الموضوع: عربيتي فيها عيب صناعه ومش عارف اتصرف ازاي .. بالصور

المشاركة الأصلية كتبت بواسطة tutankhamoun

الفيصل في الموضوع هو وقت الأستلام للآسف أو أحترام شركة مودرن أو سوزوكي اليابان غير كدا ربنا يصبرك على العيب ده و أنا شايف أنه أن شاء الله حاجة بسيطة خالص و كبر دماغك

يعني أرضا بالأمر الواقع وربنا يعوض عليا في العربيه المعيوبه اللي دفعت فيها 107 الف ربنا يعلم جايين ازاي
مش معقول يكون ده الحل اللي يرضي ربنا

المشاركة الأصلية كتبت بواسطة nour3alanour

ازيك يا دكتور عامل ايه
اولا بسيطة ان شاء الله
ثانيا لما تروح حضرتك تعمل الصيانة أطلب من المهندس يطبعلك الايميل اللي بعته لسوزوكي اليابان علشان تتأكد انهم فعلا صوروها واهتموا بالأمر و وصمم علي انك تاخد منهم بيانات الاتصال من ايميل وتليفونات وفاكس لسوزوكي اليابان (وممكن الحصول عليها من النت لو عصلجوا مش قضية)
علشان لو هما كسلوا ومعملوش حاجة (شأن 99.9% من العمالة المصرية) حضرتك علطول تبعت الصور بنفسك وتحكي بالتفصيل علي الوضع بالكامل وتتابع مع اليابانيين وتشوف رأيهم ايه في الموضوع وايه التصرف الأسلم وكمان ضرورة التأكد من ان العربية مفيهاش اي عيوب تانية غير ده تكون خارجة بيها من المصنع
وانا شايفة مادام مش عايز حضرتك ترش يبقي خلاص تتساب
لان حتي لو هما في التوكيل هيصلحهولك مش هيبقي ليها حل الا انهم يسمكروا ويرشوا ملهاش حل تاني
بس تتأكد انه ده مش بداية لشيئ تاني خفي من عيوب تصنيع تانية مش باينة
والحمد لله علي كل شيء بسيطة

اهلا وسهلا ازيك يا فندم
انا فعلا خايف تكون العربيه فيها عيوب تانيه في نفس المكان او حتى عيوب في اجزاء تانيه ... مش يمكن كمان تكون كانت عامله حادثه عندهم ومغيرنلي ربع ولا حاجه !!!

المشاركة الأصلية كتبت بواسطة funy76

دكتور أحمد كل سنة وانت طيب رمضان كريم ، أخبارك أيه يا ترا انت فاكرني لما اتقابلنا في مودرن موترز أبو رواش لما كنت بعمل صيانة الــ 1000 لعربيتي التيدا ، وانا اللي نبهتك للموضوع ده وقلتلك عربيتك البروز ده او الانبعاج ده اللي في الجنبين مش طبيعي ويومها قلتلي فعلا انهم دخلوها الضمان وصوروها .

انا بصراحة كنت فاكر ان المشكلة اتحلت ربنا يعينك بجد

أنا من رأيي بلغ علطوول جهاز حماية المستهلك بجد الناس هناك محترمة جدا ولو عيب فعلا هيجيبولك حقك انا من رأيي بلغ علطول حماية المستهلك وشوف وربنا يكرمك ان شاء الله وتعرف تاخود حقك .

طبعا فاكرك يا باشا انت شخصيه محترمه جدا ومعرفتك مكسب كبير ... لازم ابقى اقابلك قريب ان شاء الله

انا فعلا ناوي على خطوة حماية المستهلك بس نشوف الاول هيتقال ايه في التوكيل بكره وربنا يقدم اللي فيه الخير ... بس انا الصراحه مش عارف ايه الحلول المتاحه ... يعني لو كانت موجوده ساعة الاستلام وانا خدت بالي منها ماكنتش هستملها وكنت هاخد واحده غيرها ... لكن دلوقتي ايه اللي ممكن يتعمل ؟؟؟؟؟

المشاركة الأصلية كتبت بواسطة أبو عبدالله

انا اللي شايفه في الصور ان العربيه واخده خبطه من حد مش من عربيه يعني يعني حد ريح عليها بس
ده اللي شايفه في الصور

دي عالناحيتين وفي نفس المكان والشكل بالظبط

المشاركة الأصلية كتبت بواسطة د.محمود صلاح

اكيد ماكانتش موجودة ساعة الإستلام لأنها في مكان واضح ومش ممكن تعدي عليك بسهولة

والله يا دكتور مش متأكد ... لكن ليا واحد معرفه كان هيشتري اختها ومن نفس المعرض وشاف فيها نفس العيب اللي عندي ده ورفض استلامها وخد فلوسه ... وهو اول واحد يلفت نظري ليها فعلا ... شاورلي عليها وقالي انت خبطتها ولا ايه ؟ قلتله لا ده هي كده العادي بتاعها دي حتى موجوده عالناحيتين .... حكالي اللي حصل معاه وقالي ابقى بص على غيرها في الشارع و اتاكد

المشاركة الأصلية كتبت بواسطة mohfud

ربنا يديك خيرها ويكفيك شرها

آمين

المشاركة الأصلية كتبت بواسطة ahmedsamir79

المشكله فعلا هو الوقت

هي فعلا مشكله لكن لو ثبت انها عيب صناعه او تخزين ومش ناتج عن حادثه انا السبب فيها ساعتها هيبقى ايه الكلام ؟

المشاركة الأصلية كتبت بواسطة MASERATI

السلام عليكم و رحمة الله و بركاته

أنا كان عندى استفسار صغير :

هى الحتة البارزة دى , فيه ايه قصادها فى الصاج من جوه؟؟؟؟

يعنى ممكن حضرتك تبص من جوه الشنطة و تشوف فيه ايه قصاد الحتة البارزة دى ؟؟؟؟؟؟؟؟؟؟؟؟

وعليكم السلام ورحمة الله وبركاته
هبقى اشوفها ان شاء الله واصورها واقولك

المشاركة الأصلية كتبت بواسطة tigernet

ياباشا دة من تريح الشباب على العربية
لما حد بيسند على العربية فى مكان مافيهوش عصب بيعمل كدة
زى رفرف الامامى بتاع الانوس و الكرولا ا الشكل القديم لما حد بيسند علية بيبقا شكلة زى ما يكون مخبوط

مستحيل تكون كده ... اولا عشان عالناحيتين زي بعض بالظبط ... ثانيا ليا معرفه شاف نفس العيب وهو لسه بيستلم في التوكيل ورفض العربيه ... ثالثا ماشوفتش ولا sx4 تانيه في الشارع فيها نفس العيب يعني مش معقول انا الوحيد في مصر اللي الشباب بيريحو على عربيته

المشاركة الأصلية كتبت بواسطة maserati

السلام عليكم و رحمة الله و بركاته

بس الأخ الفاضل اللى معاه العربية بيقول أن البروز ده موجود فى الناحيتين بالظبط فى نفس المكان بالمللى .

أنا اللى خايف منه , أن المكان ده يكون مكان لحام ولا حاجة , عشان كده قولتلك بص على منطقة البروز دى من جوه و شوف المنطقة المقابلة ليها من جوه , الصاج شكله ايييييييييييييييييييييه؟؟ ؟

شكرا و آسف للاطالة

اه والله انا خايف ليكونو كانو عاملين بيها حادثه وده مكان لحام ... ربنا يستر

شوف رد فعلهم بكرة فى التوكيل لو معرفتش تاخد منهم لا حق ولا باطل يبقى عليك وعلى حماية المستهلك
كانوا لسة من فترة عملين مشاكل بسبب عربيات مرشوشة ومتباعة على اساس انها زيرو
والزموهم باسترجاع العربية

عندى حاجه زى دى كده ...بس 3 منها فى القايم الشمال .وواحده فى القايم اليمين ...اوبل فيكترا 2008 ...ظهرت بعد الاستلام و متاكد مليون فى الميه ان محدش لمسها ....
بس مفيش طريقه لاثبات الكلام ده

ربنا يصبرك وان شاء الله خير بس انت متسكتش وخليك وراهم

المشاركة الأصلية كتبت بواسطة khaled ayman

عندى حاجه زى دى كده ...بس 3 منها فى القايم الشمال .وواحده فى القايم اليمين ...اوبل فيكترا 2008 ...ظهرت بعد الاستلام و متاكد مليون فى الميه ان محدش لمسها ....
بس مفيش طريقه لاثبات الكلام ده

طيب تفتكر سببها ايه ؟؟؟

يعني حضرتك بتقول انها ظهرت بعد الاستلام وان مفيش حد لمسها ... يبقى ايه سببها ؟؟؟ حاجه تحير