الموضوع: عربيتي فيها عيب صناعه ومش عارف اتصرف ازاي .. بالصور

المشاركة الأصلية كتبت بواسطة jojooo

دكتور احمد مجدى ازيك
انا لسة حالن شايف موضوعك وقعد فترة قبل ما كتب يصراحة مش عارف اقول اية (قلبى عندك) زى ما بيقولو فى المسلسلات.
هو موضوع تغير الرفرف الخلفى عندك لازم قض الرفرف من عند القائم الخلفى ولحام وكمان لحام فى اخر الرفرف من عند الشنطة وانا شايف انة بصراحة حرررام فى عربية زيرو
والحل الثانى وهو سمكرة ورش دة فى كلام كتير
1 اش ضمنك ان السمكرة تكون زى الفبريكة 100*100
2 طب والرش ممكن يققل من تمن العربية لو متعاملش صح
انا شايف انك لو فكرت تبيع العربية على حالتها مش حاتقلل من تمنها زى الاصلاح
طب والحل طبعا انت مصر يعنى صعب اوى تاخد غيرها انت ممكن تتفاوض معاهم فى تعويضك
وربنا معاك واعمل زى ما قال الاعضاء راسل الشركة الام من موقع سوزوكي خدمة ما بعد البيع واكتب وابعت صور لا تعتمد على التوكيل فقط
انا كنت بكلمك من قريب على الموبايل بس انت ماردش كنت عايز اعيد عليك


يوسف...

يوسف باشا ازيك .. كل سنه وانت طيب ... رقمك مش معايا و الله معلش يا سيدي طالما ماردتش مره جرب تاني ولا عايز توفر تمن المكالمه ههههه

الحمد لله على كل حال ... انا الموضوع ده عاملي قلق في حياتي ... احساس انك فيه حد ضحك عليك ودبسك ده احساس وحش ... والاوحش انك تكون جايب عربيه دافع فيها دم قلبك وتلاقي عيب عجيب زي ده يضيع عليك فرحتك بيها ...

ربنا يقدم اللي فيه الخير

اولا الحمد لله ان الوكيل اعترف بالعيب انا لما قلتلهم انها كده لوحدها ضحكو عليا ومردتش ارخم و اصمم لان اصلا منصور ميعرفوش يعملو فيها حاجه
المهم
بالنسبه لعربيتك
لا ترش ..ولا تغير رفرف
الرش هيبان وسيبك منه انهم يقولو مش هيبان لو هما عندهم سمكرى صح و بوهيجى صح ...كانو سابوهم و فتحو ورشه لوحدهم
تغيير الرفرف اخطر كمان من الرش ..لانه هيقطع من فوق عند القايم ..ومن تحت عند العتبه ومن ورا فى الدواخل عند الشنطه
ملوش لازمه خالص و مش هيعرفو يعملوه
اتكلم معاهم فى تعويض مادى

حاجة بجد تحرق الدم

انا الصور مش باينه عندي. بس احتمال يكون من سندة الناس الحلوين على الرفرف. و يكون الرفرف وراه دعامه حديد او اي جزء بارز بيعمل الشكل ده مع الضغط. و في الحاله دي طبيعي يكون الناحتين زي بعض باعتبار ان الجزء البارز اللي ورا الرفرف متطابق في النحيتين.

لو الموضوع كده يبقى التوكيل ملوش دعوه.

شوف بقى يا سيدى انا لسة شايف الموضوع و لو كنت كتبته فى قسم سوزوكى كنت شوفته من زمان

انته عندك حلين
الحل الاول تحاول تاخد منهم تعويض مادى مبلغ محترم يا اما تهددهم بجهاز حماية المستهلك
و متصدقهمش فى انهم بعتوا لليابان حاجة ماهما عارفين ان اليابان هتقولهم ما تنتوا شارينها مننا فرز تانى مش فرز اول بربع ثمنها

الحل الثانى انك توافق على سمكرة و دوكو فى التوكيل و اياك توافق على قص و تغيير رفرف
و على فكرة هما فعلا عندهم صنايعية شاطرين اوى اوى هيخرجولك العربية مش هتقدر تعرف كان فيها ايه قبل ما تتعمل


و انا ارجح الحل الاول
لان العربية بتمشى فى الشارع مش حاطتها فى البيت تحت السرير يعنى معرضة للخبط و التجريح و ممكن تكون راكنها تلاقى عربية ريحت عليها و هية مركونة الا اذا كانت عندك نية بيع العربية بسرعة ففى هذه الحالة انصحك بالحل الثانى