غيرت حساس الشكمان ولسة في ريحة بنزين في العادم - نغير رشاشات

**SBkr** · 25-08-2010 02:10 AM

السيارة نوبيرا بريميوم 99 - حساس الشكمان جديد وصناعة جينرال موتورز كوريا و البوجيهات و الأسلاك جديدة وفلتر الهواء جديد وفلتر البنزين جديد أختبرت البوبينة الشرر كويس وواضح بس لسة في ريحة بنزين واضحة في العادم حتي و العربية سخنة وبتغيب في الدوران شوية... أغير الرشاشات مع العلم انني من المنصورة يعني رشاشات البي ام وغيرها ممكن تكون موش متوفرة وانتو عارفين كل المستعمل بيكون علي التجربة وبفكر اغير برششات هيونداي بس جديدة حد عندة فكرة تنفع ولا لأ وبكام سعرها

**hanycapoo** · 25-08-2010 03:20 AM

غيير ياباشا رشاشات b m w

**محمد الشامي** · 25-08-2010 10:19 AM

المشاركة الأصلية كتبت بواسطة SBkr

وبتغيب في الدوران شوية

المشاركة الأصلية كتبت بواسطة hanycapoo

غيير ياباشا رشاشات b m w

+1

**M.Zaher** · 25-08-2010 12:58 PM

اتعب شويه و انزل الحرفين عشان تريح بالك بعد كده و غير الرشاشات زي ما الاخوه قالوا برشاشات البي ام

**Adham** · 25-08-2010 01:04 PM

ممكن العيب مش من الرشاشات

ممكن حساس كولنت و ممكن حساس هواء و ممكن تي بي اس

كلها لو مدية قرايات خطأ ممكن تخللي الكونترول يونيت يدي نسب غلط (هواء و بنزين) تعمل حريق ني

اكشف العربية داينوزس و حد فاهم دايوو يشوف قرارات الحساسات و يحدد العيب منين

**Adham** · 25-08-2010 01:07 PM

يعني

حساس الكولنت (الحرارة) لو مدي قراية غلط ان العربية حرارة المياة بتاعتها بارده حايخللي الكمبيوتر يدي بنزين زيادة على اساس ان العربي باردة و عايزة تسخين

حساس الهواء لو مدي قراية ان الهواء اللي داخل الانتيك اكتر من الفعلى برضة الكونترول حايدي اشارة للرشاشات تبخ بنزين اكتر (زياده زمن فتح الرشاشات) علشان تقابل كمية الهواء بينما الكمية اقل مما الحساس قاري

برضة ال تي بي اس لو قاري فتحة البوابة اكتر مما هي حايسبب نفس الاكشن من الكونترول

**mohfud** · 25-08-2010 01:51 PM

+1
ولكن مش ممكن حساس الشكمان يأثر على موضوعى إستهلا البنزين والحرق النى بشكل عام

**dr.hany** · 25-08-2010 02:59 PM

scan .

**MOHGOMAA2002** · 25-08-2010 03:15 PM

يا مرحب بأهل المنصورة أقترح عليك اقتراح كويس عشان متعملش زى ما أنا عملت وغيرت كل الحساسات وفى الاخر عملت عمرة موتور عندك فى المنصورة فى ميكانيكى اسمه حمدى عند كافتريا اليخت فى الاتوبيس الجديد عند موقف ميت غمر و الزقازيق و مصر الراجل ده شغال فى توكيل عيسى بالنهار و بيفتح الورشة بالليل ولو معرفتش توصل ليه روح محل كوريا فى الحسنية واسأل خالد العشرى عليه و متلفش و تجازف لان فتحة المكنة مش أقل من 1300 ج