الموضوع: اسئلة بخصوص الجيب شيروكي لاني بفكر اشتريها

المشاركة الأصلية كتبت بواسطة undercover1980

السلام عليكم

بفكر اشتري جيب شيروكي موديل من 97 الي 2001
عرفت اني في منها 4 سلندر 2500 سي سي
و 6 سلندر 4100 سي سي
يا تري عندي الترخيص كم ضريبة ال 2500 سي سي في السنة و كم ضريبة ال 4100 سي سي في السنة؟
و هل هناك مبالغ اخري تدفع عند الترخيص و كم؟
عند نقل الملكية كم تبلغ تكلفة نقل الملكية او التسجيل في الشهر العقاري؟
بالنسبة لاستهلاك البنزين تقريبا ال 100 كيلومتر يستهلكوا كم لتر بنزين؟ و لو انا مشغل التكييف ال 100 كيلومتر يستهلكوا بنزين اكتر؟

شكرا مقدما

ال2500 وال4100 ضريبتهم زي بعض... 1135 جنيه في السنة (اللي هو الحد الأدني)

بيضاف عليهم التأمين... و دا بيكون حوالي 150 في السنة... يعني ممكن نقول 1300-1400 ترخيص السنة الواحدة....

ال2500 كلها مانيوال...
ال4100 فيه مانيوال و فيه أوتوماتيك...

ال2500 استهلاكها من البنزين في الطوالي.. و لو العربية مظبوطة جدا... ممكن يوصل ل200 كم في الصفيحة... و في الزحمة... الصفيحة بتعمل 150-160 (بالتكييف)

ال4100 عالطوالي لو مظبوطة أوي... 120- 130 في الصفيحة...
في الزحمة... 80-100 في الصفيحة... (بالتكييف)

المشاركة الأصلية كتبت بواسطة undercover1980

أستاذ مينا
اشكرك شكر شديد جدااااااا للمعلومات المفصلة
جزاك الله كل خير

يا تري ممكن تساعدني في شراء السيارة لما انوي اشتري ان شاء الله؟

طبعا... تحت أمرك ان احتجت أي حاجة...

هبعتلك رقمي عالخاص... و شرفني بالاتصال في أي وقت....