اكتر ناس تضايق بجد هى الناس الى راكبه صفيح و العربيه عماله تعوم يمين و شمال و هو شغال غرز , و فى ناس اخر رخامه ابقى ماشى فى الحاره الشمال فى طريق سريع و مفيش حد فى الطريق غيره انا وهو بس و الاقيه لازق فيا و عمال كلاكسات و نور علشان اعديه من الشمال , مع ان معظم العربيات دى لو بس كبستلهم بنزين مش هيشوفوا عربيتى اصلا .
فى ناس فعلا بتبقى مضطره انها تمشى بسرعه بس الناس دى حتى بياخدوا غرز امان , و فى ناس الجرى و الرخامه و التهور طبع عندهم , وفاكرين انهم راكبين عربيات سبورت وعايزين يسمعوا صوت الموتور , مع ان اغلب عربياتنا سيدان 1600 او قليل 2000 مش معموله علشان نتسابق بيها و نخبط فى الناس .
النهارده الصبح واحد بيلف اليوتيرن فى الشمال و هو فى اقصى اليمين من غير ما يبص فى المرايه لولا انى ماشى بهدوء شديد كنت عملت حادثه جامده جدا .