سقف الاوبترا و مشاكله برجاء المشاركة

**m.basha** · 25-08-2010 02:37 PM

السلام عليكم عندى تطبيقة فى السقف مش عارف اعمل فيها ايه روحت للسمكرى عشان يحاول يردها من جوه رد جزء منها و الباقى قالى مش حاينفع لازم تفك فرش السقف مش عارف اعملها و لا بلاش فك السقف و لا فى طريقة ممكن اعملها من غير فك السقف بس انا لاحظت ان الاوبترا سقفها و الكبوت ورق اى حاجة بتعلم فيهم و لو حد يلاحظ 90% من اللى معاهم اوبترا السقف و الكبوت فيهم نقر بالهيلة يالا الحمد لله على كل شء معلشى طولت عليكم اوى شكرا لحضراتكم

**fawzyyyy** · 25-08-2010 03:11 PM

للاسف مش الاوبترا بس و كل الهيونداي كده

ده لو كلب طلع علي السقف و نام عليه بليل بتلاقي السقف اطبق

فأنا رأيي تسيبه احسن عشان لازم فعلا تفك الفرش ((ده لو الحتة اللي فاضلة فيه مش باينة اوي)).....و لو عدلته تاني مش بعيد تاني يوم تنزل تلاقيه مطبق تاني

**Nader007** · 25-08-2010 03:18 PM

كل العربيات الكورى الفى نفس فئة الاوبترا صاجها خفيف و السقف و الكابوت اخف، يعنى الالنترا كدا و السيراتو كمان كدا

اما عن الاصلاح فممكن بس لو اتوفر شخص يفك السقف و يركبه زى الفبريكة، لكن لو كانت التطبيقة بسيطة سبها افضل و بلاش حد يلعب فى السقف

**aymanmaly** · 25-08-2010 05:38 PM

انصحك بعدم الفك خليها كدة
لان الفرش لما بيتفك فصعب تلاقى حد بيقدر يرجعة زى الفابريكة فمالهاش داعى
و خلى بالك اغلب العربيات عندها نفس المشكلة و دة لطبيعة الهيكل الخارجى للسيارة الى بقى من شروطة خفة الوزن و بالتالى السمك و بالتالى التكلفة و بالتلى سرعة استهلاك قطع غيار