الموضوع: موقف في منتهي الاحراج

المشاركة الأصلية كتبت بواسطة onna

موقف محرج جدا بس هنعمل ايه طيب دول بقو بيخبطوا على البيوت والله

انا مرة واحد ولد بتاع 11 سنة وقفني و انا داخلة مدخل العمارة لقسته بيقولى ممكن يا طنط اطلب منك طلب !!!

اصلا حرق دمي من طنط دى طبعا كنت عايزة اقوله طنط في عينك انا مكملتش لسه 23 !!!!

و بيقولى اصلى كنت في النادى و محفظتى وقعت و عاوز اكلم مامى من موبايلك تيجي تاخدني و معيش فلوس اتكلم
طبعا انا عارف حركة الموبايل دى و بياخدو و يجرو بعدين اديتو فكة يروح يكلم مامى بعيد عنى الواد بقا قام بص للفكة و مشي بعيد و بعدين لقيتو بيقولى و هو ماشي اة يا بنت اللئيمة !!!!!!

على اساس انى المفروض اسيبه يسرقني !!!

هي بقت عيني عينك كدة ؟

دا انتي طلعتلي ناصحة أوي يا "طنط" نها :) :)

إوعى تزعلي منى.. انا بهزر معاكي :)

المشاركة الأصلية كتبت بواسطة onna

ههههههههههههههههههههههههه ههه

لا براحتك قول طنط زي ما انت عايز:D:D

انا عايزة اقولك ان كلمة طنط دى نرفزتني اوى والله ..طب هحيبلك على حاجة ..انا مرة واقفة في مترو ماركت و كان معايا اختي و ولادها و انا شايلة مريم و كانت عندها سنة كدة و واقفين عايزين جبنة باين فالراجل بيقولي عايزة اد ايه يا مدام !! قلتله اهو عشان مدام دى انا مش عايزة حاجة و مشيييييييييت:D:D:D

فكرتيني مرة بواحدة جاتلي وانا في مارينا قاعد على البحر، وهي ما شاء الله شحطة (مش أقل من 21 سنة بناء على هيئتها)، وجاية تسألني بمياصة ومياعة: الساعة كام يا عمو (كان عندي ساعتها 27 سنة.. الكلام ده من 3 سنين)..

مش هاتصدقي (انا باعتذر عنه مقدماً) إن الرد اللي جه على بالي كان: يللا يا "بت" من هنا..

بس بصراحة مياعتها وشكلها وسنها وسؤالها كان يستاهلو الرد ده.. وللا إيه رأيك؟ (باعتذر تاني عن اللفظ) :)

بالنسبة للموقف اللي بيحصل ساعات معايا إن يجيلك طفل يقولك أنا مش باشحت.. أنا جعان وعايز آكل ويكون المكان اللي بيكلمك فيه مفيش محلات اكل حواليه.. فبالتالي تقوم حضرتك تديله اللي فيه النصيب.

أنا أول حاجة بسأله نفسك تاكل إيه..بيبان من الرد إذا كان جعان بجد وللا حاسس إني مفيش مني رجاء.. ساعات بيرد يقول: آكل أي حاجة.
المهم باروح واخده عند أقرب محل فيه أكل وأقوله اختار اللي نفسك فيه .. ولو لسه مش متأكد إنه بيكدب أو لآ بأقول لصاحب المحل الولد ده عاوز ياكل هاتله كذا وكذا وآدي الفلوس ولو قاللك عاوز يرجع الأكل وياخد الفلوس ما تديهالوش خالص.. وانا مسامح في الفلوس.. بس إوعى ترجعله الفلوس.

طبعا في كل مرة صاحب المحل اللي باكون فيه هو اللي بيفتكرني مجنون..

بس هانعمل إيه عشان نضمن عمل الخير من غير ما نعين حد على الشحاتة بالكدب :)

حد تاني حصله مواقف محرجة غير ناس فاكرينهم شحاتين؟؟؟