عربيتي فيها عيب صناعه ومش عارف اتصرف ازاي .. بالصور
السلام عليكم ... وكل عام وانتم بخير
عربيتي سوزوكي sx4 2009 سيدان شاريها شهر 10/2009 وعامل حاليا حوالي 20 الف كم
في شهر يناير اللي فات تحديدا اكتشفت في الرفرفين الخلفيين زي حته بارزه كده ... ممكن تشوفو الصور عشان مش هعرف اوصفها
http://files03.arb-up.com/i/00212/f1e357len81l_t.jpg
http://files03.arb-up.com/i/00212/jaiqaesuk993_t.jpg
http://files03.arb-up.com/i/00212/mabchltcouss_t.jpg
http://files03.arb-up.com/i/00212/vn5cm7wx3nal_t.jpg
http://files03.arb-up.com/i/00212/sdljh9yu1gtj_t.jpg
http://files03.arb-up.com/i/00212/m8inr9nmm5jb_t.jpg
http://files03.arb-up.com/i/00212/j6lpry4ciyok_t.jpg
طبعا انا هتجنن ازاي ماشفتهمش ساعة ما استلمت العربيه ... وهل كانو موجودين اصلا ولا ظهروا بعد كده ؟؟؟
لكن اغلب الظن انهم كانو موجودين ساعة الاستلام ولكني ماخدتش بالي منهم لسبب مهم وهو انهم عالناحيتين زي بعض بالظبط symmetrical فافتكرت ان هي تصميمها كده وان ده مكان التحام الشنطه بالرفرف الخلفي ... ماخدتش في بالي يعني ... لكن بعد كده لما بقيت اشوف زيها في الشارع ( كل فين وفين لانها مش منتشره ) الاقيها مافيهاش البروز ده خالص
يعني ده كده غالبا يا اما عيب صناعه يا اما عيب تخزين
رحت التوكيل في شهر 4 عشان اعمل صيانة ال 10 في مودرن موتورز ابو رواش ... المهندس خد العربيه دخلها لمهندس الضمان بتاع السمكره وبعدين رجع قالي احنا صورناها وهنبعتها لسوزوكي اليابان وهنبقى نرد عليك ... ومن ساعتها ماحدش عبرني ...
انا المشكله دي تعباني نفسيا ومكرهاني في العربيه ...
عايز اعرف ايه الحل ؟؟؟؟
ماحدش يقولي سيبها ... اولا : شكلها وحش وبيلفت الانظار ان فيه حاجه غلط ( مره عامل في محطة غسيل بيقولي هو الرفرف ده فيه حاجه غلط ولا انا متهيالي ؟؟؟ )
ثانيا : لو حبيت ابيع دي اكيد هتعيب العربيه ... يعني اي حد يشوفها ومن ضمنهم مهندس التوكيل يسالني انت عملت حادثه ؟؟؟ والعربيه اصلا سوقها واقف وبتنزل في سعرها مش ناقصه
ثالثا : اضمن منين ان مايكونش فيه مشكله في تصنيع الصاج ولا حتى شاسيه العربيه نفسه
الحل اللي اقترحه مهندس التوكيل ( مجرد وجهة نظر ) اني اسمكر وارش الرفرفين ... قلتله يعني العربيه زيرو وعايزني ارشها ؟ قالي مانت كده كده هترش فيها ايه يعني ... افرض يا اخي اني عايز ابيعها بكره تجبرني ليه اني ارشها ؟؟؟ وبعدين افرض اني مثلا هرش اكصدام نضافه لكن حرام أرش الرفارف الخلفيه !!
مش عارف اعمل ايه عشان اخد حقي
ليه اتحمل نتيجة عيب صناعه او عيب تخزين
انا غلطان اني استلمتها بالشكل ده واديني داخل على سنه بس فعلا مالفتتش نظري عشان افتكرتهم شكلهم كده طبيعي ماهو عالناحيتين زي بعض ماجاش في بالي حاجه كده .. غير لما اتاكدت بالمقارنه باخواتها في الشارع ... ده غير اني حاسس انها بتزيد
وبرضو غلطان اني سكت عليها كل ده ... بس عشان المشكله مش مأثره في الاداء وانا ورايا شغلي ودراستي مش كل شويه هروح ابو رواش وانا ساكن في الزيتون ده غير اني كنت حيران يا ترى هيحلوها ازاي ده كان بيجيبلي احباط واقول خليها وخلاص .. لكن فعلا مش هينفع .
تفتكرو ايه الحل العادل في المشكله دي ؟ و ايه الخطوات اللي المفروض اعملها عشان حقي مايروحش ؟
انا ان شاء الله رايح بكره صيانة ال 20 الف و اكيد هشوف الموضوع ده