الموضوع: فرامل abs .. مميزات و عيوب

المشاركة الأصلية كتبت بواسطة bloody_stone

صباح الخير لاحلى منتدى ...

صباح النور و كل سنة و انت طيب

انا كان معايا زمان عربية فيها abs و سوقتها لمدة 3 سنين ...
طبعا ال abs ده اختراع ممتاز جدا و كلنا عارفين ايه فوايده .. بس زي ما ليه فوايد .. ليه عيوب و ليه احتياطات لازم ناخد بالنا منها و احنا بنتعامل معاه ...

أنا معاك انه ليه احتياطات بس ملهوش عيوب.

الabs اساسا مصنوع لعدة اغراض .. منها رد الفعل البشري .. بمعنى : لما تلاقي حد وقف مرة واحدة قدامك مثلا .. طبيعي انك تفعص دواسة الفرامل .. طبعا ساعتها العجل بيقفل و مسافة التوقف بتزيد جدا .. و ده اللي ال abs بيمنعه ..

أوافقك تماما

طب ايه رأيكم ان لو العربية مفيهاش abs ده ممكن يكون في صالحك اكتر من لو فيها ؟؟
- يعني مثلا تعرف انك لو على تلج (مش جليد طبعا لانها لو على جليد حتزحلق) او حصى ... لو العربية مفيهاش abs مسافة التوقف حتقل بكتير ؟ ليه ؟ ببساطة لان لو مفيشabs مش حيتكون وتد قدام العجل نتيجة التراكم و اللي حيكون مقاومة كبيرة تساعد العربية تقف... بعكس لو مفيش abs

انا مش معاك في النقطة دي لانك لما تفرمل علي زلط و العجل يقفل (علي الزلط بالذات العجل هيقفل بسهولة جدا و اول ما تفرمل) العجل هيكون مستقر علي الزلط و الزلط هيبءي جزء من العجلة و هيتزحلق بيها لان حصل بينهم التصاق و ده هيخلي العربية تسحف لمسافة كبيرة جدا و طبعا هتفقد السيطرة علي العربية تماما اما في حالة وجود abs كل ما العجل هيقفل هيفتح تاني و دي طبيعة عمل الـ abs و بالتالي العربية مش هتتزحلق و هتقل مسافة الفرملة في رأيي ده بالاضافه لامكانية توجيه العربية اثناء الفرملة.

- تعرف انك لو عرفت تتحكم في فراملك مسافة التوقف حتكون اقل بكتير من لو في abs ؟

دي عايزه مهارة خاصة في القيادة و الاهم من كده انها عايزه تفكير و هدوء اعصاب في الطوارئ و ده عادة مش متوفر لان زي ما حضرتك قولت فوق ان الواحد اول ما بيشوف حاجة ادامه فجأة بيفعص الفرامل و يكلبش في الطارة. و طبعا دي صعبة جدا و عايزه تمرين انك تتحكم في الفرامل في المفاجات اثناء التوقف.
انا معاك انا ممكن التحكم في الفرامل بكذا شكل يدويا و منها
1. Threshold braking و هي abs بس يدوي ان الواحد يدوس و يسيب بسرعة بحيث ان العجل ميقفلش و دي طبعا بالاضافة للي قولته انا فوق من هدوء اعصاب و مهارة مش هتكون بنفس تأثير وجود الـ abs اللي بيعمل الموضوع ده عن طريق الحقن الالكتروني لزيت الفرامل و طبعا مش ممكن هتكون رجلك حساسة زي الجهاز.
2. ممكن في الطوارئ لو قدامك رمل مثلا تحاول انك متكبسش فرامل جامد و انك تدوس يا دوب الفرملة اللي تهدي العربية عشان العجل مايقفلش و في نفس الوقت تحاول انك تتفادي التصادم. و دي طبعا عايزه برضه اعصاب و هدوء و حرفنة انك تعرف الفرامل امتي هتقفل و حسب السطح اللي انت ماشي عليه

انا اللي عاوز اوصله ايه : ان في السواقة العادية جوه المدينة .. في مواقف كتير ممكن تحصل تخلى ان لو العربية مفيهاش abs و انك بتعرف تتحكم في الفرامل تخليك تتفاداها احسن من لو العربية فيها .. و للاسف اغلب المواقف دي موجودة في مصر ...

هقولك علي حاجة علي فكرة الـ abs موجود من زمان جدا و فكرة الـ abs موجودة من ايام سنة 1900 و اتبقت فكرة بدائية منه في القطارات سنة 1900 و في سنة 1960 بدأو يفكرو انهم يحطوه في السيارات الفارهه الغالية (التاريخ ده بإختصار يعنني ممكن حضرتك تقرأ تاريخه بالتفصيل) و اتطور من الـ abs حوالي اربع او خمس اجيال حتي وصل الي ما هو عليه الان.
ممكن العيوب دي تكون موجودة في الاجيال القديمة لكن في اخر نسخ من الـ abs أعتقد انه تم تفادي كل المشاكل بتاعته خصوصا بعد اضافة الـ ebd اللي بيخلي الـفرامل تشتغل بكفائة حتي لو كل عجلة علي حدة علي سطح مختلف.

انا الحمد لله لاقيت شوية فيديوات توضح اللي انا عاوز اقوله لان شرحه صعب جدا ( و انا كسول شوية الصراحة)

بعد الفيديوات حوضحلكم شوية عيوب لل abs برضك ...

[youtube]http://www.youtube.com/watch#!v=hnjsze3ns9e&feature=related[/youtube]


youtube - broadcast yourself.


youtube - broadcast yourself.


وده تصوير حي للموضوع .. مش انيماشن زي اللي فات ...


youtube - broadcast yourself.




شوية عيوب لل abs بالاضافة للفيدوهات : (هي كمان ممكن متكونش عيوب عند بعض الناس) :
1) عند زيادة السرعة : الabs مصمم انه يقفل الفرامل حاجة بسيطة جدا مش بنحس بيها ( الخاصية دي بيسموها pressure up) و دي بتزود الحمل على الموتور و استهلاك البنزين لانها بتزود المقاومة .

اول مرة اسمع عن الموضوع ده و يمكن برضه تكون في الاجيال القديمة من الـ abs و خصوصا ان الفرامل الـ abs زي اي فرامل عادية في الظروف الطبيعية الا ساعة الانزلاق فقط.

2) ال abs تحكم اليكتروني بالكامل عشان كده محتاج متابعة دورية لان اي مشكلة فيه ممكن تعمل مصايب ( و ده حصل معايا شخصيا) و لو لا قدر الله حصلت فيه مشكلة صيانته بتكون غالية .

لمبة الـ abs بتنور في العدادات و تنبهك بمجرد حدوث اي عطل و اكثر اعطال الـ abs مع الوقت ان وجدت هي مع الحساس و اذا عطل تعمل الفرامل عادية و يتعطل نظام الـ abs فقط.

3) النقر و الحفر و خطوط الترام و السكة الحديد .. الخ ممكن تأثر على عمل ال abs وتخلي شغله مش منتظم على الاربع عجلات .. و احيانا لو الدنيا بتمطر و الارض مبلولة و واحد ماشي على النقر اللي بتفصل الحارات عن بعض .. ده ممكن يخلي ال abs عمله يختل او يتوقف تماما ( و دي حصلت معايا برضه) .

إضافة الـ ebd (electronic brake distribution) حل كل مشاكل عدم الاتزان في النقر و جعل كل عجلة كانها نظام فرامل مستقل بذاته

4) ال nhtsa او ما يعرف ب ادارة سلامة الطرق اسريعة المحلية بامريكا عملت دراسة في اغسطس 2000 اثبتت فيها ان ال abs صحيح ممكن يقلل الحوادث بنسبة كبيرة الا ان طريقة عمله احيانا في ظروف غير اللي صمم عليها قد تسبب حوادث.. و ان العامل البشري هو رقم واحد في الموضوع و ان النسبة ما بين قدرة السيارات المجهزة ب abs و الغير مجهزة على منع الحوادث هي فقط 20% !! .

عندك حق فعلا انا قرأت الكلام ده في كذا مكان ده منهم بس انا مش عارف هما بيتكلمو علي الـ abs في حد ذاته ولا مع ebd لان الـ abs لوحده ملهوش معني. علي العموم انا هقرا المقالة كلها و هقولك انا استنتجت ايه منهم
NHTSA: ABS Braking Increases “Fatal Run-off-Road Crashes” by 34% | The Truth About Cars

5) الabs اتصنع في ظروف معينة .. و هي العربية ماشية بسرعة و انت وقفت عالطول .. الطريق ممهد .. ممكن
يكون فيه ماء و زيت .. في كل الحالات دي .. حيشتغل بكفاءة .. غير كده لا ...


بعض النصائح احب اقولهالكم للي عنده عربية فيها abs :

1) و انت بتفرمل جامد .. اوعى اوعى اوعي تضغط و تخف الضغطة ! لا ! هي ضغطة واحدة و ثابتة ..
2) حاول متقعدش تحط و تشيل رجلك من على الفرامل كتير و بسرعة .
3) في حالة الفرملة الجامدة لا قدر الله و المسافة متسعفش حضرتك انك تلحق تقف .. اوعى تنسى ان فى ايدك ان تحود شمال او يمين ! دي احسن ميزة في ال abs ..
4) حاول تسوق العربية بعنف اقل لان السواقة العنيفة (كل شوية بنزين جامد و فرامل جامدة) بتخلي الabs يشتغل و ممكن ساعتها تكون قوة الفرامل اقوى او اضعف من المتوقع و تحصل حادثة لا قدر الله ..
5) الabs صعب تتنبأ حيفرمل ازاي او حيعمل ايه فلو حضرتك سايق بسرعة حاول دايما تسيب مسافات .


اخيرا احب اقولكم اني مش ضد ال abs ولا حاجة .. بالعكس .. انا شايفه مفيد جدا .. بس انا رأيي انه زيه زي اي حاجة لازم ليها مميزات و عيوب .. و نفسي طبعا لو الشركات تعمل خاصية في العربيات ان ممكن تشغله او تقفله .. يعني مثلا لو واحد محترف و الطريق كويس و ناشف .. لو ال abs مطفي حيكون احسنله بكتير و مسافة التوقف حتكون احسن برضه..

مستنى ارائكم في الموضوع و لو حد عنده اي تعليقات او ردود ياريت يشاركنى بيها ...

و شكرا.

انا العربيات اللي كانت معاليا قبل كده مكنش فيها abs
و العربية الصني الجديدة اللي جبتها ندمت اشد الندم علي اني جبتها من غيره.
انا مش متحيز للـ abs بس فعلا انا مبهور و حاسس انه اختراع رائع و انصح اي حد بيشتري عربية انه يجيب منها abs

و شكرا ليك و فعلا موضوع رائع و مجهود تشكر عليه.