تقفيل وكماليات اللوجان

**haitham06** · 25-08-2010 12:43 AM

ازيكم يا وحوش
استفسار بسيط يا جماعة بس يا ريت رد حقيقى ومن المجربين، بخصوص تقفيل اللوجان وكمالياتها سمعت إنه ضعيف وإن كمالياتها ضعيفة والصالون فقير بشكل كبير، بصراحة دى حاجة برده مهمة خصوصاً إنى أول مرة بركب زيرو ومش عاوز عربية الاقيها بعد سنة ولا اتنين بقت متبهدلة، شكرا مقدمأ يا وحوش

**mo7a_mo7a** · 25-08-2010 12:51 AM

انصحك تعاينها بنفسك في اي معرض قريب منك ومتعتمدش علي السمع

**haitham06** · 25-08-2010 01:08 AM

هو انا سؤالى بس لملاك اللوجان ورأيهم - بما يرضى الله - فى هذا الموضوع، أنا عارف ان كل واحد بيبقى شايف ان عربيته هى أحسن عربية فى الدنيا بس ردكم ده مهم أوى لأنه هيأثر فى قرار الشراء عشان ملاقيش نفسى بعد سنة ولا اتنين راكب عربية اتبهدلت وعيوب التقفيل فيها بانت، أرجو أنى اكون وضحت قصدى من السؤال وفى انتظار ردودكم ومشاركاتكم من أكبر عدد من الوحوش ، وجزاكم الله خيراً

**mo7a_mo7a** · 25-08-2010 01:08 AM

لازم تشوف الاول وبعدين تسمع

**Dr.Karim Emam** · 25-08-2010 02:25 AM

المشاركة الأصلية كتبت بواسطة haitham06

يا جماعة أنا قصدى رأى ملاك اللوجان بعد إستخدامهم للعربية هل مشاكل التقفيل بتبان وهل هى عربية ضعيفة وفقيرة فعلاً زى ما الناس المعارضين لرينو عموما بيقولوا، على فكرة أنا شفت العربية فى معرض سمير ريان وركبتها وشفتها من جوه وبصراحة صالون مش وحش بس أنا قصدى رأى ملاك العربية المحيرة دى، وشكراٍ

طيب ممكن حضرتك تكتب لنا مشاكل التقفيل اللي حضرتك سمعتها و إحنا هانرد عليها واحده واحده

**Egyzizo** · 25-08-2010 02:45 AM

التقفيل كويس ومافيش عندى أى مشاكل من الناحية دى .. والعربية داخلة معايا على سنة و 13 ألف كيلو ولم تظهر أى مشاكل من هذا النوع.

أما حكاية فقير ، فاذا كان قصدك ان ينقصه الفخامة ، فأنا مش هاعرف أفيدك لأنى طالع للوجان من 128 ، فهى بالنسبة لى زى الفل وراضى عن مستوى الصالون.
لكن أكيد فيه طبعاً عربيات تانية الإنتيريور بتاعها أكثر فخامة من اللوجان ، بس دى غالباً هتبقى فى فئات سعرية أعلى.

عايز أوصل لك ان العملية نسبية ، وما يرضينى قد لا يرضيك .. علشان كده لابد لك من المعاينة على الطبيعة.

**fox198626** · 25-08-2010 02:54 AM

أنا بالنسبه لى العربيه معقوله جدا من حيث التقفيل والفخامه...حاجه واحده الأنا مش شايفها تمام فى التقفيل قتحه صغيره تحت التابلوه من اليمين من جهة السائق ومن الشمال من جهة الراكب الأمامى لو دخلت إبدك فيها تحس بأنابيب سخنه بتاعت التكييف السخن تقريبا ..مع العلم انى لم أشعر بيها مطلقا إلا بعد ما بحثت عنها بس كانت لازم تتقفل...غير كده الحمد لله تمام...إنما فقيره وكلام زى كده ده كلام أنا شايفه مش مظبوط بالمره إلا لو كنت بتقارنها بbmw أو مرسيدس