبط ت الشدادات
والعربية بقت احسن بكتير
وبعديها بكام ساعة العجلة وقعت فى حفرة وانا ماشى اللى لسه مظبطها:stink[1]:
بس الحمد لله ربنا ستر ومحصلش حاجة :)
و بتأثر كمان فى ثبات العربية على السرعات