عندي مشكلة في رواتر speed touch st585 v6 برجاء المساعده العاجلة

السلام عليكم اخواني في نايل موتورز

عندي راوتر speed touch st585 v6 وللأسف مش عارف ادخل علي الصفحة الخاصة بيه لضبط الاعدادات لأنه لما بوصله باللابتوب بيديني limeted connection علي كارت الشبكة ياتري ايه الحل
ملحوظة :-
1- عملت له ضبط مصنع بس مش عارف صح ولا غلط
2- ان شغال علي ويندوز 7
3-كل اللمبات بتنور أخضر ما عدا لمبة ال wireless بتنور أحمر وحاسس ان لمبة الباور نورها أخضر مصفر كده يعني الأخضر بتاعها مش زي بقية اللمبات
4- حاولت بكل البرامج الخاصة بيه اني ادخل عليه ومش عارف

أرجو المساعده العاجلة لأخوكم مزنوق جدا في الموضوع ده
وجزاكم الله خيرا

طب سؤال هل الروتر شغال..يعنى فى نت
اعمل سيرش للريكفرى تولز للروتر بتاعك عشان احتمال ال frame ware بتاعه باظ

خد رقم ال frame ومزلو من اول وجديد

اقتباس:

---

المشاركة الأصلية كتبت بواسطة hookyelyak

طب سؤال هل الروتر شغال..يعنى فى نت
اعمل سيرش للريكفرى تولز للروتر بتاعك عشان احتمال ال frame ware بتاعه باظ

---

ازاي هضبط ال firmware بتاعه والكمبيتر مش عارف يشوفه
ياريت لو عندك مثال او تقدر تقلي اجيب التولز دي منين قلي

اقتباس:

---

المشاركة الأصلية كتبت بواسطة mrwho1982

خد رقم ال frame ومزلو من اول وجديد

---

فين الرقم ده
وحاولت أعمل ابديت للسوفت بتاعه ولكن البرنامج اللي بيعمل أبديت مش شايفه خالص

جزاكم الله خيرا ياريت اللي عنده اي فكرة يقلي أعمل ايه

فى ريكفرى تولز تقدر تشوف الروتر حتى لو كنت مش عارف تدخله من البروسر
دور على موقع الشركة او اكتب اسم الموديل وممكن تلقى الفيرشن بتاعت الروتر على دهر الروتر .
دور على recovery tools انا حصلى كده مع الروتر بتاعى ولقيت الريكفرى بتاعه واتصلح

في ارقام بتتكب في ال address بتاعه صفحه النت بتخليك تدخل على صفحه الراوتر بتاعك
جرب تكتب في ال address بتاع الصفحه
192.168.1.254
لو منفعش اكتب 192.168.1.1
لو منفعش كلم شركه النت وهما هيظبطو معاك تظبيط الراوتر من جديد
اما لو نفع هتلاقي شاشه ظهرتلك تكتب فيها اليوسرنام والباسورد
اللي هما عادتا بيبقو
username:admin
password:admin
وهتلاقي صفحه التظبيطات بتاعه الراوتر فتحت معاك

كلام عن تجربة وخبرة:
هات اي حاجة رفيعة دبو س مثلا وهتلاقي في ضهر الراوتر فتحة صغيرة مكتوب فوقها reset هتضغط بالدبوس في الفتحة دي لمدة 20 ثانية وتكون قبلها فصلت الراوتر من كل حاجة ماعدا الباور هتلاقي الراوتر عمل ريستارت وهيحتاج بعد كدا يتعمله configuration وبعد كدا هيشتغل عادي

اقتباس:

---

المشاركة الأصلية كتبت بواسطة أبومريم

كلام عن تجربة وخبرة:
هات اي حاجة رفيعة دبو س مثلا وهتلاقي في ضهر الراوتر فتحة صغيرة مكتوب فوقها reset هتضغط بالدبوس في الفتحة دي لمدة 20 ثانية وتكون قبلها فصلت الراوتر من كل حاجة ماعدا الباور هتلاقي الراوتر عمل ريستارت وهيحتاج بعد كدا يتعمله configuration وبعد كدا هيشتغل عادي

---

ماهو قال انو عمل ضبط المصنع

هوا تقريبا عايز يعمل configuration طيب متوصل الراوتر باللاب بكابل واعمل الconfiguration عن طريق الاتي
في ارقام بتتكب في ال address بتاعه صفحه النت بتخليك تدخل على صفحه الراوتر بتاعك
جرب تكتب في ال address بتاع الصفحه
192.168.1.254
لو منفعش اكتب 192.168.1.1
لو منفعش كلم شركه النت وهما هيظبطو معاك تظبيط الراوتر من جديد
اما لو نفع هتلاقي شاشه ظهرتلك تكتب فيها اليوسرنام والباسورد
اللي هما عادتا بيبقو
username:admin
password:admin
وهتلاقي صفحه التظبيطات بتاعه الراوتر فتحت معاك

ما هو مش عارف صح ولا غلط

لأ هو مش عارف يدخل على صفحة الراوتر بأي شكل

جزاكم الله خيرا جميعا
يا جماعة الخير المفروض لما اوصله باللابتوب يشتغل من غير ادخال ip adress مش كده لأني عملت ضبط اعدادات لروترات كتيييييييييير قبل كده
لكن ده بيدي ليميتد كونيكشن لما بوصله
استخدمت كل الأيبيهات اللي ممكن تتخيلها عشان اوصل له ومش ممكن
استخدمت ويندوز 7 واكس بي وبرضه ولا حاجه
هحاول اعمل ريسيت لوقت طويل وربنا يسهلها
الكلام اللي شايفه قريب لحل المشكلة هو كلام الأخ الفاضل اللي قال استخدم الريكفري تولز من الموقع بتاعه ياريت لو حد يعرف أوصلها ازاي يقلي وجزاه الله خيرا لأني بدخل الموقع ومش لاقي حاجه زي كده

ربنا يباركلكم جميعا علي المساعده ويجزيكم خيرا

اقتباس:

---

المشاركة الأصلية كتبت بواسطة أبومريم

لأ هو مش عارف يدخل على صفحة الراوتر بأي شكل

---

بالضبط كده انا عملت كل حاجه و كلمت كمان الدعم الفني في لينك ولم اصل لشيء حتي الأن

Von ط·ظ€ظ€ظ€ظ€ظ€ط±ظٹظ€ظ€ظ� ��ظ€ظ€ظ‚ ط§ظ„ظ€ظ€ظ€ظ†ظ€ظ€ظ€ط¬ظ €ظ€ط§ط© The Way Of Salvation W.O.S gepostete Videos: â€ڈط¬ط¯ظٹط¯ ظˆظ…ط¤ط«ط± ط¬ط¯ط§. ط§ظ„ط§ط®طھ ظƒط§ظ…ظٹظ„ظٹط§ ط´ط.ط§طھط©. ط±ظ…ط² ط§ظ„ظ…ط±ط.ظ„ط© .ط£ط±ط¬ظˆ ط§ظ„ظ†ط´ط± [HQ]â€ڈ | Facebook

معلوماتي إن اي ريكوفري توول بتشتغل عن طريق اللان وانت بيديك ليميتد يبقى مش هتشتغل

بص جرب الينك ده ممكن ينفع فيه الابجراد يوتيليتى
Index of /pub/speedtouch/utilities/UpgradeWiz/v4.4.2.1/

اقتباس:

---

المشاركة الأصلية كتبت بواسطة أبومريم

معلوماتي إن اي ريكوفري توول بتشتغل عن طريق اللان وانت بيديك ليميتد يبقى مش هتشتغل

---

بالضبط كده يا ابو مريم هو ده توقعي
وعلي فكرة مبيقبل ضبط مصنع غير وهو بيقوم فقط عند ما بتكون لمبة الباور حمراء بضغط زرار الريسيت الصغير الخلفي لفترة لحد ما لمبة البور تنور برتقالي ولمبة ال ethernet تفضل تعمل فلاش بسيب ازرار يقوم يفضلكده شوية وبعدين يطفي ويشتغل من اول وجديد
ياتري كده صح بالنسبة للنوع ده والفيرجن ده ؟؟؟؟

اقتباس:

---

المشاركة الأصلية كتبت بواسطة hookyelyak

بص جرب الينك ده ممكن ينفع فيه الابجراد يوتيليتى
index of /pub/speedtouch/utilities/upgradewiz/v4.4.2.1/

---

نزلته قبل كده وجربت بيه اكثر من مرة علي ويندوز 7 و اكس بي ودخلت ايبيهات مرة وسيبتها اتوماتيك اكتر من مرة وكل حاجه ولا حياة لمن تنادي

انا حصلى نفس الحاجة مع روتر دى لنك وكان بيدى ليميتد ....دورت ولقيت الريكفرى والحمد لله اشتغلت ...جرب الينك الى ادتهولك
جرب الابجريد وزرد.....ولا انتا جربتة
طب بص ادينى الاميل بتاعك وانا هبعتلك الريكفرى الى نفع معايا

الريسيت الصح إن الجهاز يكون قايم عادي بس مش راكب فيه ولا كابل نتوورك ولا كابل تليفون مجرد الباور بس وتجيب دبوس وتضغط في مكان الريسيت اللي ورا لمدة 20-30 ثانية وتسيب ايدك تلاقي الراوتر عمل ريستارت وكدا بقى ديفولت

http://i18.photobucket.com/albums/b1...loss_/585i.png

هو دا الراوتر اللي عند حضرتك؟

لو الفريم واقع مش هيعرف يعمل ريسيت ....هوا المفروض يجربو الاول .........لو منفعش يعمل ريكفرى

اقتباس:

---

المشاركة الأصلية كتبت بواسطة hookyelyak

انا حصلى نفس الحاجة مع روتر دى لنك وكان بيدى ليميتد ....دورت ولقيت الريكفرى والحمد لله اشتغلت ...جرب الينك الى ادتهولك
جرب الابجريد وزرد.....ولا انتا جربتة
طب بص ادينى الاميل بتاعك وانا هبعتلك الريكفرى الى نفع معايا

---

تم الارسال علي الخاص

اقتباس:

---

المشاركة الأصلية كتبت بواسطة أبومريم

الريسيت الصح إن الجهاز يكون قايم عادي بس مش راكب فيه ولا كابل نتوورك ولا كابل تليفون مجرد الباور بس وتجيب دبوس وتضغط في مكان الريسيت اللي ورا لمدة 20-30 ثانية وتسيب ايدك تلاقي الراوتر عمل ريستارت وكدا بقى ديفولت

---

لا لا يقبل ذلك ولو فضلت دايس طول النهار

اقتباس:

---

المشاركة الأصلية كتبت بواسطة أبومريم

http://i18.photobucket.com/albums/b1...loss_/585i.png

هو دا الراوتر اللي عند حضرتك؟

---

ايوه هو ده

اقتباس:

---

المشاركة الأصلية كتبت بواسطة hookyelyak

لو الفريم واقع مش هيعرف يعمل ريسيت ....هوا المفروض يجربو الاول .........لو منفعش يعمل ريكفرى

---

رجاء التوضيح

الزرار المدور اللي في الراوتر في الوش دا شغال ولا لأ؟ عشان في طريقة تانية للريسيت عن طريق الزرار ده

السلام عليكم و رحمة الله و بركاته

ممكن أستفسر استفسار صغير؟؟؟؟


هى صورة الراوتر اللى فوق دى, الزرار اللى فى النص بالظبط ده , بتاع ايه؟؟؟؟


شكرا

مازيراتى كواتروبورتيه

اقتباس:

---

المشاركة الأصلية كتبت بواسطة أبومريم

الزرار المدور اللي في الراوتر في الوش دا شغال ولا لأ؟ عشان في طريقة تانية للريسيت عن طريق الزرار ده

---

شغال طبعا منتظر ردك يا ابو مريم جزاك الله خيرا

أطفي الراوتر وشغله من غير أي اسلاك واول ما لمبة الباور تنور اضغط على الزرار دا ضغطات متتالية بتاع 20 -30 مرة ورا بعض هيتعمله ريسيت

السلام عليكم و رحمة الله و بركاته

انا متهيألى أنت الزرار اللى فى النص فى الوش عالطول ده , هو اللى كنت بشغل منه الوايرلس , لأن الراوتر ده كان عندى فى السعودية , بس الكلام ده من ييجى سنة كده .

شكرا

مازيراتى كواتروبورتيه

اقتباس:

---

المشاركة الأصلية كتبت بواسطة أبومريم

أطفي الراوتر وشغله من غير أي اسلاك واول ما لمبة الباور تنور اضغط على الزرار دا ضغطات متتالية بتاع 20 -30 مرة ورا بعض هيتعمله ريسيت

---

للأسف حتي الأن لم استطيع الدخول علي الراوتر
وحتي بعد عمل ريسيت كما ذكرت اكثر من مرة ولا فائده
واستخدمت ايضا الريكفري توول اللي ارسلها لي زميل لنا هنا جزاه الله خيرا ولكن تعطي رسالة reset fail : check connections
الله المستعان

اقتباس:

---

المشاركة الأصلية كتبت بواسطة ehab_mansour

للأسف حتي الأن لم استطيع الدخول علي الراوتر
وحتي بعد عمل ريسيت كما ذكرت اكثر من مرة ولا فائده
واستخدمت ايضا الريكفري توول اللي ارسلها لي زميل لنا هنا جزاه الله خيرا ولكن تعطي رسالة reset fail : Check connections
الله المستعان

---

انا هبعتلك رقمي على الخاص كلمني ونا اول ما هنزل عين شمس هقابلك وباذن الله هظبطهولك