كلمة ونص 8-مارس 2008

**memo_hefnawy** · 08-03-2008 10:20 PM

خالد أنا بطلت من زمان أحاول أصحى حد من الثبات العميق خالص إللى نايم ينام إلا فى حالة إن الحارتين نايمين و هنا بقلب نور مرتين 3 عمل عبيط بكلكس عمل حمار بقلب تانى و كلكسين صدر عبده التنح بحط إيدى على الكلاكس و بيحرق دمى الله يحرق دمه

لكن عادة بيكون أحد سالكى الحارتين بيفهم و بيوسع أو بيقرص حبة مش يمشى جمب التنح و فى الآخر مفيش حاجة إسمها مخالفة تغيير الحارة أنا بمشى من النفق من زمان و عمرى ما مسكت حارة واحدة

**badblood** · 09-03-2008 12:43 AM

مصر بلاد العجايب كل يوم بنقابل تحف
وعجبي

**loai-omar** · 09-03-2008 10:38 AM

يا باشا ماحدش عارف ان اليمين للبطيء و اليسار للسريع

كله بيستهبل و يعمل عبيطك و انتا وراه

**electroman** · 09-03-2008 04:49 PM

المشاركة الأصلية كتبت بواسطة tutankhamoun

مع أتفاقي في الرأي على موضوع التناحة المتأصلة في الناس دلوقتي مش بس السواقة

ولكن ........ أعتقد أن السرعة المناسبة جدا في نفق الازهر لا يجب أن تزيد عن 60 أو 70 نظرا لضيق الحارات و أيضا للإلتواءات الموجودة في الطريق أسفل النفق
و كان هذا رأيي في موضوع السرعة المناسبة داخل النفق

و شكرا أستاذ سبعاوي على إثارة هذه النقطة

+ 1
الشارع المصرى غالبا يا واحد ماشى بتهور شديد و متصور ان فتك و بيسبق كل العربيات و هو مصدر للحوادث لانه ماشى زجزاج
و بيغير اتجاهه طول الوقت من اليمين للشمال و العكس و كتير من النوعية ديه بيتسبب اما فى حوادث للمشاه او يلبس عربيتين فى بعض
و هو يطلع عادى كأنه ماعملش حاجة !! و نوع تانى ماشى ببطء يفرس و ياخد شمال و يتنح مما يثير اعصاب اللى حواليه و لا يؤثر فيه نور و لا كلاكس و لا اى شئ فى العالم ممكن يخليه يتحرك .. الا نفاق بالذات تحتاج لسواقة عاقلة لان مفيش فيها مجال كبير للمناورة و الحادثه
فيها ممكن تسبب عطلة ساعات طويلة .. فى العالم كله السرعة فى الانفاق محددة .. و اعتقد فعلا 60 فى الساعة مناسب ..

**electroman** · 09-03-2008 06:48 PM

فى نقطة اخرى طبية خاصة بالنسبة للسواقة فى الانفاق و هى ان الهواء قليل رغم انظمة التهوية
المتبعة فى الانشاء و ممكن يحصل فى حالات نادرة مشاكل خاصة للناس اللى عندها مشاكل
تنفسية و ممكن يحصل دوخة وعدم اتزان .. و فى كمان ناس عندها مشاكل او فوبيا فى الاماكن المغلقة
مثل الانفاق و ده ممكن يسبب حوادث تصبح مميته فى حالة القيادة السريعة و المنحنيات و حادثة الاميرة ديانا
مش بعيد ..

**casperinoo** · 09-03-2008 07:36 PM

ابقي ماشي علي الشمال وسريع عادي يجي واحد من ورايا وعايز يعدي وده حقه ...اجيب يمين في الحال ..القيه هو كمان جاب يمين ..
لانه مكنش مصدق ان فيه حد ممكن يعديه من الشمال !!...