لانوس ولا افيو

**eldeplomasy** · 08-03-2008 03:00 PM

ليه واحد قريبي عايز يجيب عربية في حدود الستين ومحتار بين اللانوس والافيو وكانت اراء الناس متضاربة من ناحية اسعار قطع الغيار ومن ناحية جودة العربية وتجربتها في الشوارع المصرية فانا عايز اراء الناس اللى راكبة لانوس ومشاكلها ولو حد فيكو يعرف حد معاه افيو يقولي رأيئة برده

وشكرا جزيلا

**aif** · 08-03-2008 03:12 PM

والله انا زي حالاتك نفسي اعرف فيه فرق جوهري بينهم ولا الافيو هي الاصدار الجديد من اللانوس خاصة انا الاتنين بيتجمعوا في مصر حاليا
يا ريت اخواننا المتخصصين واللي جربوا السيارتين يفيدونا

**hfarouk** · 08-03-2008 03:22 PM

الافيو افضل من اللانوس فى كل شىء تقريبا الشكل الحديث ، الفرامل اقوى بكثير ، الكراسى مرتفعة مش زى كراسى اللانوس اللى تحسسك انك قاعد على الارض ، العربية اعلى من تحت وده كويس علشان المطبات عندنا، جزء الانجكشن كله معدل فلاتوجد بها مشاكل رشاشات اللانوس، قطع الغيار فى الحاجات الاساسية تقريبا الاسعار مش فارقة لان حاجة اللانوس بتركب على الافية باستثناء بعض الاجزاء وتمنها مش بيفرق قوى بس سعر العربية الافيو الجديدة اغلى من اللانوس الجديدة طبعا فيها فرق حوالى 9000 جنيه

**eldeplomasy** · 08-03-2008 06:18 PM

شكرا لكل اللى ردوا

بس زي ما انا محتار بين الجيتا والباسات وا بي ام دبلو 316 فعلا حاجه تحير جدا لان الاسعار متقاربة جدا بس الفروق فين محدش عارف يوصل لحاجه

وياريت طيب لو حد معاه اللانوس يقلي ايه المشاكل اللى شائعة في اللانوس وكذلك اللى جرب الافيو يقلي نفس الكلام مع الاخذ في الاعتبار الهدوء داخل الكابينة وصوت الموتور والسرعة القصوى واستهلاك البنزين وتنسيق شكل التابلوه واداء المكيف

**hfarouk** · 08-03-2008 06:34 PM

وياريت طيب لو حد معاه اللانوس يقلي ايه المشاكل اللى شائعة في اللانوس وكذلك اللى جرب الافيو يقلي نفس الكلام مع الاخذ في الاعتبار الهدوء داخل الكابينة وصوت الموتور والسرعة القصوى واستهلاك البنزين وتنسيق شكل التابلوه واداء المكيف
عيوب الافيو لم تظهربعد فالسيارة لازالت جديدة بالسوق(الافيوالمصرى)الهدوء داخل الكابينة افضل من اللانوس صوت الموتور اعلى من اللانوس بسيط وذلك لعدم وجود بطانة بالكبوت فى الافيو اما استهلاك البنزين فى الاثنين واحد وعن شكل التابلوه فى الافيو افضل واحدث من تابلوه الانوس اداء التكيف واحد فى السياراتين وهو تكيف جيد

**eldeplomasy** · 08-03-2008 06:53 PM

شكرا جزيلا ليك يا ستاذ هشام فاروق

**mohamed ibiza** · 08-03-2008 07:39 PM

Lanos More Stable Than Aveo

Ibiiiiiiiiiiiiiiiiiiiiiiizzzzzzzzzzzzzzzzzzzzaaaaa aaaaaaaaaaaaaaaa For Ever

**fahd_628** · 08-03-2008 07:58 PM

افيو طبعا بس ممكن كمان يبص على الجيتز

**amrokhafagy** · 11-03-2008 12:12 PM

لو بتبص على الشكل الخارجى والداخلى يبقى الافيو
لو بتبص على الثبات فى السرعة العالية يبقى اللانوس
لو بتبص على اسعار قطع الغيار ومدى توافرها يبقى اللانوس
لو بتبص على الكماليات الاثنين واحد
لو بتبص على الارتفاع عن الارض يبقى الافيو (عيب فى السرعة العالية وعدم ثبات)
لو بتبص على الاصلاح عند بلية الميكانيكى يبقى اللانوس
وانا كنت زيك بس لقيت فرق 9000 جنيه كتير على الفرق
فاستخير وقرر بعدها