الموضوع: الجنط اتكسر والكاوتش اتقطع...... اصلحه ولا اجيب جديد

السلام عليكم ورحمه الله وبركاته


الاخوه الكرام ف المنتدى

بقالي اسبوع كامل مع انى مشترك من فتره
بس من المواضيع الذيذه و الشيقه جدا وبالاخص ف قسم الورشه
متابع كامل الاقسام قرايه لكامل المواضيع و المشاكل

حسيت انه لازم الواحد فعلا يهتم بالعربيه والا


عموما كان عندى مشكله من فتره --- كان ناس الله يجزيهم خير ويسامحهم

عاملين مطب لوحدهم كدا قدام بيتهم

لبسته الحمدلله وكان طوب واقف وحاجات جميله - بدون اطاله
الجنط اتعوج لجوا - و طبعا لولا ستر ربنا الحمدلله

كنت ناوى اشترى واحد جديد واريح نفسى
لكن كنت برصص و اظبط زوايا وقالولى ممكن يتعمل عادى

بيتلحم ليزر تقريبا - المهم اتلحم والحمدلله
لكن قالولى الفرده نفسها الكاوتش مقطوع

بتاع الترصيص قالى - بكل امانه افضلك انك تجيب شنبر داخلى - نوع النصر
وتركبه اضمن واكثر حمايه ليك مليون مره


المهم روحت عند بتاع الكاوتش اشترى شنبر , قالى لا يا بيه حضرتك نلحمه احسن مليون مره وكويس وامن . قولتله ياعم الشنبر اضمن

قالى حرام عليك وانت كدا بتقتل الجنط والفرده تبقى زي اى فرده عاديه
اومال هيا تيوبليس ليه

نلحمه وهيبقى تمام وزي الفل


وانا متخوف جدا من موضوع اللحام
لانى بسافر كتير
وبجرى بالعربيه كتير


اتمنى المشوره و النصيحه


فى حفظ الله

المشاركة الأصلية كتبت بواسطة thedeveloper87

موضوع الكاوتش بالذات من أهم وأخطر عوامل الأمان في السيارة وبالذات علشان حضرتك بتسافر كتير... نصيحة مني اشتري فردتين جداد وابعد عن النسر تماما. وهاتهم تيوبليس علشان التيوبليس أمان أكتر برضه.

وريح دماغك من آراء الصنايعية ، لأن موضوع الكاوتش بالذات مفيهوش هزار ، لو لاقدر اللحام مش مظبوط أو الفردة مش تمام يبقى جيم أوفر.

وبالتوفيق إن شاء الله

جزاك الله كل خير على ردك والله
وبصراحه عندك حق

لكن غريب جدا موضوع النسر
الراجل بتاع الترصيص قالى و تجيب النسسسسسسسسسر شنبر داخلى
وماتجيبش غيره احسن حاجه

طبعا الصنايعيه مش هقول لحضرتك يعنى عارف اكيد لما بيستلموا حد

المشاركة الأصلية كتبت بواسطة astrologer

والله عنده حق فى الرد وجزاه الله خيراً

بص يا باشا موضوع ان الجنط التعوز انا عارف ومقدر ثمن الجنوط والكاوتش كام بس انت بتتكلم فى حياتك وحياه غيرك من اللى معاك على الطريق

فا انا برجح حتى لو تشترى فرده حديد عاديه بدل الجنط اللى اعتوج تكون بنفس مقاس الجنط وتركب عليها فرده كاوتش جديده ودى بقا اللى متتلحمش ولا تتغير ولا غيره او لو حبيت انقله ورا وركب داخلى امشي بيها على الخفيف لحد ما تشترى جديد

لان الكاوتش مفيهوش هزار

انا ممكن مخافش من الكاوتش مدام فيه داخلى وانت لحمته كويس بعد القطع وتركبه فى الخلف لكن لحام الجنط دى مقدرش عليها ابداً

وربنا يسترها معانا معاك وتقبل احترامي

متشكر جدا لردك استاذى الكريم

الفكره ان الجنط اتعوج من جوا نتيجه لطوبه كبيره زي ما تقول كدا ضغطه الكوتش عليها كانت قويه جدا
لدرجه انها تنت الكوتش لجوا وكمان الجنط نفسه لجوا كدا من النص

لانى كنت ماشى على سرعه كبيره


لكن تغير الجنط :( صعبه شويه حاليا لانى بعدل وبظبط ف العربيه مع انها لسه جديده بس تكاليف بقى الصيانه 20 الف كيلوا

بس بلغنى بتاع الترصيص ان الجنط اتظبط وفعلا انا اشايفه ومسكته ودققت فيه الجنط ولا كأن فيه حاجه وبيقولى اتلحم ليزر وقوى جدا
وسنفره كله من بره


لكن موضوع الكاوتش على رد حضرتك ورد الاستاذ الكريم فعلا انا هضطر اغير الكاوتش علشان السلامه
والامان


كدا الموضوع مش مريح خالص



ياريت لو الاقى نصايحكم اجيب كاوتش تويبلس مركه ايه ؟؟؟
ووسعره ف حدود كام
14/185



متشكر ليكم جدا