مودم اتصالات((وشويه اسئله))

السلام عليكم

النهارده يارجاله كبرت ف دماغى انزل اجيب مودم اتصالات لانى مسافر
بكره ان شاء الله محتاجه ف السفر المهم
نزلت الفرع الى جديد الى تفتح ف دوان توان شارع التسعين
التجمع خامس افتكرت عطول حبيبى ابو كمال
المهم روحت بعج الطروايح اشتريته ب 50 جنيه وعليه 50 ميجا
هديه و50 رساله هديه

المهم طبعا انا معرفش عروض كويسه ع المودم
المهم انا ساالته لو شحنت مثلا بكارت 10 يعد اد ايه استخدام مدينش
عقاد نافع قالى ع عرض بانه يخد منى 3 جنيه ف اليوم

ويدنى 20 ميجا هديه تصفح وكل زياده عن كده سوف تحاسب الميجا
ب 30 قرش

وقالى ليك 200 ميجا هديه لكل من جوجل والهوت ميل والياهو
والفيس بوك وايضا الزياده عن ذلك سوف تكون 30 قرش للميجا
المهم قولتله اوك خلينى ع النظام ده

المهم يارجاله انا عايز اعرف فيه نظام احسن من كده
ثانيا لو شحنت بكرت عاشره يعد اد ايه انا ممكن اعد ف اليوم مثلا

4 ساعات بالكثير ومش متواصله

بس مستنى راى الاعضاء ولو ابو كمال موجود يرسينى ع ال فيها
وشكرا مقدما

كلمني بكرة عالتليفون بعد الساعة 3 و انا ارسيك عالتيتة كلها :)

اشطه او يابو كمال هكلمك وتظبطنى يامعلم شكرا ياباشا

اقتباس:

---

المشاركة الأصلية كتبت بواسطة أحمد كمال

و انا ارسيك عالتيتة كلها :)

---

ههههههههههههههه ارسيك علي ايه ياباشا :majd(4): :_Alshmokh08[1]:الله يسامحك ياللي في بالي بوظت

اللغه بتاعة الأعضاء كلها ياشماتة ابله ظاظا فينا ههههههههههههه

طاب ما تقولنا هنا يا أبو كمال عشان أنا هشتري واحد قريب

وأجيب فودافون ولا استئصالات ؟؟

اقتباس:

---

المشاركة الأصلية كتبت بواسطة Abdo_Eldesokey

طاب ما تقولنا هنا يا أبو كمال عشان أنا هشتري واحد قريب

وأجيب فودافون ولا استئصالات ؟؟

---

توء توء توء :dontudear: كده أزعل منك .......

اتصالات دلوقتى وقتها ههههههههه

ده النص من موقع إتصالات
http://etisalat.com.eg/portal/page?_...s=usb_modem_ar

على فكرة وعن تجربة اتصالات افضل طبعا
وافضل باقة هى باقة الكمبو الشهرية
بتدفع 50 جنية بيتخصموا من الرصيد
وبيديك مقابل ليهم 500 ميجا صالحة
لمدة 30 يوم من تاريخ الاشتراك
بعد كدة الميجا الاضافية بـ 30 قرش
وهو معاية من 5 شهور وبصراحة
ممتاز وبسم الله ماشاء الله
شغال بدون اى مشاكل
واى استفسار انا فى الخدمة

و الله العروض دي ممكن تكون مناسبة للناس اللي مش تقيلة في استخدامها و بتدخل نت أوقات قليلة
لكن اللي استخدامهم كتير و بيعملوا داون لود كتير مناسب جدا ليهم الخط المفتوح أبو 150 و كمان ال 7 جيجا بتاعته معقولة أنا مش بعديها بكتير و احيانا مش بوصلها

بس انا زعلان من اتصالات عشان كنت عايز آخد معاه الولي فاي بس ماكانش موجود

الكومبو يعنى انا بشحن ب 50 جنيه لو هو بيدنى لما اشترك فيها ال 500 ميجا
وكل ماشحن يخصم من الرصيد

سؤال مهم بقي لاني عايز اشتري برضو

هيا بتعتمد ع الشبكه؟؟

يعني انا ف البيت معنديش شبكه اتصالات
هل دا معناه ان المودم ميشتغلش؟؟

انا فاكر ان قريب كان فى عرض بقت الميجا ب 15 قرش بدل 30 ... هو كان فتره واتلغى ولا ايه ؟
ياريت باشمهندس احمد يفيدنا فى النقطه دى

اقتباس:

---

المشاركة الأصلية كتبت بواسطة sniper_007

سؤال مهم بقي لاني عايز اشتري برضو

هيا بتعتمد ع الشبكه؟؟

يعني انا ف البيت معنديش شبكه اتصالات
هل دا معناه ان المودم ميشتغلش؟؟

---

طبعا امال هتجيلك اشارة ازاي

اقتباس:

---

المشاركة الأصلية كتبت بواسطة mazagangee

و الله العروض دي ممكن تكون مناسبة للناس اللي مش تقيلة في استخدامها و بتدخل نت أوقات قليلة
لكن اللي استخدامهم كتير و بيعملوا داون لود كتير مناسب جدا ليهم الخط المفتوح أبو 150 و كمان ال 7 جيجا بتاعته معقولة أنا مش بعديها بكتير و احيانا مش بوصلها

بس انا زعلان من اتصالات عشان كنت عايز آخد معاه الولي فاي بس ماكانش موجود

---

حاليا السرعة بتقل بعد 10 جيجا ودة عرض

اقتباس:

---

المشاركة الأصلية كتبت بواسطة elassar2010

حاليا السرعة بتقل بعد 10 جيجا ودة عرض

---

اشترك ازاي في العرض ؟

اقتباس:

---

المشاركة الأصلية كتبت بواسطة أحمد كمال

توء توء توء :dontudear: كده أزعل منك .......

---

هههههههههههه .. معلش يا باشا القافية هيا الي حكمت

بس فعلاً أنا أسمع إن اتصالات أحسن حاجة في النت

المفروض ان عرض الصيف الميجا ب 15 قرش
مش عارفة هيخلص امتى ولا خلاص خلص
ياريت احمد كمال يفيدنا

للاسف عرض 15 قرش بدل 30 قرش انتهى من يوم 18/8

كويس ان حضرتك قولتلى
لانى كنت شغالة بنظام الداى يوز

اسف كتبت معلومات خطا هتاكد منها واكتبها تاني

اقتباس:

---

المشاركة الأصلية كتبت بواسطة mazagangee

اشترك ازاي في العرض ؟

---

محدش قالي اشترك ازاي ؟

كيف اعد الشحن و تحويل الباقة؟


http://www6.0zz0.com/2010/08/25/22/344768403.jpg