انا ناوى اجيبها مستعملة ومش عارف هى احسن و لا البونتو ؟مين افضل واقل فى الاعطال وارخص فى قطع الغيار و الصيانة ؟وقبل ما اشترى اكشف عليها فى بنزينة وخلاص ولا اوديها التوكيل؟
عرض للطباعة
انا ناوى اجيبها مستعملة ومش عارف هى احسن و لا البونتو ؟مين افضل واقل فى الاعطال وارخص فى قطع الغيار و الصيانة ؟وقبل ما اشترى اكشف عليها فى بنزينة وخلاص ولا اوديها التوكيل؟
شوف لو حالتها حلوة وممتازة يبقى سيينا على طول
لاكن لو فى بارومة بلاش خالص
اهتم بالحالة اهم حاجة
انا كانت معايا 3 سنين و مشفتش منها يوم وحش عشان كانت فبريكة
وربنا يوفقك كشف البنزينة كافى واى خدمة انا معاك وقطع غيارها معقولة 1400 اللى كانت معايا
هو كشف البنزينة بيبين لو فيها بارومةاو اى مشكلة اخرى؟وايه اخبار تكييفها ولستهلاكها للبنزين؟وصيانتها خارج التوكيل سهلة..وهل فيها موضوع الباور سيتى ووحدة الكمبيوتر الموجوده فى البونتو واللى بتضرب بعد 100000كيلو زى مابيقولو؟سؤال كمان معلش فى عربيات بقولو مرفوعه 3 او 5 سنين هل ده بيكون احسن ولا لا؟وهل يمكن التاكد من ده وشكرا ليك
ايوه كشف البنزينة بيبين البارومة
انا عربيتى كانت مرفوعة 3 سنين عادى جدا و احسن كمان
التكييف فى النهار ضعيف و بليل ثلج
قطع غيار بره التوكيل و متوسطة مش محتاجة توكيل
معلش انا تاعبك معايا يعنى تكييفها مبيسقعش ولا بياثر على السحب يعنى اسوء من اللانوس مثلا...اصلى هجيب المستعمل وانا قلقان
وهل قطع غيارها متوفرة ورخيصة ولسه قارى انها بتجيب جوان وش سلندر و الكاتينة بتاعتها مش اى حد بيعرف يغيرها ولو اتغيرت غلط بتجيب صبابات هل الكلام ده صحيح؟
التكييف بيأثر على السحب الكلام ده على 1400 اللى كانت معايا
الكاتينة اى ميكانيكى فاهم يغيرها
قطع غيار متوفرة و رخيصة قريبة من اللانوس
موضوع الجوان موضوع السخونة اهم حاجة اكشف عن المية و المروحة باستمرار و الموشر بتاع الحرارة
وبعدين لو متردد هات لانوس عربية ممتازة برده
بس انا رأى السيينا افضل فى الركوب وقوة الموتور